ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីសប្តាហ៍កន្លងទៅនេះ គណៈប្រតិភូក្រសួងអប់រំ និងតំណាងគ្រឹះស្ថានឧត្តមសិក្សាសាធារណៈ និងឯកជន បានធ្វើទស្សនកិច្ចនៅទីក្រុងណានថុង ខេត្តជាំងស៊ូ ប្រទេសចិន ដើម្បីដកស្រង់បទពិសោធការអប់រំឧត្តមសិក្សា និងបច្ចេកវិទ្យា ក្នុងប្រទេសចិន ក៏ដូចជាពង្រឹងកិច្ចសហប្រតិបត្តិការក្នុងវិស័យអប់រំរវាងកម្ពុជា-ចិន។
ឯកឧត្តមបណ្ឌិត កុលផេង វឌ្ឍនា អនុរដ្ឋលេខាធិការ ក្រសួងអប់រំ យុវជន និងកីឡា ដែលដឹកនាំគណៈប្រតិភូកម្ពុជា មានប្រសាសន៍ថា ដំណើរទស្សនកិច្ចសិក្សានេះពិតជាបានផ្តល់នូវចំណេះដឹង និងបទពិសោធថ្មីៗជាច្រើន ជាពិសេសការប្រើប្រាស់បច្ចេកវិទ្យាក្នុងវិស័យអប់រំ ដែលជាទុនដ៏សំខាន់សម្រាប់ក្រុមការងារប្រើប្រាស់ដើម្បីបន្តអភិវឌ្ឍការងាររបស់ខ្លួនគាំទ្រដល់បេសកកម្មលើកកម្ពស់វិស័យអប់រំនៅកម្ពុជាឱ្យប្រសើរឡើង។
ក្នុងដំណើរទស្សនកិច្ចដែលផ្តើមពីថ្ងៃទី៨ ដល់ថ្ងៃទី១១ ខែធ្នូ ឆ្នាំ២០២៥ គណៈប្រតិភូក្រសួងអប់រំ និងតំណាងគ្រឹះស្ថានឧត្តមសិក្សាកម្ពុជា បានទៅទស្សនៈកិច្ចគ្រឹះស្ថានឧត្តមសិក្សាដ៏លេចធ្លោនៅក្នុងក្រុងណានថុង រួមមាន សាកលវិទ្យាល័យណានថុង (Nantong University) សាកលវិទ្យាល័យវិជ្ជាជីវៈណានថុង (Nantong Vocational University) និងវិទ្យាស្ថានបច្ចេកវិទ្យាវិស្វកម្មនាវាជាំងស៊ូ (Jiangsu Shipping Engineering Technology College) ព្រមទាំងបានទៅឃើញដោយផ្ទាល់នូវការអនុវត្តជាក់ស្ដែង ដើម្បីស្វែងយល់លម្អិតអំពីហេដ្ឋារចនាសម្ព័ន្ធ ការគ្រប់គ្រងប្រព័ន្ធអប់រំ និងកម្មវិធីសិក្សានានារបស់គ្រឹះស្ថានសិក្សាខាងលើ។
ឯកឧត្តមបណ្ឌិត កុលផេង វឌ្ឍនា បានថ្លែងអំណរគុណដល់រដ្ឋាភិបាលចិនដែលបានផ្ដល់ឱកាសដល់និស្សិតកម្ពុជាឆ្លើមទៅបន្តការសិក្សានៅប្រទេសចិន និងសូមស្វាគមន៍ដល់ការបង្កើនកិច្ចសហប្រតិបត្តិការក្នុងវិស័យអប់រំរវាងទីក្រុងណានថុង ប្រទេសចិន ជាមួយនឹងព្រះរាជាណាចក្រកម្ពុជា៕
