ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ដើម្បីលើកទឹកចិត្តដល់ការរៀនពេញមួយជីវិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានផ្តល់ការឧបត្ថម្ភដល់លោកស្រី ហែម ស៊ីណាត ដែលជាបេក្ខជនប្រឡងបាក់ឌុបមានវ័យចំណាស់ជាងគេ ចំនួន១០លានរៀល និងបានជូនពរលោកស្រីឱ្យប្រឡងជាប់នៅឆ្នាំខាងមុខ។
លោកស្រី ហែម ស៊ីណាត មានអាយុ៥៦ឆ្នាំ គឺជាគ្រូអក្ខកម្ម មកពីភូមិថ្នរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។ លោកស្រីបានចូលរួមប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ឆ្នាំ២០២២នេះ ដោយរំពឹងថា លោកស្រីនឹងអាចក្លាយជាគ្រូបង្រៀនយ៉ាងពិតប្រាកដ។ តែយ៉ាងណាក៏ដោយ លទ្ធផល នៃការប្រឡងបាក់ឌុបកន្លងមកនេះ បានបង្ហាញថា លោកស្រីមិនបានជាប់នោះទេ។
បើទោះបីជាលទ្ធផល នៃការប្រឡងបាក់ឌុបនេះមិនល្អ តែលោកស្រី ហែម ស៊ីណាត មិនបានរាថយឡើយ ដោយថា លោកស្រីនឹងប្តេជ្ញាបន្តប្រឡងជាថ្មីនៅឆ្នាំក្រោយទៀត ដើម្បីសម្រេចនូវក្តីស្រមៃជាគ្រូបង្រៀន។
គួរបញ្ជាក់ថា ការប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប) សម្រាប់ឆ្នាំ២០២២នេះ បានប្រព្រឹត្តទៅកាលពីថ្ងៃទី៥ និងទី៦ ខែធ្នូ ២០២២ ដោយជាលទ្ធផលមានសិស្សជាប់ចំនួន ៩០៩៥០នាក់ស្មើនឹង៧២.៣៣% និទ្ទេស A ចំនួន១០៤៩នាក់, និទ្ទេស B ចំនួន៧២៣២នាក់, និទ្ទេស C ចំនួន១៩០៥៣នាក់, និទ្ទេស D ចំនួន៣១១៦៦នាក់ និងនិទ្ទេស E ចំនួន៣២៤៥០នាក់៕
