ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តត្បូងឃ្មុំប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយ រងហានិភ័យជាច្រើនកន្លែងសិក្សាកម្រិតសញ្ញាបត្របច្ចេកទេស និងវិជ្ជាជីវៈ១ (C1)។
ជំនាញដែលគ្រឹះស្ថានផ្តល់ជូនរួមមាន ការងារកំបោរ ការដំឡើងបណ្ដាញអគ្គិសនីក្នុងអគារ សេវាកម្មបរិក្ខាត្រជាក់ក្នុងគេហដ្ឋាន ការថែទាំនិងជួសជុលទោចចក្រយានយន្ត សេវាកម្មកុំព្យូទ័រ សេវាកម្មសម្អាងកាយ សេវាកម្មកាត់សក់បុរស ការដាំ ថែទាំ និងប្រមូលផលស្វាយចន្ទី និងបច្ចេកទេសចិញ្ចឹមត្រីប្រាក្នុងស្រះ។ វេនសិក្សាមានថ្ងៃច័ន្ទ ដល់ សុក្រ ពេលព្រឹក ពេលរសៀល និងពេលយប់ និងថ្ងៃសៅរ៍ និងថ្ងៃអាទិត្យ ពេលព្រឹក និងពេលរៀល។
អត្ថប្រយោជន៍ដែលសិស្សទទួលបានគឺការសិក្សាដោយមិនបង់ថ្លៃ ប្រាក់ឧបត្ថម្ភប្រចាំខែ២៨ម៉ឺនរៀលក្នុងមួយខែ ដោយសិក្សាពេញម៉ោង ផ្ដល់ប្រឹក្សាយោបល់ពីការជ្រើសរើសជំនាញ និងទីផ្សារការងារ កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន។ លើសពីនេះទទួលបានសញ្ញាបត្របច្ចេកទេសនិងវិជ្ជាជីវៈ១ និងឱកាសបន្តការសិក្សា មានជំនាញមួយពិតប្រាកដដែលទីផ្សារការងារកំពុងត្រូវការ ទទួលបានការងារធ្វើសមរម្យ និងចំណូលទៀងទាត់។
បេក្ខជន បេក្ខនារីដែលមានចំណាប់អារម្មណ៍ក្នុងការដាក់ពាក្យសិក្សាជំនាញវិជ្ជាជីវៈ បេក្ខជនទាំងអស់អាចទៅកាន់គ្រឹះស្ថានសិក្សាដែលមានអាសយដ្នាននៅ ភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ(ខាងកើតជាប់សហភាពសហព័ន្ធយុវជនកម្ពុជា ខេត្តត្បូងឃ្មុំ) ឬទំនាក់ទំនងទៅកាន់ ០១៧ ២២៥ ៩៩៩/ ០៩៧ ៣០៣ ៣០៣៧/ ០៩៦ ៨៨៩ ៤៣៣៥។ គ្រឹះស្ថានចាប់ទទួលពាក្យពីថ្ងៃផ្សាយដំណឹងនេះតទៅ៕
