ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme របស់រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ (BA/BSc) ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងអាហារូបករណ៍សម្រាប់ការសិក្សាពេញមួយចប់ដល់កម្រិតថ្នាក់បរិញ្ញាបត្រជាន់ខ្ពស់។

អាហារូបករណ៍ផ្ដល់ជូនថ្នាក់បណ្ឌិត (PhD/DLA) ចំនួន០៤កន្លែង ដែលអាចសិក្សាគ្រប់មុខជំនាញដោយការសិក្សានឹងសិក្សាជាភាសាអង់គ្លេស ឬភាសាហុងគ្រី។ ថ្នាក់បរិញ្ញាបត្រជាន់ខ្ពស់ (MA/MSc) ចំនួ​ន០៧កន្លែងលើជំនាញ Agricultural Science, Arts and Humanity, Social Science, Computer Science and Information Technology, Legal Science, Economic Science, Engineering Science, Medical and Health Science, Sport Science, Natural Science, Arts, Art Education, Political Science and Public Governance។

ជាមួយគ្នានេះ អាហារូបករណ៍០៧កន្លែងសម្រាប់ការសិក្សាពេញមួយចប់កម្រិតថ្នាក់Master លើជំនាញ Agricultural Science, Engineering Science, Medical and Health Science, Teacher Training and Arts។ សម្រាប់ថ្នាក់ឧត្ដមសិក្សា (BA/BSc) ចំនួន១២កន្លែង លើជំនាញ Agricultural Science, Arts and Humanittes, Social Science, Computer Science and Information Technology, Legal Science, Economic Science, Engineering Science, Health Science, Political Science and Public Governance, Sport Science, Natural Science, Arts and Art Education។

បេក្ខជនដែលមានបំណងក្នុងការប្រលងយកពាក្យអាហារូបករណ៍ខាងលើសូមដាក់ពាក្យតាមរយៈគេហទំព័រ https://apply.stipendiumhungaricum.hu/ ឱ្យបានត្រឹមថ្ងៃទី១៥ ខែមករា ឆ្នាំ២០២៤។ ជាមួយគ្នានេះ បេក្ខជនក៏តម្រូវឱ្យទៅចុះឈ្មោះនៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ៨០ មហាវិថីព្រះនរោត្តម (ស្ថិតក្នុងទីស្ដីការក្រសួង អប់រំ​យុវជន និងកីឡា) ចាប់ពីថ្ងៃទីផ្សាយដំណឹងរហូតដល់ថ្ងៃទី២៥ ខែមករា ឆ្នាំ២០២៤ ម៉ោង៤:០០រសៀល។

ការប្រឡងប្រជែងអាហារូបករណ៍ បេក្ខជននឹងត្រូវប្រឡងលើវិញ្ញាសារភាសាអង់គ្លេស និងវប្បធម៌ទូទៅ សម្រាប់បេក្ខជនថ្នាក់ក្រោយឧត្ដមសិក្សា (PhD/DLA, Ma/MSc & OTM) និងភាសាអង់គ្លេស និងគណិតវិទ្យាសម្រាប់បេក្ខជនថ្នាក់ឧត្ដមសិក្សា (BA/BSc) ដើម្បីជ្រើសរើស និងបញ្ជូនឈ្មោះបេក្ខជន(តាមចំនួនកំណត់របស់ភាគីមិត្ត) ទៅឱ្យភាគីហុងគ្រី ពិនិត្យ និងសម្រេចជាស្ថាពរចុងក្រោយ។ ចំពោះពេលវេលា និងទីកន្លែងជាក់លាក់នៃការប្រលងក្រសួងនឹងជម្រាបជូននៅពេលក្រោយ។

សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៣២៨ ៨០៦ និង ០៩៥ ៦២៤ ៨៩៥ រៀងរាល់ម៉ោងធ្វើការ៕