ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាជំនាញបច្ចេកទេស និងវិជ្ជាជីវៈនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃចំនួន៦៦០កន្លែងសម្រាប់ឆ្នាំសិក្សា២០២៣-២០២៤ ជំហានទី២។ អាហារូបករណ៍ផ្ដល់ជូនការសិក្សាដល់យុវជន ជាពិសេសយុវជនដែលមកពីគ្រួសារក្រីក្រ និងគ្រួសារងាយរងហានិភ័យ។
ជំនាញដែលអាហារូបករណ៍ផ្ដល់ជូនរួមមាន ជំនាញការដំឡើងបណ្ដាញអគ្គិសនីក្នុងអគារ៩០កន្លែង ជំនាញការដំឡើងប្រព័ន្ធបញ្ជាម៉ូទ័រអគ្គិសនី៩០កន្លែង ជំនាញការដំឡើង និងថែទាំកាមេរ៉ាសុវត្ថិភាព៩០កន្លែង ជំនាញការថែទាំ និងជួសជុលម៉ាស៊ីនត្រជាក់រថយន្ត៩០កន្លែង ជំនាញការផ្សារអគ្គិសនី៩០កន្លែង ជំនាញសេវាកម្មបរិក្ខារត្រជាក់ក្នុងគេហដ្ឋាន៩០កន្លែង និងជំនាញសេវាកម្មកុំព្យូទ័រ៣០កន្លែង។
វេនសិក្សាគ្រប់ជំនាញត្រូវបានបែងចែកជាបីវេនគឺ ចន្ទ-សុក្រ(ព្រឹក-ល្ងាច) ចន្ទ-សុក្រ(យប់) និងសៅរ៍-អាទិត្យ(ព្រឹក-ល្ងាច) ដោយវេនសិក្សានីមួយៗជ្រើសរើសសិស្សសិក្សា៣០កន្លែងក្នុងមួយវេនគ្រប់ជំនាញ លើកលែងតែជំនាញសេវាកម្មកុំព្យូទ័រ ជ្រើសតែវេន សៅរ៍-អាទិត្យ ៣០នាក់។
លក្ខខណ្ឌចុះឈ្មោះសិក្សា ៖ ជាយុវជន យុវនារីដែលមកពីគ្រួសារមានបណ្ណសមធម៌ក្រីក្រ១,២ ឬគ្រួសារងាយរងហានិភ័យ។ ជាមួយគ្នានេះ បេក្ខភាពសិក្សានឹងទទួលបានប្រាក់ឧបត្ថម្ភចំនួន២៨ម៉ឺនរៀលក្នុងមួយខែដោយសិក្សាពេញម៉ោង។
បេក្ខជនដែលមានចំណាប់អារម្មណ៍ក្នុងការដាក់ពាក្យសិក្សាអាចចុះឈ្មោះតាមរយៈ https://scholarship.tvet.gov.kh/home ។ សម្រាប់ព័ត៌មានបន្ថែមអាចទាក់ទងទៅកាន់ ០១២ ៧៣១ ១៩៩ / ០១៦ ៥៥៥ ៣៥០ / ០៩៨ ៨៧៧ ៩៦៧ / ០៩៧ ៨១៦ ៨១៦៦ ។
បើកទទួលការចុះឈ្មោះពីថ្ងៃផ្សាយដំណឹងរហូតដល់ថ្ងៃទី២២ ខែមេសា ឆ្នាំ២០២៤៕
