ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែង នៅវិទ្យាស្ថានបច្ចេកវិទ្យាកម្ពុជា ពីសម្ដេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនតាមរយៈ សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលផ្ដល់ជូនលើការសិក្សាជំនាញផ្សេងៗគ្នា។
លក្ខខណ្ឌសម្រាប់បេក្ខជនដាក់ពាក្យចូលរួមប្រឡងប្រជែងអាហារូបករណ៍ ជាបេក្ខជនទូទាំងប្រទេស ជាបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិ ឬមានសញ្ញាបត្រសមមូល មានឆន្ទៈពិតប្រាកដក្នុងការបន្តការសិក្សា ខិតខំរៀនសូត្រ គោរពតាមការណែនាំ និងទទួលយកលក្ខខណ្ឌដែលមានចែងរបស់គណៈកម្មាធិការ អាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត និងវិទ្យាស្ថានបច្ចេកវិទ្យាកម្ពុជា។
លក្ខខណ្ឌនៃការជ្រើសរើស និងទទួលបាន ៖ បេក្ខជនត្រូវឆ្លងកាត់២ដំណាក់កាល ដោយដំណាក់កាលទី១ បេក្ខជនត្រូវដាក់ពាក្យប្រឡងនៅវិទ្យាស្ថានបច្ចេកវិទ្យាកម្ពុជា (រាជធានីភ្នំពេញ) ដោយផ្ទាល់ និងដោយអនុលោមតាមនីតិវិធីរបស់វិទ្យាស្ថាន។ ដំណាក់កាលទី២ បេក្ខជនត្រូវដាក់ពាក្យស្នើសុំប្រឡងជាមួយគណៈកម្មាធិការអាហារូបករណ៍ ដោយបំពេញព័ត៌មានតាមរយៈអនឡាញដោយចូលទៅកាន់ https://reg.amt.live/web/signup និងភ្ជាប់ឯកសារតម្រូវការដាក់ពាក្យមួយចំនួន។ ឯកសារភ្ជាប់រួមមាន វិញ្ញាបនបត្របណ្ដោះអាសន្នមធ្យមសិក្សាទុតិយភូមិ (ត្រូវមានការបញ្ជាក់ទទួលស្គាល់ជាផ្លូវការ) ឬបញ្ជីរាយនាមបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិ (មានលំដាប់ពិន្ទុ) ១ច្បាប់ ច្បាប់ថតចម្លងអត្តសញ្ញាណប័ណ្ណសញ្ជាតិខ្មែរ ឬសេចក្ដីថតចម្លងសំបុត្របញ្ជាក់កំណើត១ច្បាប់ និងច្បាប់ថតចម្លងសលាកបត្រឯកត្តជន ឬបង្កាន់ដៃទទួលពាក្យប្រឡងចេញដោយវិទ្យាស្ថាន ១ច្បាប់។
បេក្ខជនដែលមានបំណងទទួលបានអាហារូបករណ៍ត្រូវអនុវត្តការដាក់ពាក្យនៅដំណាក់កាលទី១ ជាមុន បន្ទាប់មកទើបដាក់ពាក្យនៅដំណាក់កាលទី២។
សម្រាប់ព័ត៌មានបន្ថែមអាចទំនាក់ទំនងទៅកាន់ការិយាល័យអាហារូបករណ៍ដែលមានអាសយដ្ឋាន ផ្ទះលេខ៤ ផ្លូវ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ នៅរៀងរាល់ថ្ងៃចន្ទ-សុក្រ វេលាម៉ោង៨ព្រឹក-៥ល្ងាច។
ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី២៤ ខែវិច្ឆិកា ឆ្នាំ២០២៤ វេលាម៉ោង៥រសៀល។ កាលបរិច្ឆេទនៃការប្រឡងនៅថ្ងៃទី២៧ ខែវិច្ឆិកា ឆ្នាំ២០២៤ នៅមណ្ឌលប្រឡង វិទ្យាស្ថានបច្ចេកវិទ្យាកម្ពុជា (រាជធានីភ្នំពេញ) ស្ថិតនៅមហាវិថីសហព័ន្ធរុស្សី សង្កាត់បឹងកក់២ ខណ្ឌទួលគោក រាជធានីភ្នំពេញ៕
