ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សុភមង្គលចាប់ផ្តើមពីរឿងរ៉ាវតូចតាច និងការប្រត្តិបត្តិត្រឹមត្រូវប្រចាំថ្ងៃតាមរយរយៈការពិនិត្យរបៀបរស់នៅដោយផាសុកភាព ការថែទាំសុខភាពផ្លូវកាយ និងចិត្ត ដែលមានសកម្មភាពសាមញ្ញៗមួយចំនួនដូចជា ការរៀបចំកន្លែងរស់នៅស្អាត ការគេងមានគុណភាព និងលំហាត់ប្រាណជាដើម។
១. ការរៀបចំ ៖ ដើម្បីរៀបចំកន្លែងរស់នៅឱ្យមានប្រសិទ្ធភាព និងភាពងាយស្រួល គឺចាប់ផ្តើមដោយការបោះបង់ ឬកម្ទេចចោលនូវរបស់ដែលមិនចាំបាច់ គឺជាចំណែកជួយឱ្យអារម្មណ៍ស្រស់ស្រាយ និងងាយស្រួលក្នុងការរស់នៅ ក៏ដូចជាការរក្សាទុកដាក់របស់ដែលសំខាន់ៗ។
២. ចូលគេងលឿន ៖ ចូលគេងបានលឿន ជាកត្តាជំរុញឱ្យដំណេកមានគុណភាព គេងលក់ស្កប់ស្កល់ ហើយមានតួនាទីពង្រឹងសុខភាពទូទៅ និងបង្កើនសុភមង្គល។ ហើយការចូលគេងបានលឿន ងាយស្រួលក្នុងការក្រោកលឿនដូចគ្នា! មិនត្រឹមតែប៉ុណ្ណោះ ការចូលគេងលឿនបានពង្រឹងសុខភាពខួរក្បាល ពង្រឹងប្រព័ន្ធភាពស៊ាំ និងជៀសវាង ឬបន្ថយអាការៈជំងឺរ៉ាំរ៉ៃ។
៣. ក្រោកពីគេងលឿន ៖ ក្រោកពីគេងលឿនដើម្បីបំពេញក្ដីស្រមៃ និងទៅកន្លែងដែលខ្លួនបានដាក់គោលដៅ បានរួមចំណែកជះឥទ្ធិពលទៅកាន់អារម្មណ៍វិជ្ជមាន។ មានការសិក្សាជាច្រើនបានបង្ហាញថា មនុស្សដែលមានទម្លាប់ក្រោកពីព្រលឹមមិនងាយនឹងរងឥទ្ធិពលពីជំងឺបាក់ទឹកចិត្តនោះទេ។ ភាពវិជ្ជមាននៃការក្រោកពីគេងលឿន មិនត្រឹមតែបង្កើនអារម្មណ៍ឱ្យស្រស់ស្រាយប៉ុណ្ណោះទេ ក្រោកពីគេងលឿនផ្តល់ឱកាសឱ្យបំពេញកិច្ចការដែលខ្លួនចង់ធ្វើជាច្រើនសម្រាប់ខ្លួនឯងក្នុងការធ្វើផែនការ ផឹកតែ ឬកាហ្វេជាដើម ដែលទាំងនេះហើយជាគន្លឹះក្នុងការកាត់បន្ថយស្រ្តេស។
៤. ស្រូបយកពន្លឺព្រះអាទិត្យពេកព្រឹកព្រលឹម ៖ ពន្លឺធ្វើឱ្យមនុស្សរីករាយ សមត្ថភាពរបស់ពន្លឺ បានដាស់ស្មារតីឱ្យភ្ញាក់ពីគេងដោយអារម្មណ៍ស្រស់ថ្លា និងការផ្សារភ្ជាប់ខ្លួនឯងជាមួយនឹងធម្មជាតិ។ បន្ថែមពីនោះ ពន្លឺបានផ្តល់នៅវិតាមីន D ដែលអាចជួយការពារស្បែកមិនឱ្យឆាប់ខូច និងកាត់បន្ថយស្រ្តេស។
៥. កំណត់គោលដៅមួយដោយមានការថ្លឹងថ្លែង ៖ ការកំណត់គោលដៅ គឺជាការផ្លាស់ប្តូរទម្លាប់មួយ ជួយឱ្យអារម្មណ៍ល្អប្រសើរ ចាប់ផ្តើមថ្ងៃថ្មីដោយការសរសេរគោលដៅមួយដែលមានភាពជាក់លាក់ និងអាចទៅរួច ដែលធ្វើយ៉ាងណាឱ្យស្ថិតនៅក្នុងដែនកំណត់មួយដែលខ្លួនអាចអនុវត្តន៍បាន៕
