ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងបរិបទស្ថានភាពការងារមួយចំនួន វាពិបាកក្នុងការជួយឱ្យមនុស្សមានឱកាសទទួលទានទឹកណាស់! តួយ៉ាងដូចជាត្រូវការប្រជុំច្រើនមិនអាចទៅបន្ទប់ទឹកបាន ឬការធ្វើដំណើរដោយមធ្យោបាយសាធារណៈជាដើម។ យ៉ាងណាមិញ ការខកខានម្តងម្កាល ពុំមែនជាបញ្ហាខ្លាំងនោះទេ តែអ្វីដែលជាបញ្ហាប្រឈម គឺមិនបានយកចិត្តទុកដាក់លើការពិសាទឹកឱ្យបានគ្រប់គ្រាន់ជាប្រចាំថ្ងៃ។
តាមរយៈគេហទំព័រ psychology Today បានបង្ហាញប្រាប់អំពីហេតុផល នៃការពិសាទឹកបានគ្រប់គ្រាន់ គឺជាវិធីប្រយុទ្ធប្រឆាំនឹងភាពតានតឹង និងអាការបាក់ទឹកចិត្ត ដោយមានរៀបរាប់ដូចខាងក្រោម ៖
ផលអវិជ្ជមានចំពោះសុខភាពទូទៅ ៖ ពេលពិសាទឹកមិនគ្រប់ ឬរាងកាយខ្វះជាតិទឹកខ្លាំង ជាកត្តាដែលបង្កឱ្យមនុស្សចាប់ផ្តើមមានអារម្មណ៍ច្របូកច្របល់ ឈឺក្បាលញឹកញាប់ ឆាប់ខឹង ឧស្សាហ៍ភ្លេចភ្លាំង ហើយមុខងារការពារតំរងនោម និងក្រពះពោះវៀន ក៏ចាប់ផ្តើមចុះខ្សោយផងដែរ។
ផលវិបាកចំពោះសុខភាពផ្លូវចិត្ត ៖ ភាពឈឺចាប់ដែលប៉ះពាល់តាមរយៈរាងកាយ ក៏មានឥទ្ធិពលរុញច្រានភាពឈឺចាប់ និងការរំខានទៅកាន់សុខភាពផ្លូវចិត្តដូចគ្នា។ តួយ៉ាងដូចជា ការថប់បារម្ភ មិនស្រស់ស្រាយ អស់កម្លាំង និងជំរុញឱ្យអត្រានៃអាការធ្លាក់ទឹកចិត្តកើនឡើងខ្ពស់។ ដោយឡែក ចំនួនទឹកដែលត្រូវទទួលទានទៀតសោត គឺអាស្រ័យលើតម្រូវការនៃរាងកាយរបស់មនុស្សម្នាក់ៗ តែជាទូទៅ គឺយ៉ាងហោចណាស់ពីរលីត្រ។
វិធីក្នុងការជំរុញខ្លួនឯងឱ្យផឹកទឹកបន្ថែម ៖ ដូចដែលបានដឹងហើយថា ការទទួលទានទឹកបានគ្រប់គ្រាន់ ប្រយុទ្ធប្រឆាំងនឹងអាការឈឺក្បាល អស់កម្លាំង ការថយចុះសមត្ថភាពរាងកាយ បង្កើនសក្តានុពល នៃជំងឺធ្លាក់ទឹកចិត្ត និងការថប់បារម្ភ។ ប៉ុន្តែ តើត្រូវមានវីធីសាស្រ្តយ៉ាងណា ក្នុងការទទួលទានទឹកឱ្យបានជាប់លាប់? វិធីទាំងនោះ មានដូចជា ក្រោកពីគេងភ្លាមសកម្មភាពដំបូងគឺការទាញកែវទឹកមកពិសា, ឬក៏ពិសាទឹកចន្លោះពេលទទួលទានអាហារ, ពិសាទឹកពេលហាត់ប្រាណ, ផ្តល់រង្វាន់ឱ្យខ្លួនឯងពេលសម្រេចគោលដៅនៃការមានទម្លាប់ទទួលទានទឹកបានគ្រប់គ្រាន់ ឬមួយទៀតប្រកួតប្រជែងជាមួយមិត្តរួមអាជីពអំពីចំនួនទឹកដែលត្រូវផឹកដើម្បីជាការដាស់តឿនស្មារតីផងដែរ៕
