ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការមានអារម្មណ៍ថាអស់កម្លាំង មិនចង់ធ្វើអ្វី និងងងុយគេងជាប់ជានិច្ច ទោះបីជាបានគេគ្រប់គ្រាន់ក៏ដោយ ដែលវាអាចជាបញ្ហាប្រឈមដ៏ធំមួយនៅក្នុងជីវិតប្រចាំថ្ងៃ។ តើអ្នកដឹងទេថា ការអស់កម្លាំងមិនមែនត្រឹមតែកើតឡើងដោយសារការធ្វើការងារច្រើននោះទេ តែវាក៏អាចបណ្តាលមកពីទម្លាប់អាក្រក់មួយចំនួនដែលអ្នកប្រហែលជាមើលរំលង។
តាមរយៈគេហទំព័រ Everydayhealth យើងនឹងបង្ហាញពីហេតុផលមួយចំនួន ដែលនាំឱ្យលោកអ្នកអស់កម្លាំង៖
ការទទួលទានស្ករច្រើនពេក ៖ ត្បិតស្ករអាចបង្កើនថាមពលបានលឿនក៏ពិតមែន ប៉ុន្តែនៅពេលទទួលទានលើសចំណុះវាក៏អាចក្លាយទៅជាបញ្ហាផងដែរ។ ជាតិស្ករទៀតសោតមានច្រើនប្រភេទ ហើយវាមិនមែននៅក្នុងតែដុំស្ករគ្រាប់ដែលមើលឃើញនឹងភ្នែក ឬក៏ភេសជ្ជៈដែលមានជាតិផ្អែមនោះទេ ជាតិស្ករក៏មាននៅក្នុងអាហារដែលទទួលទានរាល់ថ្ងៃផងដែរដូចជាបាយ ដំឡូង ចេកនិងអាហារជាច្រើនទៀត ប៉ុន្តែមនុស្សពុំអាចកាត់ផ្តាច់ពីអាហារទាំងនេះទេ ដូច្នេះការពិនិត្យសុខភាព និងការរក្សាតុល្យភាពក្នុងការទទួលទានបានដើរតួនាទីយ៉ាងសំខាន់ក្នុងការបង្កើនថាមពលត្រឡប់មកវិញ។
ភាពកម្សោយនៃការធ្វើលំហាត់ប្រាណ ៖ ដោយសារតែរាងកាយរបស់មនុស្សម្នាក់ៗមានភាពខុសគ្នា ទើបការអនុវត្តទាំងអស់ត្រូវតែតាមដាន និងថ្លឹងថ្លែងទៅតាមតម្រូវការជាក់ស្តែងដែរ។ តួយ៉ាងរាងកាយខ្លះបានទទួលទានអាហារច្រើន ប៉ុន្តែមិនមានឱកាសក្នុងការធ្វើចលនា នេះក៏ដោយសារតែបរិយាកាសហាត់ប្រាណមិនងាយស្រួល ដែលធ្វើឱ្យការប្តេជ្ញាចិត្តក្នុងការបន្តទម្លាប់ហាត់ប្រាណចុះថយ ហើយរាងកាយមិនបានបញ្ចេញជាតិពុលអស់ ក៏ជាដើមចមបង្កើនភាពស្ពឹកស្រពន់ និងកើតមាននូវអាការអស់កម្លាំងជាដើម។
អង្គុយតែមួយកន្លែងយូរពេក ៖ ការអង្គុយយូរម៉ោង ប៉ះពាល់ទាំងសុខភាពរាងកាយ និងសុខភាពផ្លូវចិត្ត អំឡុងពេលធ្វើការ គួរណាស់តែងើបឈរខ្លះ ហើយមានការកំណត់ពេលក្នុងការធ្វើចលនា ដូចជា ពត់ដៃពត់ជើង ដើម្បីឱ្យសម្ពាធឈាមដើរស្រួល។ ការបង្កើនភាពសកម្ម មិនត្រឹមតែល្អសម្រាប់ឥរិយាបថប៉ុណ្ណោះទេ ប៉ុន្តែក៏បានជំរុញទៅដល់ផលិតភាព និងអារម្មណ៍ឱ្យស្រស់ថ្លាផងដែរ៕
