យុវជន Kaong Kang បង្កើតគម្រោងយុទ្ធនាការស្តារ និងដាំដើមកោងកាង ដើម្បីជារបាំងទប់ទឹកជំនន់ ការពារសហគមន៍ និងជីវៈចម្រុះសមុទ្រ

ដោយ​មើលឃើញពីផលប៉ះពាល់​ដល់ជីវចម្រុះសមុទ្រ និងសហគមន៍ ដោយសារ​តែការ​កាប់បំផ្លាញព្រៃកោងកាង យុជនមួយក្រុម បានបង្កើតគម្រោងយុទ្ធនាការស្តារ និងដាំដើមកោងកាង ដោយឱ្យឈ្មោះថា Kaong Kang Campaign ។ គម្រោងនេះ នឹង​ធ្វើ​ការ​ប្រមូលផ្ដុំនិស្សិតសាកលវិទ្យាល័យ​នានា ឱ្យ​ចូលរួមស្វែងយល់ពីអត្ថប្រយោជន៍នៃព្រៃកោងកាង និងចូលរួមដាំព្រៃកោងកាង ឱ្យ​បាន​៥០ម៉ឺនដើម ដើម្បីដោះស្រាយគ្រោះមន្តរាយដែលកើនមានឡើង។

ចំពោះគំនិតនៃការ​បង្កើត​គម្រោងយុទ្ធនាការស្តារ និងដាំដើមកោងកាងនេះ ក៏​បានឈ្នះជ័យលាភីលេខ៣ ក្នុងការ​ប្រកួតគំនិត​ពីកម្មវិធី Youth Ideathon ក្រោម​ប្រធានបទ “ភាពធន់នឹងគ្រោះមហន្តរាយ​ក្នុងសហគមន៍”។

យុជនក្រុម Kaong Kang

លោក វ៉ាន់នី គុយហេង និស្សិតឆ្នាំទី១ ជំនាញការអភិវឌ្ឍសូហ្វវែរ (Software Development) មកពីសាកលវិទ្យាល័យអាមេរិកកាំងភ្នំពេញ និងជាតំណាងក្រុមជ័យលាភីលេខ៣ បានឱ្យដឹងថា ការ​បង្កើតគម្រោងយុទ្ធនាការស្តារ និងដាំដើមកោងកាងនេះ គឺដោយសារក្រុមខ្លួន​មើលឃើញថា ព្រៃកោងកាង មានសារៈសំខាន់ក្នុងការការពារគ្រោះមហន្តរាយដូចជា គ្រោះទឹកជំនន់ រលកយក្សស៊ូណាមិ ជួយការពារការហូរច្រោះដី ក៏ដូចជាទប់ស្កាត់មិនឱ្យទឹកប្រៃហូរចូលដំណាំកសិកម្មរបស់ប្រជាពលរដ្ឋ ។ល។ ទន្ទឹមគ្នានេះ ក៏​សង្កេតឃើញថា ព្រៃកោងកាងបានរងការកាប់បំផ្លាញ។

លោក គុយហេង បន្ថែមថា តាមការស្រាវជ្រាវ ក្នុងប្រទេសកម្ពុជា ព្រៃកោងកាង មានប្រមាណ ៤២ភាគរយបានបាត់បង់។ ហើយរហូតមកដល់ពេលបច្ចុប្បន្ន ព្រៃកោងកាងក៏កំពុងទទួលរងការកាប់បំផ្លាញថែមទៀត។ ការបាត់បង់ព្រៃកោងកាង ច្រើនកើតមានឡើងក្នុងខេត្តចំនួន៤ រួមមាន ខេត្តកែប កំពត កោះកុង និងព្រះសីហនុ។ ក្នុងនោះ ខេត្តព្រះសីហនុ ព្រៃកោងកាងប្រមាណ ៨ពាន់ហិចតាបានបាត់បង់។

ការកាប់ព្រៃកោងកាង នឹងធ្វើឱ្យឡើងកម្ពស់ទឹកសមុទ្រចន្លោះពី ០.៥ម៉ែត្រ រហូតដល់ ១.៥ម៉ែត្រ នៅឆ្នាំ២០៥០។ លើសពីនេះ ធ្វើឱ្យបាត់បង់ជម្រកជីវចម្រុះប្រមាណ ៧០០ប្រភេទ ខណៈព្រៃកោងកាង គឺជាជម្រកនៃសត្វក្ដាម បង្កង និងសត្វផ្សេងៗទៀតដែលអាចប្រមូលផលបាន។ លោក គុយហេង ថា នៅពេលយើងដាំព្រៃកោងកាងឡើងវិញ គឺប្រៀបដូចជាបង្កើតជម្រករបស់សត្វសមុទ្រ ទាក់ទាញភ្ញៀវទេសចរ លើកកម្ពស់ជីវភាពរបស់ប្រជាពលរដ្ឋ។ ជាពិសេស ក្រុមយុវជនជំនាន់ក្រោយបានបានចូលរួមធ្វើការងារការពារបរិស្ថាន ជួយដល់រាជរដ្ឋាភិបាល ស្របតាមយុទ្ធសាស្រ្តបញ្ចកោណដំណាក់កាលទី១ មុំទី៣ ដែលនិយាយពីបញ្ហាបរិស្ថាន។ “កាលណាយើងដាំព្រៃកោងកាងឡើងវិញ បញ្ហាទាំងនេះ​នឹងត្រូវដោះស្រាយ”។

គម្រោងយុទ្ធនាការស្តារ និងដាំដើមកោងកាង

យ៉ាងណាក៏ដោយ បើតាមលោក វ៉ាន់នី គុយហេង គម្រោងយុទ្ធនាការស្តារ និងដាំដើមកោងកាងនេះ មានចក្ខុវិស័យ និង​គោល​បំណងច្បាស់លាស់ ដោយ ទី១. លើកកម្ពស់ការដាំព្រៃកោងកាង និងថែរក្សាព្រៃកោងកាងដែលមានស្រាប់កុំឱ្យបាត់បង់, ទី២. ធ្វើឱ្យប្រសើរឡើងទំនាក់ទំនងរវាងប្រជាពលរដ្ឋក្នុងតំបន់ យុវជន ​និងរាជរដ្ឋាភិបាល សហការគ្នាដោះស្រាយបញ្ហាគ្រោះមហន្តរាយ និងបញ្ហាបរិស្ថានផងដែរ, ទី៣. ដើម្បីអប់រំយុវជនជំនាន់ក្រោយឱ្យបានដឹងពីអត្ថប្រយោជន៍ព្រៃកោងកាង និងយល់ដឹងពីការបម្រែបម្រួលអាកាសធាតុ (Climate change) ក្នុងប្រទេសកម្ពុជាក៏ដូចជាពិភពលោក ដើម្បីស្វែងរកដំណោះស្រាយឱ្យទាន់ពេលវេលា និងទី៤. ចង់ប្រែក្លាយប្រទេសកម្ពុជា ឱ្យក្លាយជាប្រទេសមួយដែលមានភាពរឹងមាំ មិនងាយទទួលរងគ្រោះមហន្តរាយ។

គម្រោងយុទ្ធនាការស្តារ និងដាំដើមកោងកាងនេះ គ្រោងនឹងចាប់ផ្ដើមអនុវត្តនៅឆ្នាំ២០២៦ខាងមុខ ហើយរំពឹងថា នឹងមានការចូលរួមពីនិស្សិតសាកលវិទ្យាល័យ ក្នុងការចូលរួមគាំទ្រកម្មវិធីនេះ ដើម្បីការពារបរិស្ថាន ជីវចម្រុះ និង​សហគមន៍ពីគ្រោះមហន្តរាយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រពីអង្គការសហគមន៍យើង ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 25/08/2025

ឱកាសសិក្សាអាហារូបករណ៍ថ្នាក់បរិញ្ញាបត្រ ពីអង្គការសហគមន៍យើង ក្នុងឆ្នាំសិក្សា២០២៦សម្រាប់សិស្សជាប់ថ្នាក់ទី១២ ឬកំពុងសិក្សាថ្នាក់ទី១២។ អាហារូបករណ៍ផ្ដល់ជូនសម្រាប់សិក្សានៅក្នុងខេត្តសៀមរាប។

ឱកាសសិក្សាថ្នាក់បរិញ្ញាបត្រ! អាហារូបករណ៍អភិសន្តិបណ្ឌិត ស សុខា ផ្ដល់ជូន ១០កន្លែង នៅសាកលវិទ្យាល័យ លីមកុកវីង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 25/09/2026

អាហារូបករណ៍ថ្នាក់ជាតិកម្រិតបរិញ្ញាបត្រ ចំនួន ១០កន្លែង សិក្សានៅសាកលវិទ្យាល័យ លីមកុកវីង (Limkokwing University) សម្រាប់ឆ្នាំសិក្សា ២០២៦-២០២៧។

អាហារូបករណ៍​ចូលសិក្សា​វគ្គ​បណ្តុះបណ្តាល​ជំនាញអប់រំ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 24/07/2025

សាកលវិទ្យាល័យភូមិន្ទភ្នំពេញ បានប្រកាស​ដល់​និស្សិត​ដែល​កំពុង​សិក្សា​ថ្នាក់បរិញ្ញាបត្រ ឬ​បញ្ចប់ការសិក្សា​ថ្នាក់​បរិញ្ញាបត្រ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ និង​គ្រប់ស្ថាប័នទាំងអស់ថា សាកលវិទ្យាល័យ​នឹងផ្តល់អាហារូបករណ៍​ចំនួន១៥កន្លែង...

ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់

ព័ត៌មានអាហារូបករណ៍, ព្រឹត្តិការណ៍

• 14/01/2026

ក្រសួងមហាផ្ទៃ​កាលពីដើមសប្តាហ៍​នេះ បានប្រកាស​ពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...

វិទ្យាស្ថានវិទ្យាសាស្រ្តគ្រប់គ្រង និងសេដ្ឋកិច្ច ផ្ដល់ការសិក្សាជំនាញកុំព្យូទ័រ និងទីផ្សារចំនួន១៧៤កន្លែងឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 30/05/2023

វិទ្យាស្ថានវិទ្យាសាស្រ្ត​គ្រប់គ្រង និងសេដ្ឋកិច្ច ប្រកាសផ្ដល់អាហារូបករណ៍សិក្សាជំនាញរយៈពេល៣ខែដល់សិស្សានុសិស្ស និងសាធារណៈជន​ដោយ​ឥតគិតថ្...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី China-AUN ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 28/12/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសចិនពីកម្មវិធីអាហារូបករណ៍ China-AUN សម្រាប់ឆ្នាំសិក្សា២០២៤-២០២៥។ អាហារូបករណ៍មានកម្មវិធីសិក្សាជាភាសាចិន និងភាសាអង់គ្លេស។

អាហារូបករណ៍​ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 06/02/2025

វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...

សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 01/10/2026

សម្រាប់និស្សិត ឬមន្ត្រីរាជការកម្ពុជាដែលមានបំណងចង់បន្តការសិក្សាថ្នាក់ឧត្តមសិក្សានៅបណ្តាប្រទេសក្នុងទ្វីបអឺរ៉ុប កម្មវិធីអាហារូបករណ៍

ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 22/02/2023

ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...