ភ្នំពេញ – ជាឱកាសសម្រាប់អ្នកចង់បន្ត​ការសិក្សា​ លើជំនាញ AI Processor Chip Design និង AI Deep Learning Image Recognition ពេល​នេះ​សាកលវិទ្យាល័យជាតិ Chungbok នៃប្រទេសកូរ៉េ បានប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ។

លក្ខខណ្ឌនៃការជ្រើសរើស សម្រាប់បេក្ខជនដាក់ពាក្យថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រ ឬសញ្ញាបត្របរិញ្ញាបត្រជាន់ខ្ពស់មុនខែសីហា ឆ្នាំ២០២៣ ។ ជាបេក្ខជនដែលបានសិក្សាជំនាញទាក់ទងនឹងវិស្វកម្មអគ្គិសនី, វិទ្យាសាស្ត្រកុំព្យូទ័រ, ព័ត៌មាន និងទំនាក់ទំនង ។ ត្រូវមានជំនាញល្អក្នុងការស្រាវជ្រាវ និងការតាំងចិត្តខ្ពស់ក្នុងការសិក្សាថ្នាក់បណ្ឌិត មានជំនាញក្នុងការសរសេរ និងនិយាយភាសាអង់គ្លេស មានពិន្ទុសិក្សាGPAល្អ ។

ជាមួយគ្នានេះ កម្មវិធីសិក្សាស៊ីជម្រៅអំពីស្ថាបត្យកម្ម AI Processor learning, ការសិក្សាអំពីឧបករណ៍បង្កើនល្បឿនដំណើរការបណ្តាញសរសៃប្រសាទថាមពលទាប និងការរចនាបន្ទះឈីប SoC ដែលមានមូលដ្ឋានលើ RISC-V, ការរចនាសៀគ្វីសញ្ញាចម្រុះ Analog សម្រាប់ Analog CNN SoC និងការរចនាបន្ទះឈីបឧបករណ៍ចាប់សញ្ញាបច្ចុប្បន្ន ។ លើសពីនេះស្គាល់ជាមួយនឹងការរចនាសៀគ្វីឌីជីថល ឬ analog បទពិសោធន៍ Verilog/VHDL (FPGA tool or Synopsys/ Cadence tool experience is big plus) ។ អំពី ការរកឃើញ ការដោះស្រាយ និងក្បួនក្នុងដំណើរការរូបភាព គំរូសិក្សាស៊ីជម្រៅ និងក្បួនដោះស្រាយចក្ខុវិស័យកុំព្យូទ័រសម្រាប់ការបើកបរដោយស្វ័យភាព និងរោងចក្រឆ្លាតវៃ និងផ្នែកផ្សេងៗ ។

ឯកសារចាំបាច់ដែលនិស្សិតត្រូវមានដូចជា ជីវប្រវត្តិសង្ខេប (រួមទាំងរូបថត កំណត់ត្រាសិក្សា បញ្ជីបទពិសោធន៍ស្រាវជ្រាវ) ប្រតិចារិក និងសញ្ញាបត្របញ្ជាក់ការសិក្សាថ្នាក់បរិញ្ញាបត្រ និងសញ្ញាបត្របរិញ្ញាបត្រជាន់ខ្ពស់ និក្ខេបបទសិក្សា ឬរបាយការណ៍សិក្សាផ្សេងៗដែលធ្លាប់បានផ្សព្វផ្សាយ , លិខិតយោងពីសាស្ត្រាចារ្យចំនួន២ច្បាប់ និងពាក្យស្នើសុំតាម Online សម្រាប់សាកលវិទ្យាល័យ ។

បេក្ខជនអាចធ្វើការស្នើពាក្យសុំអាហារូបករណ៍ និងឯកសារចាំបាច់ទាំងអស់ទៅកាន់ prof. Hyung Won kim តាមរយៈ Email: hwkim@cbnu.ac.kr ។ សម្រាប់ព័ត៌មានបន្ថែមអាចទំនាក់ទំនងទៅកាន់ thaisingtaing@gmail.com ឬ thaisingtaing@chungbok.ac.kr ។ ផុតកំណត់ទទួលពាក្យថ្ងៃទី ២០ ខែមេសា ឆ្នាំ២០២៣ ៕