ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន ចំនួន១០កន្លែង ដែលអាហារូបករណ៍នេះ មានតម្លៃជាទឹកប្រាក់សរុប ១៦០០០ដុល្លារអាមេរិក ក្នុងនិស្សិតម្នាក់ សម្រាប់ថ្នាក់បរិញ្ញាបត្ររយៈពេល៤ឆ្នាំ។
មុខជំនាញដែលត្រូវផ្តល់ជូនរួមមាន ៖ រ៉ូបូត និងស្វ័យប្រវត្តិកម្ម (Robotics and Automation Engineering), វិទ្យាសាស្រ្តទិន្នន័យ និងបញ្ញាសិប្បនិម្មិត (Data Science and Artificial Intelligence), សន្តិសុខតាមប្រព័ន្ធអ៊ីនធឺណេត (Cyber Security), ស្ថាបត្យកម្ម (Architecture), ការរចនាផ្នែកខាងក្នុង (Interior Design) និង បញ្ញាធុរកិច្ច (Business Intelligence)។
លក្ខខណ្ឌ នៃការជ្រើសរើស ៖ បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬមានសញ្ញាបត្រសមមូល និងត្រូវឆ្លងកាត់ការប្រឡងមុខវិជ្ជា គណិតវិទ្យា និងតក្កវិទ្យា និងភាសាអង់គ្លេស ព្រមទាំងការសម្ភាសន៍ផ្ទាល់នៅសាកលវិទ្យាល័យខេមតិច។
ការទទួលពាក្យ ចាប់ពីថ្ងៃផ្សាយដំណឹងនេះ រហូតដល់ថ្ងៃទី១០ ខែកញ្ញា ឆ្នាំ២០២៥ ហើយការប្រឡងនឹងធ្វើឡើងនៅថ្ងៃទី១៨-១៩ ខែកញ្ញា ឆ្នាំ២០២៥។
លក្ខខណ្ឌ និងរបៀបដាក់ពាក្យ ៖ ការដាក់ពាក្យនឹងត្រូវធ្វើឡើងតាមរយៈតំណភ្ជាប់ ៖ https://camtech.edu.kh/apply ដោយត្រូវបំពេញលក្ខខណ្ឌដូចជា សញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ (បញ្ជាក់ដោយអាជ្ញាធរមានសមត្ថកិច្ច), វិញ្ញាបនបត្របញ្ជាក់សមត្ថភាពភាសាអង់គ្លេស (ប្រសិនបើមាន), ឯកសារមួយក្នុងចំណោម សំបុត្រកំណើត អត្តសញ្ញាណប័ណ្ណ ឬលិខិតឆ្លងដែន ដែលមានសុពលភាព, រូបថតថ្មីទំហំ ៤x៦ មានផ្ទៃពណ៌ស។ សម្រាប់ព័ត៌មានបន្ថែមអាចទំនាក់ទំនងទៅកាន់ 078 212 181៕
