តួនាទី៧ចំណុចរបស់គ្រូបង្រៀននៅក្នុងយុគ្គសម័យទំនើប

ភ្នំពេញ – ជំងឺរាតត្បាតកូវីដ១៩ ជាសកលបានធ្វើឱ្យមានការបិទគ្រឹះស្ថានអប់រំយ៉ាងច្រើននៅជុំវិញពិភពលោក។ ហេតុការណ៍នេះ បណ្តាលឱ្យមានភាពតានតឹងចំពោះ សិស្ស ឪពុកម្តាយ និងគ្រូបង្រៀន។ នៅពេលដែលស្ថានការណ៍កាន់តែអាក្រក់ទៅៗ ចាំបាច់ត្រូវសម្រេចចិត្តផ្លាស់ប្តូរបរិយាកាសសិក្សា និងតួនាទីគ្រូបង្រៀន ដោយការប្រើប្រាស់បច្ចេកវិទ្យាវិញ។

តើគ្រូបង្រៀនសម័យទំនើបមានតួនាទីអ្វីខ្លះ?

បើតាមទស្សនាវដ្តីអនឡាញ The Freeman Online សព្វថ្ងៃនេះ គ្រូបង្រៀនមានតួនាទីខុសគ្នាបន្តិច មុនពេលមានការឆ្លងរីករាលដាលជំងឺកូវីដ១៩ ព្រោះគ្រូបង្រៀនមិនត្រឹមតែអប់រំ និងផ្តល់ចំណេះដឹងដល់សិស្សប៉ុណ្ណោះទេ តែតួនាទីគ្រូបង្រៀនយុគ្គសម័យទំនើបមានច្រើនជាងនេះ ដោយរួមមាន៖

ទី១. អ្នកគ្រប់គ្រង ៖ តាមពិតទៅគ្រូបង្រៀនមានតួនាទីក្នុងការគ្រប់គ្រងសកម្មភាពក្នុងថ្នាក់, លើសពីនេះ គ្រូបង្រៀនក៏ជាអ្នកសម្រេចចិត្តលើកិច្ចការអ្វីមួយដែលសិស្សគួរធ្វើ ក៏ដូចជាការដោះស្រាយសម្ភារៈបណ្តុះបណ្តាល ។ នៅពេលផ្តល់ចំណេះដឹងថ្មីៗដល់សិស្ស គ្រូត្រូវប្រើប្រាស់បទពិសោធន៍ និងសមត្ថភាព ក្នុងជួយជំរុញទឹកចិត្តសិស្ស ក្នុងការរៀនពីអ្វីដែលថ្មីៗ។

ទី២. អ្នកលើកទឹកចិត្ត ៖ នៅពេលដែលសិស្សជួបបញ្ហានៅក្នុងការសិក្សា គ្រូបង្រៀនមានតួនាទីសំខាន់ក្នុងការផ្តល់ជំនួយដល់ពួកគេ តាមរយៈការលើកទឹកចិត្ត ឬក៏អាចផ្តល់នូវតម្រុយបន្តិច។ ជាមួយគ្នានេះ នៅពេលសិស្សមិនដឹងថា ត្រូវនិយាយអ្វី ឬធ្វើអ្វីបន្ទាប់ គ្រូបង្រៀនក៏មានតួនាទីក្នុងការប្រាប់ពួកគេពីវិធីដែលត្រូវធ្វើផងដែរ។

ទី៣. ប្រភពចំណេះដឹង ៖ គ្រូបង្រៀន គឺជាប្រភពចំណេះដឹងសម្រាប់សិស្ស នៅពេលពួកគេត្រូវការជំនួយចាំបាច់ បើទោះបីជាប្រព័ន្ធអ៊ីនធឺណេត ត្រូវបានគេចាត់ទុកថា ជាលំហូរចំណេះដឹងដ៏ធំសម្បើមក៏ដោយ ប៉ុន្តែក៏មិនអាចជំនួសគ្រូនៅក្នុងថ្នាក់នោះទេ។

ទី៤. អ្នកវាយតម្លៃ ៖ ទិដ្ឋភាពសំខាន់មួយទៀតនៃទំនួលខុសត្រូវរបស់គ្រូបង្រៀន គឺត្រូវវាយតម្លៃស្ថានភាពសិក្សារបស់សិស្សខ្លួនជាប្រចាំ ។ គ្រូបង្រៀន ត្រូវតែផ្តល់មតិកែលម្អ និងផ្តល់ការកែតម្រូវសម្រាប់ភាពល្អរបស់សិស្ស ។ បច្ចេកទេសវាយតម្លៃប្រើដើម្បីយល់ថា តើសិស្សទទួលយកព័ត៌មានបានត្រឹមត្រូវឬអត់? ក្នុងពេលដំណាលគ្នា តួនាទីរបស់អ្នកវាយតម្លៃអនុញ្ញាតឱ្យគ្រូកែកំហុសរបស់សិស្ស។

ទី៥. អ្នកសម្របសម្រួល ៖ ការសម្របសម្រួល ប្រហែលជាតួនាទីដ៏សំខាន់ និងទាមទារបំផុតដែលគ្រូបង្រៀនត្រូវអនុវត្ត។ ជារឿយៗ ភាពជោគជ័យក្នុងការសិក្សារបស់សិស្ស គឺអាស្រ័យទៅលើការរៀបចំគុណភាពនៃសកម្មភាពបណ្តុះបណ្តាល។ នេះមានសារៈសំខាន់ណាស់សម្រាប់សិស្សចូលរៀននៅសាលា មហាវិទ្យាល័យ និងសាកលវិទ្យាល័យ ដើម្បីដើរតាមគន្លងជាក់លាក់មួយក្នុងការសិក្សារបស់ពួកគេ។ អ្នកសម្របសម្រួលផ្តល់ការណែនាំ និងបង្កើតគោលបំណងសិក្សា។ ហើយគ្រូជាអ្នករៀបចំ និងគ្រប់គ្រងដំណើរការទាំងអស់នៅក្នុងថ្នាក់រៀន។ ដូចនេះ គ្រូបង្រៀន តែងតែប្រមូលកិច្ចការដែលបានបញ្ចប់ និងផ្តល់មតិកែលម្អ។

ទី៦. អ្នកចូលរួម ៖ បរិយាកាសនៅក្នុងថ្នាក់រៀន ភាគច្រើនអាស្រ័យទៅលើអ្វីដែលគ្រូបង្រៀនធ្វើ និងរបៀបដែលសិស្សធ្វើ។ ជាឧទាហរណ៍ ដើម្បីបង្កើតបរិយាកាសមិត្តភាព និងផាសុកភាព គ្រូបង្រៀនអាចចូលរួមក្នុងសកម្មភាពជាមួយសិស្ស ប៉ុន្តែគ្រូបង្រៀនគួរតែចៀសវាងការបំពេញកិច្ចការបានល្អជាងសិស្សខ្លួន ការធ្វើបែបនេះ គឺដើម្បីអនុញ្ញាតឱ្យសិស្សបានបង្ហាញពីជំនាញ និងចំណេះដឹងរបស់ពួកគេ។

ទី៧. អ្នកណែនាំ ៖ សិស្សតែងតែត្រូវការដំបូន្មាន និងការណែនាំរបស់គ្រូជាចម្បង នៅពេលដែលពួកគេធ្វើការលើគម្រោងអ្វីមួយ ។ តួនាទីបែបនេះ គឺជាមធ្យោបាយដ៏ល្អបំផុតក្នុងការផ្តល់ឱ្យសិស្សម្នាក់ៗនូវការយកចិត្តទុកដាក់ដោយមិនបែងចែក ។ តាមរយៈការសិក្សាពីតម្រូវការសិក្សារបស់សិស្ស និងគម្លាតចំណេះដឹង គ្រូបង្រៀនអាចកែលម្អដំណើរការបណ្តុះបណ្តាលសម្រាប់ពួកគេបាន។ ទោះជាយ៉ាងណាក៏ដោយ វាជារឿងសំខាន់ដែលមិនត្រូវធ្វើឱ្យអ្នកសិក្សាពឹងផ្អែកខ្លាំងពេកលើជំនួយរបស់គ្រូនោះឡើយ ពោលគឺពួកគេគួរតែស្វ័យភាពដោយខ្លួនឯង៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course

ព័ត៌មានអាហារូបករណ៍, ព្រឹត្តិការណ៍

• 21/05/2024

ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...

វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសសិស្សចូលរៀនជំនាញ TVET ឥតគិតថ្លៃ ចំនួន៦៤០នាក់

ព័ត៌មានអាហារូបករណ៍, ព្រឹត្តិការណ៍

• 15/07/2025

វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋ កំពុងប្រកាសជ្រើសរើសសិស្សទាំងពីរភេទឱ្យចូលរៀនជំនាញវិជ្ជាជីវៈ និងបច្ចេកទេសដោយឥតគិតថ្លៃទៅលើជំនាញជាច្រើន ចំនួន ៦៤០នាក់

ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌាឆ្នាំសិក្សា ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 19/02/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗចំនួន១២៦ប្រទេសពីអាហារូបករណ៍រដ្ឋាភិបាលឥណ្ឌានៃកម្មវិធីអាហារូបករណ៍ ICCR ឆ្នាំសិក្សា២០២៤...

ឱកាសអាហារូបករណ៍ចំនួន១០០កន្លែង ៖ អាហារូបករណ៍ ចេន ហ្ស៊ី (Chen Zhi) ចាប់ផ្តើមបើកទទួលពាក្យហើយ

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្នុងរយៈពេលប្រាំពីរឆ្នាំកម្មវិធីរបស់ ព្រីនស៍ ហូលឌីង គ្រុប នឹងគាំទ្រដល់និស្សិតកម្ពុជាចំនួន ៤០០នាក់ ជាមួយនឹងការបរិច្ចាគដែលមានតម្លៃជាទឹកប្រាក់សរុបប្រមាណ ២ លានដុល្លារសហរដ្ឋអាមេរិក...

ឱកាសអាហារូបករណ៍ថ្នាក់បរិញ្ញាបត្ររង៤០កន្លែងនៅវិទ្យាស្ថាន N-Tech International ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/03/2023

វិទ្យស្ថាន N-Tech International ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្ររងចំនួន៤០កន្លែង នៅប្រទេសថៃឆ្នាំសិក្សា២០២៣-២០២៤ ។...

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០០កន្លែងនៅសាកលវិទ្យាល័យកម្ពុជា សម្រាប់ឆ្នាំសិក្សា២០២៣-២០២៨

ព័ត៌មានអាហារូបករណ៍, ព្រឹត្តិការណ៍

• 03/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យកម្ពុជាចំនួន២០០កន្លែងសម្រាប់ឆ្នាំសិក្សា២០២៣-២០២៨ ។ អាហារូបករណ៍សិក្សាស្ថិតក្រោមកម្មវិធី អាហារូប......

វិទ្យាស្ថានបច្ចេកវិទ្យាកំពង់ឈើទាលជ្រើសរើសនិស្សិតអាហារូបករណ៍ទៅសិក្សានៅប្រទេសថៃ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 05/12/2024

វិទ្យាស្ថានបច្ចេកវិទ្យាកំពង់ឈើទាល ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន

ស.ស.យ.ក រាជធានីភ្នំពេញផ្ដល់អាហារូបករណ៍ ១០០% ចំនួន៥៩កន្លែង នៅសាកលវិទ្យាល័យចំនួនប្រាំ

ព័ត៌មានអាហារូបករណ៍, ព្រឹត្តិការណ៍

• 26/08/2025

ដើម្បីចូលរួមចំណែកលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស ឆ្នាំសិក្សា២០២៥-២០២៦ សហភាពសហព័ន្ធយុវជនកម្ពុជារាជធានីភ្នំពេញ បានប្រកាសផ្ដល់អាហារូបករណ៍១០០%ចំនួន៥៩កន្លែង និងអាហារូបករណ៍៥០% មិនកំណត់ចំនួន...

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 14/12/2023

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។