ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។

កម្មវិធីសិក្សានៅ China University of Petroleum មានអាហារូបករណ៍ចំនួន ៣ប្រភេទ រួមមាន ប្រភេទ A (Type A) ទទួលពាក្យ​ពីខែមករា ដល់មីនា ឆ្នាំ២០២៦, អាហារូបករណ៍ប្រភេទ B (Type B) ទទួលពាក្យ​ពីខែមីនា ដល់ ឧសភា ឆ្នាំ២០២៦ និងអាហារូបករណ៍ Silk Road ពីថ្ងៃទី១៥ ដល់ ៣០ ឧសភា ២០២៦។

ជំនាញដែលផ្ដល់សម្រាប់ថ្នាក់បរិញ្ញាបត្រមាន ៖ វិស្វកម្មរុករកធនធាន, ហិរញ្ញវត្ថុ, វិទ្យាសាស្ត្រកុំព្យូទ័រ, វិស្វកម្មប្រេងកាត។ ជំនាញសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតមាន ៖ ធនធានភូមិសាស្ត្រ និងវិស្វកម្ម, វិស្វកម្មប្រេងកាត និងឧស្ម័នធម្មជាតិ (អណ្តូង វាល នៅឯនាយសមុទ្រ), វិស្វកម្មគីមី, វិទ្យាសាស្ត្រគ្រប់គ្រង, វិទ្យាសាស្ត្រកុំព្យូទ័រ (ភាសាចិន), ហិរញ្ញវត្ថុ (ភាសាចិន) និងជំនាញជាច្រើនទៀត។

​បេក្ខជនជ័យលាភីអាហារូបករណ៍ នឹងទទួលបានការគាំទ្រ ៖ ថ្លៃសិក្សាពេញលេញ (រួមទាំងថ្លៃរដ្ឋបាល), ថ្លៃស្នាក់នៅ (ពី CNY700 ដល់ CNY 1000 ក្នុងមួយខែ), ការចំណាយប្រចាំខែ CNY2,500 សម្រាប់ថ្នាក់បរិញ្ញាបត្រ CNY2,500 សម្រាប់ថ្នាក់បរិញ្ញាបត្រជាន់ខ្ពស់ CNY3,000 និងថ្នាក់បណ្ឌិត CNY3,500។ លើសពីនេះ បេក្ខជននឹងទទួលបានថ្លៃធានារ៉ាប់រងសុខភាព CNY800 ក្នុងមួយឆ្នាំ និងថ្លៃសិក្សាភាសាចិន (ក្នុងករណីត្រូវការ)។

លក្ខខណ្ឌបេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យ ៖ ជាបេក្ខជនអន្តរជាតិដែលមិនមានសញ្ជាតិចិន, បេក្ខជនស្នើថ្នាក់បរិញ្ញាបត្រ មានអាយុក្រោម២៥ឆ្នាំ, មានសញ្ញាបត្រមធ្យមសិក្សាទុតិយភូមិ។ សម្រាប់បេក្ខជនស្នើថ្នាក់បរិញ្ញាបត្រជាន់ខ្ពស់មានអាយុក្រោម៣៥ឆ្នាំ, មានសញ្ញាបត្របរិញ្ញាបត្រ។ ថ្នាក់បណ្ឌិតមានអាយុក្រោម៤០ឆ្នាំ និងមានសញ្ញាបត្រថ្នាក់បរិញ្ញាបត្រ។ ជាមួយគ្នានេះ បេក្ខជនត្រូវមាន លិខិតបញ្ជាក់ភាសា HSK4-5 មានលិខិត IELTS6.5/TOEFL80 ។ បេក្ខជន ក៏ជាបុគ្គលដែលមានគោលបំណងត្រឡប់ទៅប្រទេសកំណើតវិញក្រោយបញ្ចប់ការសិក្សា និងមានបទពិសោធន៍សិក្សារយៈពេល២ឆ្នាំយ៉ាងតិច។

សម្រាប់ព័ត៌មានបន្ថែមអាចចូលទៅកាន់ https://www.chinesescholarshipcouncil.com/china-university-of-petroleum-csc-scholarship.html ៕