ក្រោមកម្មវិធីអាហារូបករណ៍ Eugen Ionescu Programme របស់រដ្ឋាភិបាល នៃប្រទេសរ៉ូម៉ានី សម្របសម្រួលដោយទីភ្នាក់ងារឧត្តមសិក្សាហ្រ្វង់កូហ្វូនី (AUF) នឹងផ្តល់អាហារូបករណ៍ស្រាវជ្រាវថ្នាក់បណ្ឌិត និងថ្នាក់ក្រោយបណ្ឌិត សិក្សារយៈពេល៣ខែ ចាប់ពីថ្ងៃទី១ ខែឧសភា ដល់ថ្ងៃទី៣១ ខែកក្កដា ឆ្នាំ២០២៥ នៅប្រទេសរ៉ូម៉ានី។
អាហារូបករណ៍នេះ ផ្តល់ជូននិស្សិតថ្នាក់បណ្ឌិត អ្នកស្រាវជ្រាវ និងគ្រូបង្រៀនមកពីប្រទេសជាសមាជិក នៃអង្គការអន្តរជាតិហ្រ្វង់កូហ្វូនី (OIF) និងមកពីគ្រឹះស្ថានឧត្តមសិក្សាដែលជាសមាជិកនៃទីភ្នាក់ងារឧត្តមសិក្សាហ្រ្វង់កូហ្វូនី។

បេក្ខជនដែលមានបំណងចូលរយមក្នុងកម្មវិធីអាហារូបករណ៍ខាងលើ ត្រូវបំពេញព័ត៌មាន នៃការដាក់ពាក្យតាមរយៈគេហទំព័រ https://www.auf.org/nouvelles/appels-a-candidatures/appel-candidatures-bourses-de-recherche-doctorale-et-postdoctorale-eugen-ionescu-2024-2025/ ឱ្យបានមុនថ្ងៃទី២០ ខែមករា ឆ្នាំ២០២៥៕































