ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈការផ្សព្វផ្សាយរបស់ ក្រសួងអប់រំ យុវជន និងកីឡា បុគ្គលិកអប់រំទាំងអស់នឹងមានឱកាសបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាធារណរដ្ឋប្រជាមានិតចិន ក្រោមកម្មវិធីអាហារូបករណ៍ MOFCOM សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សារយៈពេល១ ឬ ២ ឆ្នាំសម្រាប់ថ្នាក់បរិញ្ញាបត្រជាន់ខ្ពស់ និងរយៈពេល៣ឆ្នាំ សម្រាប់ថ្នាក់បណ្ឌិត។
ជំនាញដែលអាហារូបករណ៍ផ្ដល់ជូនរួមមាន គោលនយោបាយសាធារណៈ, សារព័ត៌មាន និងទំនាក់ទំនង, ឧតុនិយម, ការគ្រប់គ្រងបរិស្ថាន និងការអភិវឌ្ឍប្រកបដោយចីរភាព, រដ្ឋបាល, ការដឹកជញ្ជូន, សេដ្ឋកិច្ច និងគោលនយោបាយព្រៃឈើ និងជំនាញជាច្រើនទៀត។
អាហាររូបករណ៍ផ្ដល់ជូនជាច្រើនកន្លែងសម្រាប់បេក្ខជនជាមន្ត្រីរាជការកម្ពុជា ដែលកំពុងបម្រើការងារតាមក្រសួងស្ថាប័ននានា រួមទាំងបុគ្គលិកអប់រំនានា។ បេក្ខជនជ័យលាភីអាហារូបករណ៍ នឹងទទួលបានការរ៉ាប់រងថ្លៃសិក្សា កន្លែងស្នាក់នៅ ការធ្វើដំណើរពី កម្ពុជា-ចិន និងអត្ថប្រយោជន៍ជាច្រើនទៀត។
ដើម្បីដាក់ពាក្យ បេក្ខជនដែលមានបំណងដាក់ពាក្យអាហារូបករណ៍ សូមបំពេញពាក្យ Online តាមរយៈគេហទំព័រ https://www.china-aibo.cn/en/info/1005/1497.htm ។
បន្ទាប់ពីបំពេញពាក្យស្នើរតាម Online បេក្ខជនត្រូវ Print ពាក្យសុំដោយភ្ជាប់ឯកសារពាក់ព័ន្ធផ្សេងៗ រួចបញ្ជូនទៅការិយាល័យកិច្ចសហប្រតិបត្តិការទ្វេភាគី និងពហុភាគី នៃក្រសួងអប់រំ យុវជន និងកីឡា ដែលមានអាស័យដ្ឋាន អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ឱ្យបានមុនថ្ងៃទី១៦ ខែឧសភា ឆ្នាំ២០២៥ វេលាម៉ោង១៦:០០នាទី ដើម្បីឱ្យក្រសួងរៀបចំបញ្ជីឈ្មោះ និងបញ្ជូនឯកសារទៅស្ថានទូតសាធារណរដ្ឋប្រជាមានិតចិន ចាត់ចែងបន្ត។
សម្រាប់ព័ត៌មានបន្ថែម អាចទំនាក់ទំនងទៅកាន់ ០១២ ៨២៥ ៧៨១ និងលេខ ០៩៥ ៦២៤ ៨៩៥ រៀងរាល់ម៉ោងធ្វើការ៕
