ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ថ្មីៗនេះក្រុមហ៊ុន Meta ដែលជាក្រុមហ៊ុនមេគ្រប់គ្រងបណ្ដាញ ដូចជា សង្គមហ្វេសប៊ុក (Facebook) អ៊ីនស្ត្រាក្រាម (Instagram) វ៉ាស់អេប (WhatsApp) បានដាក់ឱ្យដំណើរការ Meta AI សារជាថ្មី ដោយកម្មវិធីនេះអនុញ្ញាតឱ្យអ្នកប្រើប្រាស់បង្កើតរូបភាពតាមក្តីស្រមៃរបស់ខ្លួនបានដោយឥតគិតថ្លៃ ។ នេះបើតាមអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបញ្ជាក់ថា បច្ចុប្បន្នប្រទេសកម្ពុជាគេហទំព័របង្កើតរូបសិប្បនិម្មិត (Meta AI) នេះមិនទាន់អាចប្រើប្រាស់បានជាទូទៅនៅឡើយ ។
ដើម្បីអាចប្រើប្រាស់រូបភាពជាមួយ Meta AI អ្នកប្រើប្រាស់អាចសាកល្បងវិធីសាស្ត្រមួយចំនួនដូចជា ប្រើប្រាស់កម្មវិធី VPN ឬប្រើប្រាស់ Browse Brave, និងChrome ដោយតំឡើង extensions VPN free ណាមួយដែលអ្នកទុកចិត្ត (អ្នកប្រើប្រាស់អាចសាកល្បងប្រើ “Browse VPN – Free VPN for Chrome”) រួចបើកដំណើរការ VPN ដើម្បីប្តូរ IP ទៅប្រទេសមួយចំនួន ដូចជា United States ឬប្រទេសដែលក្រុមហ៊ុន Meta អនុញ្ញាត ។
ជំហានមួយទៀត អ្នកប្រើប្រាស់អាចចូលទៅកាន់គេហទំព័រ Meta IA តាមរយៈតំណភ្ជាប់ https://imagine.meta.com បន្ទាប់មកបង្កើតគណនីថ្មី ឬជាមួយគណនីហ្វេសប៊ុករបស់អ្នកប្រើប្រាស់ ។ បន្ទាប់មកវាយបញ្ចូលពាក្យ ឬឃ្លានៃក្តីស្រមៃរបស់អ្នកប្រើប្រាស់ រួចចុច “Generate” នោះអ្នកប្រើនឹងទទួលបានរូបភាពសិប្បនិម្មិតតាមក្តីស្រមៃ និងអាចទាយយកមកប្រើប្រាស់បាន ។
កន្លងទៅលោក Mark Zuckerberg នាយកប្រតិបត្តិក្រុមហ៊ុន Meta ធ្លាប់លើកឡើងថា ក្រុមហ៊ុនកំពុងបង្កើតក្រុមផលិតកម្រិតកំពូលថ្មីមួយនៅ Meta ដែលក្រុមការងារថ្មីនេះ ធ្វើការងារផ្តោតលើការអភិវឌ្ឍន៍បច្ចេកវិទ្យា AI ជំនាន់ថ្មី ដើម្បីជំរុញការងាររបស់ពួកគេឱ្យកាន់តែខ្លាំងនៅក្នុងឧស្សាហកម្មបច្ចេកវិទ្យា ។ ក្រុមហ៊ុនបានសំឡឹងមើលទៅលើការបង្កើត AI personas ដែលអាចជួយមនុស្សតាមវិធីផ្សេងៗពីគ្នា ។
គួរបញ្ជាក់ថា បច្ចេកវិទ្យា Artificial intelligence (AI) នេះអាចផ្ដល់អត្ថប្រយោជន៍ដល់អ្នកប្រើប្រាស់ ប៉ុន្តែក៏ផ្ដល់ហានិភ័យជាច្រើនដល់បុគ្គល និងសង្គមទាំងមូលផងដែរ ប្រសិនបើអ្នកប្រើមិនបានពិចារណាឱ្យបានហ្មត់ចត់ពីរបៀបប្រើប្រាស់ ។ ទន្ទឹមគ្នានេះ អ្នកប្រើប្រាស់ AI ទាំងអស់ ត្រូវប្រើប្រាស់កម្មវិធីបច្ចេកវិទ្យានីមួយៗប្រកបដោយក្រមសីលធម៌ ការទទួលខុសត្រូវ និងមានការប្រុងប្រយ័ត្នខ្ពស់ ៕
