ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈ កម្មវិធីអាហារូបករណ៍សិល្បៈអមតៈ អាន ចនផន កំពុងប្រកាសជ្រើសរើសបេក្ខជន បេក្ខនារី ឱ្យទទួលបានឱកាសអាហារូបករណ៍សាច់ប្រាក់ចំនួន១៥០០ដុល្លារក្នុងមួយឆ្នាំ។ អាហារូបករណ៍ផ្ដល់ជូនសម្រាប់ការសិក្សាអភិវឌ្ឍន៍ជំនាញសិល្បៈ និងអភិវឌ្ឍន៍ជំនាញមិនមែនសិល្បៈ។
លក្ខខណ្ឌសម្រាប់បេក្ខជន ៖ មានអាយុយ៉ាងតិច១៨ឆ្នាំ ជាពលរដ្ឋកម្ពុជា និងកំពុងរស់នៅក្នុងប្រទេសកម្ពុជា បានរៀនជំនាញសិល្បៈវប្បធម៌ណាមួយយ៉ាងតិច ៣ឆ្នាំ ឬធ្វើការនៅក្នុងវិស័យសិល្បៈវប្បធម៌យ៉ាងតិច៣ឆ្នាំ។ ជាមួយគ្នានេះ បេក្ខជន មានគោលបំណង និងឆន្ទៈអភិវឌ្ឍជំនាញសិល្បៈ និងអាជីពរបស់ខ្លួននៅក្នុងវិស័យសិល្បៈវប្បធម៌ឱ្យឈានទៅរកកម្រិតអាជីព និងមានពេលគ្រប់គ្រាន់ចូលរួមកម្មវិធីតាមកាលបរិច្ឆេទទាំងអស់ដែលបានកំណត់របស់កម្មវិធីអាហារូបករណ៍។
អាហារូបករណ៍នឹងផ្ដល់ជូនចំនួន១០កន្លែង ដោយ៥កន្លែងផ្ដល់អាទិភាពសម្រាប់ស្ត្រី។ បេក្ខជនជ័យលាភីដែលបានជ្រើសរើសទាំង១០រូប នឹងត្រូវបានជ្រើសរើស ដើម្បីចូលរួមនៅក្នុងកម្មវិធី ដែលមានរយៈពេល១២ខែ (ចាប់ពីខែតុលា ឆ្នាំ២០២៥ ដល់ខែកញ្ញា ឆ្នាំ២០២៦) ហើយនឹងបន្តទៅឆ្នាំបន្ទាប់ប្រសិនបើទទួលបានអាហារូបករណ៍លើសពីមួយឆ្នាំ។
ដើម្បីធ្វើការដាក់ពាក្យ បេក្ខជនត្រូវបំពេញព័ត៌មានរបស់ខ្លួន ដោយឆ្លើយសំណួរនៅក្នុង «ទម្រង់ពាក្យស្នើសុំ» និងដាក់ស្នើឱ្យបានមុនថ្ងៃទី៣១ ខែឧសភា ឆ្នាំ២០២៥ តាមរយៈមធ្យោយណាមួយក្រោមទម្រង់បីរួមមាន តាមរយៈ ការផ្ញើ Email ទៅកាន់លោក ឥន្ទ សម៉ាណាក់ sormanak@camodianlivingarts.org ឬតាមរយៈ Telegram: 010 941 224 ឬអាចទៅដាក់ពាក្យផ្ទាល់នៅការិយាល័យអង្គការសិល្បៈខ្មែរអមតៈនៅ ផ្ទះលេខ ១៣E ផ្លូវលេខ ៨៣០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សម្រាប់ព័ត៌មានបន្ថែមអាចទំនាក់ទំនងទៅកាន់ ០១០ ៩៤១ ២២៤៕
