គន្លឹះជំរុញការប្តេជ្ញាចិត្តក្នុង​ឆ្នាំថ្មីឱ្យកាន់តែជោគជ័យ

ការឈានចូលឆ្នាំថ្មី គឺជាឱកាសដ៏វិសេសវិសាលសម្រាប់ការចាប់ផ្តើមជាថ្មី ប៉ុន្តែវាក៏អាចក្លាយជាសម្ពាធដ៏ធ្ងន់ធ្ងរ ប្រសិនបើយើងខ្វះផែនការ និងការប្តេជ្ញាចិត្តដ៏ច្បាស់លាស់។ មនុស្សជាច្រើនតែងឆ្ងល់ថា ហេតុអ្វីបានជាអ្នកខ្លះអាចសម្រេចគោលដៅដោយភាពរលូន ខណៈអ្នកខ្លះទៀតនៅតែវិលវល់ក្នុងគំនរការងារមិនទាន់បញ្ចប់ និងអារម្មណ៍តានតឹងដដែលៗ?

ការពិតទៅ ភាពជោគជ័យមិនមែនជាការរង់ចាំសំណាងនោះទេ ប៉ុន្តែវាគឺជាលទ្ធផលនៃការហ៊ានប្រឈមមុខនឹងការពិត ការរៀនសូត្រពីកំហុសអតីតកាល និងការកំណត់វិន័យផ្ទាល់ខ្លួន។ តាមរយៈការអនុវត្តបច្ចេកទេស “ឆ្លុះបញ្ចាំង” និងការដាក់សំណួរដ៏មានឥទ្ធិពលទៅកាន់ខ្លួនឯង យើងនឹងអាចដកស្រង់យកទិន្នន័យពីអតីតកាល មកធ្វើជាថាមពលសម្រាប់សម្រួចគោលដៅឆ្នាំថ្មីឱ្យកាន់តែមានប្រសិទ្ធភាព និងចាកផុតពីកំហុសដដែលៗ។

ហេតុអ្វីឆ្លុះបញ្ចាំងនៅតែសំខាន់ ៖ ការឆ្លុះបញ្ចាំងគឺជាការជៀសវាងការប្រព្រឹត្តកំហុសដដែលៗពីមួយឆ្នាំទៅមួយឆ្នាំ និងជំនួសមកវិញនូវការបង្កើតអត្ថន័យទៅកាន់ដំណើរដែលខ្លួនចង់ទៅ។ ជាងនេះទៅទៀត កំឡុងពេលធ្វើសេចក្ដីឆ្លុះបញ្ចាំង គួររកកន្លែងសមគួរដែលអាចសម្រាកទាំងផ្លូវចិត្ត និងផ្លូវកាយ។ ហើយដើម្បីទទួលបានការរៀបចំសកម្មភាពដែលពិតជាឆ្លើយតប ទៅនឹងអ្វីដែលខ្លួនពិតជាចង់បាន មុននឹងសរសេរ ឬគិតចុះនូវគំនិតនីមួយៗ ត្រូវផ្តោត ឬរក្សាផ្លូវដង្ហើមឱ្យល្អ ដូចជាការដកដង្ហើមឱ្យវែងៗ សម្រាកសាច់ដុំ និងអនុញ្ញាតឱ្យការគិតទាំងអស់ផុសចេញមកក្រៅឱ្យអស់សិន សឹមបន្តវិភាគជ្រើសយកចំណុចសំខាន់ៗមកដាក់ក្នុងកំណត់ត្រា ឬផែនការ។

ការដាក់សំណួរទៅកាន់ខ្លួនឯង ៖ ការសួរខ្លួនឯងម្តងហើយម្តងទៀត ថា ចង់បានអ្វី ឬសកម្មភាពអ្វីខ្លះដែលរុញច្រានឱ្យគុណភាពជីវិតធ្លាក់ចុះ?​ ដូចជា ការបន្តក្នុងទំនាក់ទំនងដែលមិនមានគុណភាព? ប្រើប្រាស់ទម្លាប់ប្រចាំថ្ងៃដែលមិនផ្តល់ផលវិជ្ជមានទៅកាន់សុខភាព? វាជាសំណួរដ៏សាមញ្ញៗ ប៉ុន្តែមានឥទ្ធិពលក្នុងការរកឱ្យឃើញអំពីសកម្មភាពដែលត្រូវធ្វើនៅថ្ងៃខាងមុខ និងការផ្លាស់ប្តូរខ្លួនឯងទៅកាន់ភាពវិជ្ជមានផងដែរ។ ហើយការទុកចន្លោះសួរទៅកាន់ខ្លួនឯងទៀតសោត ជាវិធីសាស្រ្តមួយ ដែលជំរុញស្មារតីឱ្យផ្តោតលើបច្ចុប្បន្នភាព និងផ្តោតលើអ្វីដែលអាចធ្វើទៅបាន។ កាលដែលមិនបានសួរខ្លួនឯង គឺជំរុញឱ្យការចាប់ផ្តើមឆ្នាំថ្មី ពោរពេញដោយមន្ទិលនៅក្នុងចិត្ត រួមទាំងបង្កើតកំហុសដដែលៗ។

ងាកទៅមើលសកម្មភាពពីអតីតកាល ៖ ផ្តោតលើបច្ចុប្បន្នភាពល្អហើយ! ប៉ុន្តែដើម្បីគណនាអំពីលទ្ធផល និងសកម្មភាពផែនការទៅមុខបន្តទៀតបាន គឺត្រូវការទិន្នន័យចាស់ៗ ដើម្បីរកឱ្យឃើញថា តើសកម្មភាពណាគួរបន្ត ហើយសកម្មភាពណាខ្លះដែលគួរកាត់ចោល។ យុវជនមួយចំនួនមើលរំលងចំណុចនេះ ដោយសារមិនមានភាពក្លាហានក្នុងការប្រឈមមុខនឹងកំហុសឆ្គង ឬសកម្មភាពដែលនាំឱ្យមានការស្តាយក្រោយ ឬក៏ការបន្ទោសខ្លួនឯងជាដើម! ខណៈកាលដែលការងាកទៅមើលរឿងចាស់ៗ បានរួមចំណែកដល់ការដាស់តឿនស្មារតីកុំឱ្យប្រព្រឹត្តទម្លាប់ដែលមិនល្អបន្តទៀត៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Manitoba ប្រទេសកាណាដា

ព័ត៌មានអាហារូបករណ៍, ព្រឹត្តិការណ៍

• 29/01/2024

ឱកាសទទួលបានអាហារូបករណ៍សាច់ប្រាក់ដើម្បីសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Manitoba នៃប្រទេសកាណាដា ឆ្នាំ២០២៤។

ឱកាស​អាហារូបករណ៍​ថ្នាក់អនុបណ្ឌិត បរិញ្ញាបត្រ និង​បរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជន​កម្ពុជា​រាជធានីភ្នំពេញ (ស.ស.យ.ក. រាជធានីភ្នំពេញ) ក្រោម​កិច្ច​សហប្រតិបត្តិការ​ជាមួយវិទ្យាស្ថាន​ខ្មែរជំនាន់ថ្មី ផ្តល់ជូនអាហារូបករណ៍​ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និង​ថ្នាក់បរិញ្ញាបត្ររង ចំនួន...

ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 03/04/2025

កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។

ក្រសួងអប់រំផ្តល់​អាហារូបករណ៍ថ្នាក់បណ្ឌិត ទៅ​សិក្សា​នៅ​សាកលវិទ្យាល័យ​មហាសារ៉ាខាម ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 24/04/2024

ក្រសួងអប់រំ យុវជន និងកីឡា បាន​ឱ្យដឹងថា សម្រាប់ឆ្នាំ​២០២៤ សាកលវិទ្យាល័យ​មហាសារ៉ាខាម នៃព្រះរាជាណាចក្រ​ថៃ នឹងផ្តល់អាហារូបករណ៍ចំនួន ០១កន្លែង ដល់​និស្សិត​កម្ពុជា ដើម្បី​បន្ត​ការ​សិក្សា​ថ្នាក់បណ្ឌិត...

អាហារូបករណ៍ TVET ១២៣០កន្លែង នៅវិទ្យាស្ថានពហុបច្ចេកទេស​ខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 10/10/2025

វិទ្យាស្ថានពហុបច្ចេកទេសខេត្តព្រះសីហនុ នៃក្រសួងការងារ និងបណ្តុះបណ្តាលវិជ្ជាជីវៈ ប្រកាស​ផ្តល់អាហារូបករណ៍ចំនួន ១២៣០កន្លែង លើ ១៤មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ...

អាហារូបករណ៍ថ្នាក់អនុបណ្ឌិត សិក្សានៅចក្រភពអង់គ្លេស ពីកម្មវិធី International Postgraduate Excellence Award

ព័ត៌មានអាហារូបករណ៍, ព្រឹត្តិការណ៍

• 09/10/2026

ដំណឹងល្អសម្រាប់សិស្ស-និស្សិតកម្ពុជាដែលមានបំណងចង់បន្តការសិក្សាថ្នាក់អនុបណ្ឌិត (Master's Degree) នៅចក្រភពអង់គ្លេស

អាហារូបករណ៍ស្រាវជ្រាវ សម្រាប់សាស្ត្រាចារ្យ និងសាធារណជនកម្ពុជា នៅសហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 23/10/2026

អាហារូបករណ៍ស្រាវជ្រាវសម្រាប់សាស្ត្រាចារ្យ អ្នកស្រាវជ្រាវ និងសាធារណជនកម្ពុជា សិក្សានៅអាមេរិក

ឱកាសសិក្សាអាហារូបករណ៍បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Science Po ប្រទេស​បារាំង

ព័ត៌មានអាហារូបករណ៍, ព្រឹត្តិការណ៍

• 22/08/2025

តាមរយៈកម្មវិធីអាហារូបករណ៍ Emile Boutmy Scholarship 2025 កំពុងប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ សិក្សានៅសាកលវិទ្យាល័យ Science Po នៃប្រទេសបារាំង ក្នុងឆ្នាំសិក្សា២០២៥។

អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន

ព័ត៌មានអាហារូបករណ៍, ព្រឹត្តិការណ៍

• 18/02/2025

វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។