ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាធារណរដ្ឋប្រជាមានិតចិនចំនួន៨០កន្លែង ពីគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិត ដែលផ្ដល់ជូនតាមរយៈ សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី សម្រាប់ឆ្នាំសិក្សា២០២៥-២០២៦។
អាហារូបករណ៍នឹងផ្ដល់ជូនដល់សិស្សចំនួន៣៨កន្លែង លើថ្លៃសិក្សា កន្លែងស្នាក់នៅ និងប្រាក់ឧបត្ថម្ភប្រចាំ និងផ្ដល់ជូន ៤២កន្លែង លើថ្លៃសិក្សា និងកន្លែងស្នាក់នៅ។ ដោយឡែក សំបុត្រយន្តហោះ និងចំណាយផ្សេងៗជាបន្ទុករបស់និស្សិតដែលជាប់អាហារូបករណ៍ទៅសិក្សាដោយខ្លួនឯង។
លក្ខខណ្ឌសម្រាប់ស្នើសុំអាហារូបករណ៌ ៖ សម្រាប់ថ្នាក់បរិញ្ញាបត្រ បេក្ខជនទាំងពីរភេទត្រូវមានសញ្ជាតិខ្មែរ មានសុខភាពល្អ និងសតិបញ្ញាល្អ អាយុក្រោម២៥ឆ្នាំ (គិតត្រឹមថ្ងៃដាក់ពាក្យ) មានចំណេះដឹងភាសាអង់គ្លេស ឬភាសាចិនល្អ (ការចុះឈ្មោះមិនទាមទារឯកសារបញ្ជាក់សមត្ថភាពភាសា) អាចជ្រើសរើសជំនាញយ៉ាងច្រើនបាន៣ជំនាញ។ ជាមួយគ្នានេះ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ មានព្រឹត្តិបត្តិពិន្ទុថ្នាក់ទី១០, ១១ និង១២ និងមានសំណេរស្ដីពីផែនការសម្រេចចិត្តទៅបន្តការសិក្សានៅសាធារណរដ្ឋប្រជាមានិតចិន ជាភាសាខ្មែរ ឬជាអង់គ្លេសដោយប្រើពុម្ពអក្សរ Khmer OS Siemreap ទំហំ១២pt ចំនួន២-៣ទំព័រ (ឯកសារទាំងអស់ត្រូវរៀបជា File.PDF)។
សម្រាប់ថ្នាក់បរិញ្ញាបត្រជាន់ខ្ពស់ បេក្ខជនទាំងពីរភេទ ត្រូវមានសញ្ជាតិខ្មែរ មានសុខភាពល្អ និងសតិបញ្ញាល្អ អាយុក្រោម៣៥ឆ្នាំ (គិតត្រឹមថ្ងៃដាក់ពាក្យ) មានចំណេះដឹងភាសាអង់គ្លេស ឬភាសាចិនល្អ (ការចុះឈ្មោះមិនទាមទារឯកសារបញ្ជាក់សមត្ថភាពភាសា) អាចជ្រើសរើសជំនាញយ៉ាងច្រើនបាន៣ជំនាញ។ ជាមួយគ្នានេះ មានសញ្ញាបត្រថ្នាក់បរិញ្ញាបត្រ ឬសញ្ញាបត្រមានតម្លៃស្មើ មានព្រឹត្តិបត្តិពិន្ទុទាំងបួនឆ្នាំនៃថ្នាក់បរិញ្ញាបត្រ និងមាន Writing Research Proposal ជាភាសាអង់គ្លេស ឬចិន (ឯកសារទាំងអស់ត្រូវរៀបជា File.PDF)។
គួរបញ្ជាក់ថា បេក្ខជនស្នើទាំងពីរថ្នាក់ដែលមានឯកសារបញ្ជាក់សមត្ថភាពភាសាអង់គ្លេស IELTS ឬ ភាសាចិនHSK សូមភ្ជាប់ជាមួយ និងរៀបចំជា File.PDF។
បេក្ខជនដែលមានបំណងស្នើពាក្យ អាចទៅស្នើសុំចុះឈ្មោះនៅ ស្នាក់ការអាហារូបករណ៍ ដែលមានអាសយដ្ឋាន ផ្ទះលេខ៤ ផ្លូវលេខ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ នៅរៀងរាល់ម៉ោងធ្វើការពីថ្ងៃចន្ទ-អាទិត្យ ម៉ោង៨ព្រឹក-១២ថ្ងៃត្រង់ និងម៉ោង២-៥រសៀល។ បេក្ខជនត្រូវភ្ជាប់មកជាមួយឯកសារដែលបញ្ជាក់ក្នុងលក្ខខណ្ឌសម្រាប់ស្នើសុំចុះឈ្មោះ និងភ្ជាប់ជាមួយកុំព្យូទ័រ ឬទូរស័ព្ទឆ្លាតវែ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣១ ខែធ្នូ ឆ្នាំ២០២៤ ម៉ោង៥:០០រសៀល៕
