ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មានប្រសាសន៍ក្នុងឱកាសអញ្ជើញជាអធិបតីក្នុងពិធីសម្ពោធអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត្រ នាព្រឹកថ្ងៃទី២៣ ខែឧសភា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានជំរុញដល់ក្រុមគ្រូពេទ្យទាំងអស់ ខិតខំអភិវឌ្ឍន៍ និងពង្រឹងសមត្ថភាពរបស់ខ្លួនបន្ថែម លើការប្រើប្រាស់បច្ចេកវិទ្យាទំនើបសម្រាប់វិស័យសុខាភិបាល ដើម្បីឈានទៅព្យាបាល និងសង្រ្គោះប្រជាជនប្រកបដោយប្រសិទ្ធភាព។
សម្តេចតេជោមានប្រសាសន៍ថា សម័យនេះ គឺជាសម័យនៃការធ្វើទំនើបកាន់តែខ្ពស់ ដែលទាមទារឱ្យពេទ្យរបស់យើងធ្វើការស្រាវជ្រាវ និងរៀនសូត្រប្រើប្រាស់ឧបករណ៍ទំនើប ។ «យើងទិញមកអាទំនើប ប៉ុន្តែបើសិនជាអត់ចេះប្រើ វាស្មើនឹងអត់ អញ្ចឹងទេបានជានៅពេលដែលយើងបំពាក់សម្ភារៈ សុទ្ធតែមានអ្នកបច្ចេកទេសរបស់គេមកបង្ហាត់បង្ហាញយើងថា យើងអាចចេះប្រើប្រាស់វាបានត្រឹមត្រូវ»។
យ៉ាងណាក៏ដោយសម្តេចតេជោក៏បានវាយតម្លៃខ្ពស់ចំពោះក្រុមគ្រូពេទ្យ នៃមន្ទីរពេទ្យកាល់ម៉ែត ក៏ដូចជាមន្ទីរពេទ្យផ្សេងៗទៀត ដោយថា ទិន្នន័យដែលទទួលបានពីមន្ទីរពេទ្យនៅកម្ពុជាទាំងនោះ សុទ្ធតែត្រូវទទួលទៅវិភាគបាននៅមន្ទីរពេទ្យប្រទេសដទៃទៀត។
” អញ្ចឹងទេអាចនិយាយបានថា បច្ចេកវិទ្យាវាដូចគ្នា ដូច្នេះប្រសិនបើយើងចេះប្រើ វាអាចនឹងទាន់ធ្វើការជាមួយប្រទេសដទៃទាន់ពេល ប៉ុន្តែបើយើងអត់ចេះ យើងវិភាគវាអត់ត្រូវ ប្រើវាអត់កើត អញ្ចឹងទេបានជាត្រូវលើកកម្ពស់ចំណេះដឹងឱ្យកាន់តែខ្ពស់ឡើងៗ…”
ជាមួយគ្នានេះដែរ សម្តេចតេជោនាយករដ្ឋមន្រ្តី ក៏មិនភ្លេចធ្វើការអំពាវនាវទៅដល់ក្រុមគ្រូពេទ្យទាំងអស់ សូមពង្រឹងក្រមសីលធម៌វិជ្ជាជីវៈ ដោយយកការបម្រើប្រជាជនយកជាស្នូល ធ្វើជាគោលដៅ នៃការធ្វើសកម្មភាពសម្រាប់គ្រូពេទ្យ៕
