ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋាភិបាលនៃសហព័ន្ធរុស្ស៊ី បានប្រកាសផ្តល់អាហារូបករណ៍ចំនួន ៤០-៦០កន្លែង ដល់សិស្សនិស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រឯកទេស (Specialist) បរិញ្ញាបត្រជាន់ខ្ពស់ និងបណ្ឌិត នៅសហព័ន្ធរុស្ស៊ី។
បើតាម មជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី មុខវិជ្ជាដែលអាហារូបករណ៍ផ្តល់ជូនរួមមាន ៖ ១កន្លែងសម្រាប់លើជំនាញសិល្បៈ វប្បធម៌ តូរ្យតន្រ្តី ចម្រៀង ភាពយន្ត។ល។ ៣កន្លែង សម្រាប់ការសិក្សាជំនាញនុយក្លេអ៊ែរស៊ីវិល និងជំនាញពាក់ព័ន្ធដូចជា “Nuclear Energy and Technology”, “Physics and Astronomy”, “Chemistry”, “Materials Technology”, “Mechanical Engineering”, “Chemical Technology”, “Applied Geology, Mining, Oil and Gas Engineering, and Geodesy” ។ល។
៤កន្លែង សម្រាប់ការសិក្សាជំនាញវេជ្ជសាស្រ្ត និង ៣២-៥២ កន្លែងទៀត សម្រាប់ការសិក្សាជំនាញទូទៅដូចជា វិស្វកម្មយន្តហោះ វិស្វកម្មមេកានិច សំណង់ស៊ីវិល ស្ថាបត្យកម្ម ព័ត៌មានវិទ្យា ទំនាក់ទំនងអន្តរជាតិ វិទ្យាសាស្រ្តនយោបាយ សេដ្ឋកិច្ច គ្រប់គ្រង ច្បាប់ បរិស្ថាន កសិកម្ម ទេសចរណ៍ វិទ្យាសាស្រ្តអាហារូបត្ថម្ភ និងជំនាញដទៃទៀតដែលមានជាង ៥០០មុខ។
ឯកសារដែលបេក្ខជនត្រូវបំពេញរួមមាន ៖ លិខិតឆ្លងដែន (មានសុពលភាព២ឆ្នាំ ៦ខែ គិតត្រឹមថ្ងៃដាក់ពាក្យ), លិខិតពិនិត្យសុខភាពទូទៅ បញ្ជាក់ថាគ្មានជំងឺអេដស៍ ជំងឺថ្លើម និងជំងឺរបេង ដែលចេញដោយ នាយកដ្ឋានសុខភាពសិក្សា នៃក្រសួងអប់រំ យុវជន និងកីឡា ឬដោយមន្ទីរពេទ្យរដ្ឋ, សញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ សម្រាប់បេក្ខជនស្នើសុំបន្តការសិក្សា ថ្នាក់បិញ្ញាបត្រ ឬថ្នាក់បិញ្ញាបត្រឯកទេស (SPECIALIST)។ សញ្ញាបត្របរិញ្ញាបត្រ និងព្រឹត្តិបត្រពិន្ទុការសិក្សា សម្រាប់បេក្ខជន ស្នើសុំបន្តការសិក្សាថ្នាក់បរិញ្ញាបត្រ ជាន់ខ្ពស់, សញ្ញាបត្របរិញ្ញាបត្រជាន់ខ្ពស់ និងព្រឹត្តិបត្រពិន្ទុការសិក្សា សម្រាប់បេក្ខជន ស្នើសុំបន្តការសិក្សាថ្នាក់ បណ្ឌិត និងឯកសារជំនួយផ្សេងៗ (ប័ណ្ណសរសើរ មេដាយប្រលង សញ្ញាបត្រភាសាបរទេស លិខិតថ្លែង អំណរគុណ ។ល។) ប្រសិនបើមាន។
បញ្ជាក់៖ ការបកប្រែសញ្ញាបត្រ ព្រឹត្តិបត្រពិន្ទុ ត្រូវធ្វើឡើងនៅក្រសួងការបរទេស និងសហប្រតិបត្តិការអន្តរជាតិ នៃ ព្រះរាជាណាចក្រកម្ពុជា។
បញ្ជាក់៖ ការបកប្រែសញ្ញាបត្រ ព្រឹត្តិបត្រពិន្ទុ ត្រូវធ្វើឡើងនៅក្រសួងការបរទេស និងសហប្រតិបត្តិការអន្តរជាតិ នៃ ព្រះរាជាណាចក្រកម្ពុជា។
ការចុះឈ្មោះស្នើសុំអាហារូបករណ៍ធ្វើឡើងតាមរយៈគេហទំព័រ៖ https://education-in-russia.com ។
កាលបរិច្ឆេតនៃការដាក់ពាក្យគឺចាប់ពីថ្ងៃជូនដំណឹងនេះតទៅ រហូតដល់ថ្ងៃទី១៥ ខែមករា ឆ្នាំ២០២៦ ។
សម្រាប់ព័ត៌មានលំអិត សិស្ស និស្សិត សាធារណៈជនអាចទំនាក់ទំនងមកផ្ទាល់ជាមួយមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី ដែលមានអាសយដ្ឋាន៖ ផ្ទះលេខ១០៣ មហាវិថីព្រះនរោត្តម (ទល់មុខក្រសួងអប់រំ យុវជន និងកីឡា)៕
