ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ព្រឹត្តិការណ៍ជាប្រវត្តិសាស្រ្ត នៃការដាក់បញ្ចូលតំបន់ប្រាសាទកោះកេរ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសម្តែងការអបអរសាទរ និងក្តីរំភើប ដែលសម្បត្តិមរតកដូនតាខ្មែរ ជាដួងព្រលឹងជាតិ ត្រូវបានទទួលស្គាល់កម្រិតពិភពលោកជាបន្តបន្ទាប់។
ឯកឧត្តម ហ៊ុន ម៉ានី លើកឡើងថា នេះគឺជាការផ្តល់កិត្តិយសដ៏ធំធេងពីសហគមន៍អន្តរជាតិចំពោះប្រាសាទបុរាណខ្មែរ និងក៏ដូចជាការទទួលស្គាល់នូវកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងកិច្ចការអភិរក្សបណ្តាសម្បត្តិបេតិកភណ្ឌជាតិរបស់ខ្លួន រួមមាន តំបន់អតីតរាជធានី លិង្គបូរៈ ឬឆោកគគីរ នេះផងដែរ។
ក្នុងនាមជាប្រជាពលរដ្ឋខ្មែរ ខ្ញុំសូមបង្ហាញនូវមនោសញ្ចេតនា និងការកោតសរសើរ និងអបអរសាទរ ដែលប្រាសាទកោះកេរបានចូលជាសម្បត្តិបេតិកភណ្ឌពិភពលោក
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា
ឯកឧត្តម ហ៊ុន ម៉ានី មានប្រសាសន៍ថា កិច្ចការងារនេះបានចាប់ផ្តើមក្នុងជំនាន់សម្តេចអគ្គមហាសេនាបតីតេជោ ហ៊ុន សែន ហើយបន្តមកដល់ពេលបច្ចុប្បន្ន សម្តេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដែលបានតាមដាន និងការតម្រង់ទិស ហើយជាពិសេសក្រសួងវប្បធម៌ និងវិចិត្រសិល្បៈជាសេនាធិការ គួបផ្សំនឹងរដ្ឋបាលខេត្តព្រះវិហារដែលបានធ្វើដំណើរទៅដល់ប្រទេសអារ៉ាប៊ីសាអ៊ូឌីត ហើយនឹងបានស្តាប់ និងប្រកាសជាផ្លូវការដ៏វិជ្ជមាននូវការដាក់ប្រាសាទកោះកេរ ក្លាយទៅជាសម្បត្តិបេតិកភណ្ឌពិភពលោក។
ជាមួយគ្នា ឯកឧត្តមក៏បានសម្តែងការដឹងគុណទៅដល់ដូនតាខ្មែរ និងទឹកដីប្រាង្គប្រាសាទ ដែនដីសុវណ្ណភូមិ នៃព្រះរាជាណាចក្រកម្ពុជា ដែលបញ្ជាក់នូវភាពរុងរឿង និងភាពអស្ចារ្យ និងស្មារតីខ្មែរធ្វើបាន របស់បុព្វបុរសខ្មែរគ្រប់ជំនាន់។
សូមបញ្ជាក់ថា «រមណីយដ្ឋានប្រាសាទកោះកេរ» ត្រូវបានគណៈកម្មាធិការបេតិកភណ្ឌពិភពលោក នៃអង្គការយូណេស្កូ សម្រេចជាឯកច្ឆ័ន្ទចុះទៅក្នុងបញ្ជីបេតិកភណ្ឌពិភពលោក នៅថ្ងៃទី១៧ ខែកញ្ញា ឆ្នាំ២០២៣ នៅក្នុងសម័យប្រជុំលើកទី៥៥ នាទីក្រុងរីយ៉ាដ ប្រទេសអារ៉ាប៊ីសាអ៊ូឌីត តាមសំណើររបស់រាជរដ្ឋាភិបាលកម្ពុជា៕
