បទពិសោធន៍ នៃការចំណាយពេលចុងសប្តាហ៍ដ៏មានប្រសិទ្ធភាពសម្រាប់

ការរៀននៅក្នុងថ្នាក់រយៈពេល៥ថ្ងៃជាប់គ្នានឹងធ្វើឱ្យយើងមានអារម្មណ៍តានតឹងខ្លះៗជាក់ជាមិនខាន ហើយប្រាកដណាស់ ច្បាស់ជាមានយុវជនមិនតិចនោះទេទន្ទឹងរង់ចាំឱ្យដល់ថ្ងៃចុងសប្តាហ៍ ដើម្បីបានសម្រាក និងលំហែផ្លូវកាយ ក៏ដូចជាផ្លូវចិត្ត។ ខាងក្រោមនេះ គឺជាការចែករំលែកបទពិសោធន៍ របស់យុវជនមួយក្រុមដែលមកពីសាកលវិទ្យាល័យផ្សេងៗគ្នា ក្នុងការចំណាយពេលចុងសប្តាហ៍របស់របស់ពួកគេប្រកបដោយប្រសិទ្ធិភាព ។

កញ្ញា គង់ ស្រីរ័ត្ន បច្ចុប្បន្នជានិស្សិត និងបុគ្គលិកក្រុមហ៊ុនឯកជនមួយបាននិយាយថា រៀងរាល់ថ្ងៃសម្រាកពីការងារ និងការសិក្សា នាងបានផ្តល់ពេលវេលាទៅលើរឿង២ចំណុច ទី១គឺជួបជុំគ្រួសារ ឬទៅហាងកាហ្វេជជែកជាមួយមិត្តជិតស្និត ហើយទី២ គឺទៅចូលរួមកម្មវិធីដែលពង្រឹងសមត្ថភាពបន្ថែម។ ស្រីរ័ត្ន បញ្ជាក់ថា ការដែលនាងជ្រើសយកចំណុចទាំងពីរខាងលើជាអទិភាព គឺដោយហេតុថា ការជួបជុំគ្រួសារបានបង្កើតនូវភាពស្និតស្នាល និងការយល់ចិត្តនៃសមាជិកនីមួយៗកាន់តែច្បាស់ជាងមុនតាមរយៈការសាកសួរពីបញ្ហា តម្រូវការ និងការបង្កើតសកម្មភាពកម្សាន្តនានាៗនៅក្នុងផ្ទះ។

ចំពោះការទៅជួបមិត្តភក្តិវិញ ភាគច្រើននាងទៅជួប អ្នកដែលស្និតស្នាលប៉ុណ្ណោះ ព្រោះនាងយល់ថា ការបង្កើតមិត្តដែលមានគុណភាពវាធ្វើឱ្យចំណេញពេលវេលា។ ចំណែកការចូលរួមកម្មវិធីថ្មីៗវិញ ធ្វើឱ្យនាងអាចស្គាល់សង្គមខាងក្រៅបានទូលាយបន្ថែមមួយកម្រិតទៀត និងកាត់បន្ថយភាពស្មុគស្មាញបានផងដែរ។

កញ្ញា គង់ ស្រីរ័ត្ន

“ក្នុងនាមខ្ញុំជាយុវវ័យម្នាក់ វាជារឿងចាំបាច់ដែលត្រូវគិតគួរអំពីប្រភេទមនុស្សដែលត្រូវចំណាយពេលជាមួយក្នុងថ្ងៃសម្រាក និងដើម្បីធានាបានថា ការប្រើប្រាស់ពេលរបស់ខ្ញុំបានបន្ថែមនូវគុណតម្លៃនៃជីវិត ព្រមគ្នានឹងការបង្កើតភាពរីករាយ”

សម្រាប់យុវជន អោក សុភី ជានិស្សិតឆ្នាំទី២ នៃសកលវិទ្យាល័យបញ្ញាសាស្រ្តកម្ពុជា បានឱ្យដឹងថា ខ្លួនបានប្រើប្រាស់ថ្ងៃសម្រាកដោយបបួលមិត្តរួមថ្នាក់ ឬមិត្តដែលស្គាល់ដើម្បីដើរហាត់ប្រាណនៅសួនសាធារណៈ ហើយជជែកគ្នា និងឆ្លុះបញ្ចាំងអំពីបញ្ហានានា ដែលកំពុងកើតមាននៅក្នុងសង្គមបច្ចុប្បន្ន។ សុភី យល់ថា ការធ្វើរបៀបនេះ វាបានធ្វើឱ្យរាងកាយស្វាហាប់ និងឆ្លុះបញ្ចាំងអំពីរឿងរ៉ាវនានា អំពីសង្គម និងខ្លួនឯងផង។ ហើយមួយវិញទៀត វាក៏បណ្តុះទម្លាប់ខ្លួនឯងឱ្យចេះចំណាយពេលមានប្រសិទ្ធភាពផង និងភាពរីករាយផង។

ដោយឡែកយុវជន កេង រិទ្ធី ដែលជានិស្សិតឆ្នាំទី២ ផ្នែកទំនាក់ទំនងអន្តរជាតិ លើកឡើងថា សម្រាប់ខ្លួន តែងប្រើពេលចុងសប្តាហ៍ទៅស្គាល់ទីតាំងថ្មីៗ ព្រោះវាស្របនឹងចំណូលចិត្តរបស់ខ្លួនផង ហើយថែមទាំងធ្វើឱ្យខ្លួនអាចគិតបានទូលាយជាងមុនតាមរយៈការឃើញសកម្មភាព ឬរូបភាពថ្មីៗ ។ បន្ថែមពីនោះ វាបានបណ្តុះនូវគំនិតច្នៃប្រតិដ្ឋបន្ថែមបានមួយកម្រិតទៀត តួយ៉ាងដូចជា ការចាប់ផ្តើមចេះចាប់អារម្មណ៍អំពីការថតរូបឱ្យត្រូវប្លង់ ខណៈកាលពីដើមឡើយខ្លួនមិនបានគិតថា ចំណុចនេះវាមានសារៈប្រយោជន៍នោះឡើយ។

យុវជន កេង រិទ្ធី

“ខ្ញុំចំណាយពេលទៅកន្លែងថ្មីៗ នៅចុងសប្តាហ៍ ធ្វើឱ្យខ្ញុំបានបង្កើននូវភាពច្នៃប្រតិដ្ឋ និងជំរុញការគិតបានទូលាយជាងមុន”

ចំណែក យុវជន ង៉េ សុកូយ វិញ បានជ្រើសយកការអាន ធ្វើជាការកម្សាន្តនៅចុងសប្តាហ៍ ដោយយល់ឃើញថា ការអានសៀវភៅ គឺជាការចំណាយពេលដ៏ត្រឹមត្រូវបំផុតដើម្បីបង្កើន និងបំពេញនៅសម្បទាឱ្យបានបរិបូណ៌។ ការសិក្សានៅក្នុងថ្នាក់ ស្ដាប់គ្រូ និងកត់មេរៀន មិនទាន់គ្រប់គ្រាន់ទេ គឺត្រូវបង្កើតទម្លាប់មួយទៀត គឺការអានសៀវភៅ ការអានបន្ថែមនៅចុងសប្តាហ៍នេះហើយជាពេលដ៏ប្រពៃ ព្រោះការអានសៀវភៅ មួយម៉ោង ឬ២ម៉ោង ដោយយកចិត្តទុកដាក់ គឺស្មើនឹងការទៅសិក្សានៅក្នុងថ្នាក់រៀនរយៈពេលមួយថ្ងៃពេញ នេះបើផ្អែកលើបទពិសោធន៍របស់លោក ង៉េ សុកូយ។ ត្បិតថា សុកូយ មិនសូវមានចំណូលចិត្តទៅខាងក្រៅ ប៉ុន្តែ សុកូយ នៅតែអាចស្វែងរកភាពរីករាយ និងការចំណាយពេលឱ្យមានប្រសិទ្ធភាព៕

Ms. Thay Thanit | កញ្ញា ថី ថានិត

ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ស្រាវជ្រាវនៅសាកលវិទ្យាល័យ Caltech នារដូវក្តៅឆ្នាំ 2025

ព័ត៌មានអាហារូបករណ៍, ព្រឹត្តិការណ៍

• 29/01/2025

ឱកាសសិក្សាអាហារូបករណ៍ថ្នាក់ស្រាវជ្រាវនៅ California Institute of Technology នៃសាកលវិទ្យាល័យ Caltech សហរដ្ឋអាមេរិក នារដូវក្ដៅសម្រាប់ឆ្នាំសិក្សា២០២៥...

ឱកាសអាហារូបករណ៍នៅសាកលវិទ្យាល័យ Freiburg ឆ្នាំសិក្សា២០២៥ នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 02/06/2025

កម្មវិធីអាហារូបករណ៍ University of Freiburg Scholarships in Germany 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Freiburg និងសាកលវិទ្យាល័យជាដៃគូ សម្រាប់និស្សិតអន្តរជាតិ សិក្សាថ្នាក់ឧត្ដមសិក្សា...

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ជ្រើសរើសសិក្ខាកាមរៀនជំនាញអគ្គិសនី និងកាមេរ៉ាសុវត្ថិភាព

ព័ត៌មានអាហារូបករណ៍, ព្រឹត្តិការណ៍

• 29/09/2023

ជាឱកាសសម្រាប់យុវជន យុវនារី កម្មករ កម្មការិនី ដែលបាត់បង់ឱកាសការងារនៅតាមរោងចក្រ សហគ្រាសនានា និងគ្មានការងារធ្វើ, ពេលនេះ វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាម...

អាហារូបករណ៍សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Monash ចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 02/08/2023

កម្មវិធីអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យMonash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ...

ឱកាសសម្រាប់ប្រជាពលរដ្ឋ និងយុវជននៅខេត្តបន្ទាយមានជ័យ សិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន ១៦៥០នាក់

ព័ត៌មានអាហារូបករណ៍, ព្រឹត្តិការណ៍

• 13/03/2024

វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ...

ឱកាសសិក្សាជំនាញវិជ្ជាជីវៈចំនួន៤០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 08/09/2023

វិទ្យាស្ថានពហុបច្ចេកទេសខេត្តបន្ទាយមានជ័យផ្ដល់ការសិក្សាឥតគិតថ្លៃជំនាញវិជ្ជាជីវៈចំនួន៤០កន្លែង នៅខេត្តបន្ទាយមានជ័យ ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ ...

ឱកាសសិក្សាអាហារូបករណ៍៥០% សម្រាប់វគ្គបណ្ដុះបណ្ដាលជំនាញវិជ្ជាជីវៈពន្ធដារជំនាន់ទី១៨

ព័ត៌មានអាហារូបករណ៍, ព្រឹត្តិការណ៍

• 26/10/2023

អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុប្រកាសផ្ដល់អាហារូបករណ៍៥០% ចំនួន១០០កន្លែងនៅសាលាជាតិពន្ធដារ។ អាហារូបករណ៍ផ្ដល់ជូនសម្រាប់សិស្ស-និស្សិត ....

អាហារូបករណ៍ថ្នាក់ភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 23/05/2024

សាកលវិទ្យាល័យ Yunnan Normal Univercity ស្ថិតនៅទីក្រុងគុនមីង ខេត្តយូនណាន ប្រទេសចិន បានប្រកាសជ្រើសរើសនិស្សិតកម្ពុជាចំនួន៣០នាក់ សម្រាប់ការបណ្តុះបណ្តាលភាសាចិនរយៈពេល១ឆ្នាំ...

វិទ្យាស្ថាន NTTI ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ ឥតគិតថ្លៃ ក្រោមគម្រោង TVET 1.5M

ព័ត៌មានអាហារូបករណ៍, ព្រឹត្តិការណ៍

• 11/03/2026

វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាសចុះឈ្មោះយុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...