ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យើងទាំងអស់គ្នាសុទ្ធតែចង់ឃើញខ្លួនឯងប្រសើរជាងមុនគ្រប់ផ្នែក ហើយការគិតបែបនេះ មិនមែនជារឿងអាក្រក់នោះទេ ផ្ទុយទៅវិញ ថែមទាំងបង្ហាញអំពីការយកចិត្តទុកដាក់ចំពោះភាពលូតលាស់ ក៏ដូចជាពង្រឹងខ្លួនឱ្យក្លាយជាមនុស្សល្អ ។ តាមរយៈគេហទំព័រ Yourtango បានបង្ហាញគន្លឹះ៥ចំណុចសាមញ្ញៗ រួមចំណែកអភិវឌ្ឍន៍ខ្លួន ឱ្យក្លាយជាបុគ្គលប្រសើរពីមួយពេលទៅមួយពេល។
១. ធ្វើល្អទៅកាន់មនុស្សជុំវិញខ្លួន ៖ ទង្វើរល្អ គឺរាប់ចាប់តាំងពីរបៀប នៃប្រើប្រាស់ពាក្យសម្តីទៅកាន់មនុស្សដែលបានជួបនៅកន្លែងណាមួយ ដូចជា ញញឹមដាក់មនុស្សដែលមិនធ្លាប់ស្គាល់គ្នាពីមុនមក និងជៀសវាងការតម្លើងសម្លេងពេលនៅក្នុងចំណោមមនុស្សម្នាដទៃ។ គួរកត់សម្គាល់ថា ពេលនៅក្បែរអ្នកដទៃ ព្យាយាមបញ្ចៀស សកម្មភាពណាដែលនាំឱ្យពួកគេទទួលបាននូវអារម្មណ៍គ្មានផាសុកភាព។ ទាំងនេះសុទ្ធសឹងតែជាចំណុចរុញឱ្យអ្នកក្លាយជាមនុស្សល្អ និងប្រសើរជាងមុន។
២. សម្អាតបរិវេណនៅកន្លែងប្រើប្រាស់រួម ៖ ប្រសិនបើ ប្រទះឃើញកាកសំណល់ និងសំរាមនៅតាមដងវិថី គួរតែចូលរួមរើសប្រមូល និងយកទៅបោះចោល ទោះបីជាមិនមែនខ្លួនឯងជាអ្នកបោះចោលក៏ដោយ។
៣. ផ្តល់មេត្តាចំពោះសត្វមានជីវិតទាំងឡាយ ៖ បណ្តុះទឹកចិត្តសប្បុរស ចិត្តអាណិតអាសូរ និងការយកចិត្តទុកដាក់ ចំពោះសត្វទាំងអស់ដែលមាននៅជុំវិញខ្លួន។
៤. សរសើរអ្នកដទៃ ៖ មនុស្សមួយចំនួនធំ ហាក់រីករាយនឹងពាក្យសរសើរ តាមរយៈអ្នកដទៃ។ ដូច្នេះគួរតែបង្ហាញក្ដីសោមនស្ស និងពេញចិត្តចំពោះអ្នកដទៃឱ្យបានច្រើនតាមដែលអាចធ្វើបាន សរសើរអំពីម៉ូតសក់ ឬក៏របៀបដែលគេថែរក្សាខ្លួននោះទេ ។ នៅពេលដែលអ្នកបានដឹង អំពីការប្រឹងប្រែងរបស់នរណាម្នាក់ផ្តល់មកកាន់ខ្លួន ក៏គួរតែបង្ហាញសេចក្ដីពេញចិត្តទៅកាន់ពួកគេឱ្យបានដឹងផង។
៥. ត្រៀមខ្លួនរួចរាល់ក្នុងការផ្តល់ជំនួស ៖ ធ្វើជាបុគ្គលម្នាក់ដែលមានការតាំងចិត្ត និងត្រៀមខ្លួនរួចរាល់ ក្នុងការផ្តល់ជំនួយទៅកាន់អ្នកដទៃ ប៉ុន្តែក៏មិនគួររំពឹងថា គេនឹងទទួលការគាំទ្រពីអ្នកនោះទេ ប៉ុន្តែអ្វីដែលចាំបាច់ គឺការត្រៀមខ្លួន៕
