កម្មវិធីអាហារូបករណ៍ Donghua University Scholarship 2026 ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦ នៅសាកលវិទ្យាល័យ Donghua ប្រទេសចិន។

លក្ខខណ្ឌនៃបេក្ខជន ៖ ជានិស្សិតអន្តរជាតិទាំងអស់ មានលិខិតឆ្លងដែន មានសុខភាពល្អទាំងកម្លាំង និងស្មារតី សម្រាប់អ្នកស្នើថ្នាក់បរិញ្ញាបត្រ ត្រូវមានសញ្ញាបត្រមធ្យមសិក្សាទុតិយភូមិ និងមានអាយុពី១៦ ដល់៣០ឆ្នាំ, សម្រាប់ថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រ និងអាយុចន្លោះពី ១៨ ដល់៣៥ឆ្នាំ, ចំពោះការស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ និងអាយុចន្លោះពី១៨ ដល់ ៤០ឆ្នាំ។

តាមរយៈឱកាសសិក្សាខាងលើ មានអាហារូបករណ៍ចំនួនពីរដែលផ្ដល់សម្រាប់បេក្ខជន រួមមាន Shanghai Government Scholarship និង Chinese Government Scholarship ។

អាហារូបករណ៍ Shanghai Government Scholarship ផ្ដល់ការគាំទ្រសម្រាប់អ្នកជាប់ប្រភេទ A លើ ការធានារ៉ាប់រងសុខភាព ថ្លៃសិក្សា ប្រាក់ឧបត្ថម្ភប្រចាំខែ កន្លែងស្នាក់នៅ (ក្នុងបរិវេនសាលារៀន) ប្រាក់ឧត្ថម្ភថ្នាក់បរិញ្ញាបត្រ ២៥០០RMBក្នុងមួយខែ ថ្នាក់បរិញ្ញាបត្រជាន់ខ្ពស់ ៣០០០RMBក្នុងមួយខែ និងថ្នាក់បណ្ឌិត៣៥០០RMBក្នុងមួយខែ។ ចំពោះប្រភេទ B នឹងទទួលបានការគាំទ្រត្រឹមថ្លៃសិក្សាពេញលេញ និង ការធានារ៉ាប់រងសុខភាព។

សម្រាប់អាហារូបករណ៍ Chinese Government Scholarship ផ្ដល់កន្លែងស្នាក់នៅ ការធានារ៉ាប់រងសុខភាព ថ្លៃសិក្សាពេញលេញ និងគម្រោងការពារនិក្ខេបទ ប្រាក់ឧបត្ថម្ភប្រចាំខែថ្នាក់បរិញ្ញាបត្រជាន់ខ្ពស់ CNY ៣០០០ក្នុងមួយខែ និង ថ្នាក់បណ្ឌិត CNY ៣៥០០ ក្នុងមួយខែ។

នៅក្នុងការដាក់ពាក្យ បេក្ខជនត្រូវបំពេញពាក្យទៅសាកលវិទ្យាល័យ Donghua និងភ្ជាប់លិខិតថតចម្លង នៅពេលដាក់ពាក្យ និងបង់ថ្លៃដាក់ពាក្យសុំចូលរៀនដោយខ្លួនឯង និងស្នើទៅកាន់អាហារូបករណ៍ Shanghai Government Scholarship ឬ Chinese Government Scholarship ដែលបេក្ខជនចង់ស្នើ។

សម្រាប់ព័ត៌មានបន្ថែម អាចចូលទៅកាន់ https://scholarshipsafe.com/donghua-university-scholarships/ ។ ចាប់ទទួលពាក្យពីថ្ងៃផ្សាយដំណឹងនេះ រហូតដល់ថ្ងៃទី១៥ ខែមេសា ឆ្នាំ២០២៦៕