ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទភ្នំពេញ ប្រកាសជ្រើសរើសនិស្សិតឆ្នាំទី២ ចំនួន១០នាក់ ដើម្បីទទួលបានអាហារូបករណ៍សាច់ប្រាក់ប្រចាំឆ្នាំសិក្សា២០២៤-២០២៥។ អាហារូបករណ៍ផ្ដល់ជូនដោយ កម្មវិធីអាហារូបករណ៍ LOTTE Scholarship Foundation ឆ្នាំសិក្សា២០២៤-២០២៥។
លក្ខខណ្ឌនៃការជ្រើសរើស ៖ ជានិស្សិតឆ្នាំទី២ នៃឆ្នាំសិក្សា២០២៤-២០២៥ គ្រប់ដេប៉ាតឺម៉ង់ នៅសាកលវិទ្យាល័យភូមិន្ទភ្នំពេញ, សម្រាប់និស្សិតទូទៅត្រូវមាន GPA ចាប់ពី ៣.២០ ឡើងទៅ សម្រាប់និស្សិតដែលមានជីវភាពខ្វះខាតត្រូវមាន GPA ២.៨០ ឡើងទៅ និងជានិស្សិតដែលពុំធ្លាប់ទទួលបានអាហារូបករណ៍ពីស្ថាប័នណាមួយ លើកលែងតែអាហារូបករណ៍របស់រដ្ឋាភិបាលកម្ពុជា។ បេក្ខជនដែលបានជ្រើសរើស នឹងទទួលបានទឹកប្រាក់ ៤៥០ដុល្លារក្នុងមួយឆមាស។
បេក្ខជនដែលស្នើពាក្យអាហារូបករណ៍ ត្រូវភ្ជាប់ជាមួយ ជីវប្រវត្តិសង្ខេបជាភាសាអង់គ្លេស (Cover Letter & CV) ១ច្បាប់, ព្រឹត្តិបត្រពិន្ទុដែលមានបញ្ជាក់ពិន្ទុរាល់ឆមាស (ច្បាប់ដើម) ១ច្បាប់, វិញ្ញាបនបត្របញ្ជាក់ការសិក្សាជាភាសាអង់គ្លេស (ច្បាប់ដើម) ឬកាតនិស្សិតចម្លង ១ច្បាប់។ សម្រាប់និស្សិតដែលមានជីវភាពខ្វះខាតសូមភ្ជាប់មកជាមួយបណ្ណក្រីក្រ (បើមាន) ១ច្បាប់។
សម្រាប់ព័ត៌មានបន្ថែម អាចទំនាក់ទំនងទៅកាន់ ការិយាល័យទំនាក់ទំនងអន្តរជាតិ ស.ភ.ភ.ព និងភ្ជាប់ជាមួយឯកសារដែលបានបញ្ជាក់ខាងលើ ដោយការិយាល័យស្ថិតនៅ បន្ទប់២១៩A ជាន់ទី២ អគារ A រៀងរាល់ម៉ោងធ្វើការ ចាប់ពីថ្ងៃផ្សាយដំណឹងរហូតដល់ថ្ងៃទី១៤ ខែមីនា ឆ្នាំ២០២៥ មុនម៉ោង ១៦:០០ រសៀល និងអាចទាក់ទងទៅកាន់ការិយាល័យអន្តរជាតិតាមរយៈតេលេក្រាម t.me/iro_rupp ៕
