ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡាប្រកាសប្រឡងជ្រើសរើសនិស្សិតចំនួន១នាក់ទៅសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រ (Doctor of Medicine) នៅសាធារណរដ្ឋគុយបាឆ្នាំសិក្សា២០២៤-២០២៥។
លក្ខខណ្ឌនៃការចុះឈ្មោះប្រឡង បេក្ខជនទាំង២ភេទត្រូវមានសញ្ជាតិខ្មែរ មានអាយុក្រោម២៥ឆ្នាំ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ មានសុខភាពល្អទាំងកម្លាំងកាយ និងសតិបញ្ញា។
ជាមួយគ្នានេះ បេក្ខជនត្រូវបំពេញឯកសារចាំបាច់មួយចំនួនដូចជា បង្កាន់ដៃទទួលពាក្យប្រឡង១ច្បាប់ ពាក្យសុំអាហារូបករណ៍១ច្បាប់ ជីវប្រវត្តិសង្ខេប១ច្បាប់ រូបថត៤x៦ (ចំនួន៤សន្លឹក ផ្ទៃក្រោយពណ៌ស ថតថ្មី) សញ្ញាបត្រមធ្យមសិក្សាទុតិយភូមិ(ច្បាប់ចម្លង)១ច្បាប់ ដែលមានភ្ជាប់ជាមួយច្បាប់ដើមដើម្បីពិនិត្យ និងផ្ទៀងផ្ទាត់។ ចំពោះបេក្ខជនជានិស្សិតសូមភ្ជាប់ជាមួយលិខិតបញ្ជាក់ពីគ្រឹះស្ថានសិក្សា/អត្តសញ្ញាណប័ណ្ណនិស្សិត(ថតចម្លង១ច្បាប់) ចំពោះបេក្ខជនជាមន្ត្រីរាជការសូមភ្ជាប់លិខិតបញ្ជាក់ពីអង្គភាព។ លើសពីនេះត្រូវមានវិញ្ញាបនបត្រពិនិត្យកាយសម្បទា និងជំងឺអេដស៍ និងលិខិតថ្កោលទោស ក្រោយពេលប្រឡងជាប់។
ការប្រឡងនឹងប្រព្រឹត្តឡើងនៅថ្ងៃទី១៦ ខែមិថុនា ឆ្នាំ២០២៤ ក្រោមវិញ្ញាសារប្រឡង គណិតវិទ្យា៩០នាទី និងភាសាអង់គ្លេស៩០នាទី។ បេក្ខជនដែលមានចំណាប់អារម្មណ៍ក្នុងការដាក់ពាក្យអាហារូករណ៍សូមធ្វើការដាក់ពាក្យនៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមានអាសយដ្ឋាន អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ(ខាងកើតស្ថានីយទូរទស្សន៍អប្សារាប្រហែល៥០ម៉ែត្រ)។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១០ ខែមិថុនា ឆ្នាំ២០២៤៕
