ឱកាសសិក្សាជំនាញវិជ្ជាជីវៈរយៈពេលខ្លីនៅវិទ្យាស្ថានជាតិសហគ្រិនភាព និងនវានុវត្តន៍ជាច្រើនជំនាញក្រោមគម្រោង ១,៥លាននាក់ និងផ្ដល់ជូនសម្រាប់យុវជនយុវនារីមកពីគ្រួសារក្រីក្រ និងងាយរងហានិភ័យ។ 

ជំនាញដែលត្រូវសិក្សារួមមាន ការផលិតនំ ធុរកិច្ចភេសជ្ជៈ (ការឆុងកាហ្វេ និងភេសជ្ជៈ) ការធ្វើម្ហូបខ្មែរ សេវាកម្មសម្អាងកាយ  ការដំឡើងបណ្ដាញអគ្គិសនីក្នុងអគារ ការដំឡើងបណ្ដាញអគ្គិសនីក្នុងអគារ សេវាកម្មបរិក្ខារត្រជាក់ក្នុងគេហដ្ឋាន ការរចនាក្រាហ្វិកដោយកុំព្យូទ័រ និងជំនាញ ការដំឡើងបណ្ដាញបំពង់ទឹក។

អត្ថប្រយោជន៍​ដែលទទួលបានពីអាហារូបករណ៍មាន ការ​សិក្សា​ដោយ​ឥតបង់ថ្លៃ, ទទួលបានប្រាក់ឧបត្ថម្ភ​ប្រចាំខែចំនួន ២៨ម៉ឺនរៀល​ក្នុង១ខែ ដោយ​សិក្សា​ពេញម៉ោងសម្រាប់យុវជន​មាន​បណ្ណសមធម៌ ឬបណ្ណគ្រួសារងាយរងហានិភ័យ, មានផ្តល់​ការ​ប្រឹក្សា​យោបល់​ពីការជ្រើសរើសជំនាញ និង​ព័ត៌មានទីផ្សារ​ការងារ, ផ្តល់​កន្លែង​ចុះ​កម្មសិក្សា​នៅ​តាម​សហគ្រាស គ្រឹះស្ថាន​ឧស្សាហកម្ម និង​ក្រុមហ៊ុន​ឯកជន, ទទួលបានសញ្ញាបត្របច្ចេកទេស និង​វិជ្ជាជីវៈ១ និង​ឱកាស​បន្ត​ការ​សិក្សា, ទទួល​បាន​ជំនាញ​មួយ​ពិតប្រាកដ​ដែល​ទីផ្សារការងារកំពុងត្រូវការ, ទទួល​បាន​ឱកាស​ការងារធ្វើ​សមរម្យ និង​ចំណូលទៀងទាត់។

ឯកសារភ្ជាប់ក្នុងការ​ដាក់ពាក្យ​ចូលរៀន ៖ សៀវភៅ​គ្រួសារ (ថតចម្លង) ១ច្បាប់, សំបុត្រ​កំណើត (ថតចម្លង) ១ច្បាប់, អត្តសញ្ញាណបណ្ណសញ្ជាតិខ្មែរ (ថតចម្លង) ១ច្បាប់, រូបថតថ្មី​ផ្ទៃពណ៌ខៀវ (ទំហំ៤x៦) ៤សន្លឹក, រូបថតថ្មីផ្ទៃ​ពណ៌ខៀវ (ទំហំ៣x៤) ២សន្លឹក, បណ្ណសមធម៌ ឬបណ្ណសម្គាល់​គ្រួសារងាយរងហានិភ័យ ឬបណ្ណសម្គាល់​ជន​មានពិការភាព ឬបណ្ណមូលនិធិ​សមធម៌សុខាភិបាល ឬលិខិតឧទ្ទេសនាម​ដោយ​រដ្ឋបាល​ខេត្តស្រុក/ក្រុង ឃុំ/សង្កាត់ (ច្បាប់ដើម)។

បេក្ខជនដែលមានចំណាប់អារម្មណ៍សិក្សាអាចចុះឈ្មោះតាមរយៈ  https://scholarship.tvet.gov.kh/home ចាប់ពីថ្ងៃផ្សាយដំណឹង ឬអាចទៅកាន់គ្រឹះស្ថានសិក្សាដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ (ផ្លូវចូលខាងកើតវត្តទឹកថ្លា ចម្ងាយប្រហែល ២០០ម៉ែត្រ)។

សម្រាប់ព័ត៌មានបន្ថែមអាចទំនាក់ទំនងទៅកាន់ ០៩៨ ២៦៧ ៧១៦ / ០៦៩ ៩៦៧ ៩៧៩ / ០១០ ២៦៦ ២៩៦ / ០៨១ ៤២៩ ៩៦៩ / ០១២ ៤០៣ ៦៤៤ / ០៩៣ ៨០៨ ០៥៧ / ០៧១ ៦៤៣ ៥៣៨៨។ វគ្គសិក្សានឹងចូលរៀនថ្ងៃទី០១ ខែឧសភា ឆ្នាំ២០២៤៕