ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – យុវជនដែលចង់បង្កើនប្រសិទ្ធភាព និងប្រសិទ្ធផលនៅក្នុងការសិក្សា ក៏ដូចជាការងារ ចាំបាច់ណាស់ត្រូវមានភាពឧស្សាហ៍ព្យាយាម តស៊ូជំនះ គ្រប់កាលៈទេសៈនៃជីវិតរបស់ខ្លួន។ នេះបើតាមការលើកឡើងរបស់ លោក ឃីម សុខហេង ស្ថាបនិកវិទ្យាស្ថានសិក្សាដើម្បីជោគជ័យ (LSI) ដែលបានលើកឡើងនៅក្នុងវេទិកាបំណិនជីវិត រៀបចំដោយសហភាពសហព័ន្ធយុវជនកម្ពុជារាជធានីភ្នំពេញ។
បើតាមប្រសាសន៍របស់លោក ឃីម សុខហេង យុវជនត្រូវខិតខំរៀនសូត្រឱ្យមានទាំងជំនាញ និងចំណេះដឹង ទើបអាចជួយឱ្យខ្លួនមានឱកាសធ្វើការងារទទួលបានប្រាក់ខែខ្ពស់នៅថ្ងៃអនាគត។ លោកបន្តថា ប្រសិនយុវជនមិនខិតខំរៀនឱ្យមានជំនាញ និងចំណេះដឹង នោះនឹងត្រូវទៅទៅធ្វើការប្រើកម្លាំងសុទ្ធ គ្មានជំនាញ គ្មានចំណេះដឹង នឹងនាំឱ្យគ្មានការរីកចម្រើនលឿននោះឡើយ។
“យើងត្រូវយកជំនាញ និងចំណេះដឹងដាក់ក្នុងខ្លួន ព្រោះនៅពេលដែលយើងប្រើកម្លាំងសុទ្ធទៅធ្វើការ គ្មានជំនាញរហូតមួយជីវិត នោះយើងនឹងមិនរីកច្រើនលឿននោះទេ”
លោក ឃីម សុខហេង ស្ថាបនិកវិទ្យាស្ថានសិក្សាដើម្បីជោគជ័យ (LSI)
លោក ឃីម សុខហេង បន្ថែមថា ដើម្បីឆ្ពោះទៅកាន់ភាពជោគជ័យ មនុស្សម្នាក់ៗត្រូវដើរលើវិថីសុច្ចរិត មានសីលធម៌ សុជីវធម៌ មានជំនាញ ចំណេះដឹង និងប្រាស្រ័យទាក់ទងល្អ។ លោកបន្តថា រឿងសំខាន់អស្ចារ្យជាងគេ គឺបានកសាងខ្លួន និងអភិវឌ្ឍខ្លួនឱ្យក្លាយទៅជាមនុស្សដែលគេចូលចិត្ត មានអត្តចរិតល្អ និងមិនប្រព្រឹត្តិអំពើទុចរិត។
គួរជម្រាបជូនថា ភាពប៉ិនប្រសប់ដែលតំណាងឱ្យទេពកោសល្យរបស់មនុស្សម្នាក់ៗ កើតចេញពីការរៀនសូត្រនៃវ័យនីមួយៗរួចបង្កើតទៅជាការអនុវត្តជាក់ស្ដែងក្នុងការយកទៅប្រើប្រាស់ប្រកបដោយប្រសិទ្ធភាព និងបង្កើនប្រសិទ្ធផលទាំងការសិក្សា ការងារ និងសង្គម នោះគឺជា បំណិនជីវិត៕
