ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានសិក្សាអន្តរជាតិ និងគោលនយោបាយសាធារណៈ (វសនប) នៃសាកលវិទ្យាល័យភូមិន្ទភ្នំពេញ ពីកម្មវិធីអាហារូបករណ៍និស្សិតឆ្នើមសាកលវិទ្យាធិការ។ អាហារូបករណ៍ផ្ដល់ជូនថ្លៃសិក្សា១០០% សម្រាប់រយៈពេលលសិក្សា៤ឆ្នាំ។
ជំនាញដែលនិស្សិតអាចជ្រើសរើសសម្រាប់សិក្សាមាន ទំនាក់ទំនងអន្តរជាតិ, សេដ្ឋកិច្ច, វិទ្យាសាស្ត្រនយោបាយ និងរដ្ឋបាលសាធារណៈ។
លក្ខខណ្ឌនៃការជ្រើសរើស ៖ បេក្ខជនត្រូវ មានសញ្ជាតិខ្មែរ មានសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣ដែលមាននិទ្ទេសរួម A ឬ B, បានប្រឡងជាប់ជានិស្សិតចូលរៀនថ្នាក់ឆ្នាំសិក្សាមូលដ្ឋានរបស់ វសនប ។ ជាមួយគ្នានេះ ជានិស្សិតដែលខ្វះខាតផ្នែកហិរញ្ញវត្ថុពិតប្រាកដក្នុងការបន្តការសិក្សាកម្រិតឧត្ដមសិក្សា (មានបណ្ណក្រីក្របញ្ជាក់ពីអាជ្ញាធរនៅពេលបានប្រឡងជាប់ជាស្ថាពរ) មិនទទួលបានអាហារូបករណ៍ផ្សេង និងត្រូវទទួលបន្ទុកបង់សេវារដ្ឋបាល សម្ភារៈសិក្សាផ្សេៗដោយខ្លួនឯង។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ដូចជា អាហារូបករណ៍ថ្លៃសិក្សា១០០%រយៈពេលសិក្សា៤ឆ្នាំ មានឱកាសក្នុងការបញ្ជូនទៅចូលរួមក្នុងកម្មវិធី និងព្រឹត្តិការណ៍នានាក្នុង និងក្រៅប្រទេស។ ឱកាសហ្វឹកហាត់ការងារជាមួយក្រុមការងាររបស់ដេប៉ាតឺម៉ង់ និងមជ្ឈមណ្ឌលស្រាវជ្រាវនានារបស់ វសនប និងឱកាសអភិវឌ្ឍបំណិនជាអ្នកដឹកនាំ និងឱកាសធ្វើជាតំណាងនិស្សិតរបស់ វសនប។ គួរបញ្ជាក់ដែរថា បេក្ខជនត្រូវទទួលបានពិន្ទុសរុបមធ្យមមិនក្រោម៨០% ក្នុងឆ្នាំសិក្សានីមួយៗសម្រាប់អាហារូបករណ៍បន្តការសិក្សា។
សម្រាប់ព័ត៌មានបន្ថែមអាចទំនាក់ទំនងទៅកាន់ https://t.me/iisppinfo ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែធ្នូ ឆ្នាំ២០២៣៕
