ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិតអន្តរជាតិចំនួន២០នាក់ ឱ្យទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញសម្រាប់មួយចប់ម្មវិធីសិក្សាថ្នាក់បរិញ្ញាបត្រ។
លក្ខខណ្ឌនៃបេក្ខជនដាក់ពាក្យ ៖ ជានិស្សិតអន្តរជាតិគ្រប់ជាតិសាសន៍, សិស្សនឹងទទួលបានឱកាសបន្តការសិក្សារយៈពេល៤ឆ្នាំបើសិនមានពិន្ទុGPA ៣.០ឡើងទៅ(ក្នុងឆ្នាំសិក្សានីមួយៗ), មានពេលវេលាគ្រប់គ្រាន់សម្រាប់សិក្សាថ្នាក់បរិញ្ញាបត្រ និងជានិស្សិតដែលមានប្រវត្តិសិក្សាល្អ និងគោរពតាមច្បាប់សាកលវិទ្យាល័យ។
ដើម្បីធ្វើការដាក់ពាក្យ បេក្ខជន បេក្ខនារីត្រូវដាក់ពាក្យសុំ Common Application ឬ Coalition Application។ ជាមួយគ្នានេះ បេក្ខជនត្រូវបំពេញអត្ថបទ Trustee Scholarship ៦០០ពាក្យ ឬតិចជាង និងភ្ជាប់ប្រតិចារិក លិខិតអនុសាសន៍ និងពិន្ទុតេស្តភាសាអង់គ្លេស។
ដើម្បីឱ្យការដាក់ពាក្យកាន់តែមានប្រសិទ្ធភាព បេក្ខជនគួរតែជ្រើសរើសប្រធានបទណាដែលល្អបំផុតក្នុងការបង្ហាញពីចំណង់ចំណូលចិត្តរបស់អ្នកក្នុងការសិក្សា ហើយនៅក្នុងសំណេរតែងសេចក្ដីពុំគួរមានកំហុសឡើយ។ លើសពីនេះ បុគ្គលដែលជាអ្នកណែនាំ គួរជាថ្នាក់ដឹកនាំនៅកន្លែងការងារ ឬសាស្ត្រាចារ្យ ឬលោកគ្រូអ្នកគ្រូនៅថ្នាក់វិទ្យាល័យ។
សម្រាប់ព័ត៌មានបន្ថែម អាចចូលទៅកាន់ https://www.bu.edu/admissions/ ដើម្បីដាក់ពាក្យ បេក្ខជនអាចចូលទៅកាន់ https://www.bu.edu/admissions/apply/ ។ អាហារូបករណ៍នឹងចាប់ផ្ដើមទទួលពាក្យពីថ្ងៃទី១ ខែធ្នូ ឆ្នាំ២០២៥ តទៅ៕
