ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យ Tsinghua ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន២០០កន្លែងសម្រាប់និស្សិតបរទេសសិក្សានៅប្រទេសចិនឆ្នាំ២០២៣។ អាហារូបករណ៍នឹងផ្ដល់ការគាំទ្រដល់បេក្ខជនជ័យលាភី ថ្លៃសិក្សា ការស្នាក់នៅ ធានារ៉ាប់រងសុខភាព ការធ្វើដំណើរទៅមក ការចំណាយផ្សេងៗដែលចាំបាច់សម្រាប់ស្នាក់នៅនិងសិក្សា និងប្រាក់ឧបត្ថម្ភប្រចាំខែ ។
ជំនាញដែលអាហារូបករណ៍ផ្ដល់ជូនរួមមាន Public Policy (គោលនយោបាយសាធារណៈ) Economic and Business(សេដ្ឋកិច្ច និងធុរកិច្ច) និង International Studies(ការសិក្សាអន្តរជាតិ) ។
លក្ខខណ្ឌសម្រាប់បេក្ខជនក្នុងការដាក់ពាក្យរួមមាន សញ្ញាបត្រថ្នាក់បរិញ្ញាបត្រ មានអាយុចាប់ទី១៨ឆ្នាំ ដល់២៨ឆ្នាំ និងពិន្ទុភាសាអង់គ្លេស IELTS ៧.០ ឡើងទៅ ។
ជាមួយគ្នានេះបេក្ខជនស្នើពាក្យអាហារូបករណ៍ត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យស្នើអាហារូបករណ៍តាម Online, បទពិសោធន៍ការសិក្សា និងសកម្មភាពការងារស្មគ្រ័ចិត្ត២ទំព័រ, ប្រតិចារិក និងកំណត់ត្រាសិក្សា, លិខិតណែនាំពីសាស្ត្រាចារ្យ និងលោកគ្រូអ្នកគ្រូចំនួន៣ច្បាប់ រួមជាមួយវីដេអូណែនាំខ្លួនចំនួនមួយ ។
សម្រាប់ព័ត៌មានលម្អិត និងការដាក់ពាក្យបេក្ខជនត្រូវបំពេញតាម Online សូមចូលទៅកាន់តំណភ្ជាប់ https://www.schwarzmanscholars.org/admissions/ ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៩ ខែកញ្ញា ឆ្នាំ២០២៣ ៕
