ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អង្គការសកម្មភាពដើម្បីកុមារ (APLE) ដែលជាអង្គការការពារកុមារក្នុងប្រទេសកម្ពុជា បានបង្ហាញពីតួអង្គពាក់ព័ន្ធទាំង៦ ដើម្បីចូលរួមលើកកម្ពស់សុវត្ថិភាពកុមារតាមប្រព័ន្ធអ៊ីនធឺណិត ។ ការលើកឡើងនេះ ស្របទៅនឹងយុទ្ធនាការទិវាអន្តរជាតិដើម្បីសុវត្ថិភាពអ៊ីនធើណេតឆ្នាំ២០២២ ដែលនឹងប្រារព្ធទៅនាថ្ងៃទី០៨ ខែកុម្ភៈ ឆ្នាំ២០២២ ខាងមុន ក្រោមប្រធានបទ “រួមគ្នាលើកកម្ពស់ ការពារ និងគោរពសិទ្ធិកុមារតាមរយៈការប្រើប្រាស់ប្រព័ន្ធអនឡាញប្រកបដោយការទទួលខុសត្រូវ” នៅវិទ្យាស្ថានជាតិអប់រំ រាជធានីភ្នំពេញ ។
អង្គការ APLE កម្ពុជា បានឱ្យដឹងថា ការប្រើប្រាស់ប្រព័ន្ធឌីជីថល បច្ចេកវិទ្យាព័ត៌មាន និងទំនាក់ទំនងប្រកបដោយទំនួលខុសត្រូវ សេចក្តីគោរព ការគិតពិចារណា និងភាពច្នៃប្រតិដ្ឋ ជាការចូលរួមលើកកម្ពស់សុវត្ថិភាពសម្រាប់កុមារ និងយុវជនវ័យក្មេង ។ ទន្ទឹមគ្នានេះ ព្រមភាគីពាក់ព័ន្ធទាំងអស់គ្នាសុទ្ធតែអាចចូលរួមយ៉ាងសកម្មក្នុងការបង្កើតឱ្យមានសក្តានុពលខ្ពស់បំផុតនៃការប្រើប្រាស់អ៊ីនធឺណិត ។
១. កុមារ និងយុវជនវ័យក្មេង ៖ អាចជួយធ្វើឱ្យអ៊ីនធឺណិតកាន់តែល្អប្រសើរជាងមុនតាមរយៈឥរិយាបថរស់នៅផ្ទាល់ខ្លួនវិជ្ជមាន មានសណ្តានចិត្តល្អ និងការគោរពអ្នកដទៃតាមអ៊ីនធឺណិតដោយសំដៅការពារកេរ្តិ៍ឈ្មោះខ្លួនឯងនិងអ្នកដទៃ និងដោយស្វែងរកឱកាសវិជ្ជមានក្នុងការបង្កើតចូលរួម ព្រមទាំងចែករំលែកតាមអ៊ីនធឺណិត ។ កុមារ និងយុវជនវ័យ ត្រូវត្រួតពិនិត្យនិងវាយតម្លៃប្រភពព័ត៌មាន ដើម្បីប្រាកដថាព័ត៌មានទាំងនោះត្រឹមត្រូវ និងអាចជឿជាក់បាន ។ ម្យ៉ាងវិញទៀតត្រូវចងចាំថា មិនត្រូវចែកចាយព័ត៌មានផ្ទាល់ខ្លួន ឬព័ត៌មានឯកជនតាមអនឡាញ ហើយត្រូវប្រឹក្សាស្វែងរកជំនួយពីឪពុកម្តាយ ឬមនុស្សធំប្រសិនបើមានការសង្ស័យ ឬជួបប្រទះបញ្ហាណាមួយតាមអនឡាញ ។
២. ឪពុកម្តាយ និងអ្នកថែទាំកុមារ ៖ ដើរតួនាទីយ៉ាងសំខាន់ក្នុងការផ្តល់អំណាច និងគាំទ្រដល់កុមារក្នុងការប្រើប្រាស់បច្ចេកវិទ្យាប្រកបដោយទំនួលខុសត្រូវការគោរព និងរិះរកគំនិតច្នៃប្រឌិតដើម្បីធានាឱ្យមានការសន្ទនាដោយបើកចំហជាមួយកូនៗ ។ ឪពុកម្តាយ និងអ្នកថែទាំអាចអប់រំកូនៗឱ្យប្រើប្រាស់បច្ចេកវិទ្យាប្រកបដោយសុវត្ថិភាព និងវិជ្ជមាន ឬដោយដើរតួជាគំរូក្នុងការប្រើប្រាស់ប្រព័ន្ធឌីជីថល ។ ជាងនេះទៅទៀតឪពុកម្តាយក៏ត្រូវណែនាំកូនៗជាប្រចាំអំពីការប្រើប្រាស់អ៊ីនធឺណិតរបស់ពួកគេ ស្តាប់ពីបញ្ហារបស់ពួកគេ និងមិនគួរស្តីបន្ទោសពួកគេឡើយ។
៣. គ្រូបង្រៀន អ្នកអប់រំ និងអ្នកធ្វើការផ្នែកសង្គម ៖ អាចធ្វើឱ្យអ៊ីនធើណិតកាន់តែល្អប្រសើរជាងមុន តាមរយៈការបង្ហាត់បង្ហាញសិស្ស និងនិស្សិតនូវជំនាញអក្ខរកម្មឌីជីថល និងតាមរយៈការអភិវឌ្ឍជំនាញក្នុងការគិតត្រិះរិះពិចារណា ដែលជំនាញទាំងនេះនឹងធ្វើឱ្យសិស្ស-និស្សិតអាចទាញយកប្រយោជន៍ពីពិភពអ៊ីនធឺណិតបានប្រសើរជាងមុន ។ លើសពីនេះ ពួកគេក៏អាចចូលរួមធ្វើការលើកកម្ពស់ការយល់ដឹងពីឥរិយាបទវិជ្ជមានតាមប្រព័ន្ធអនឡាញដល់មិត្តសិស្ស និស្សិតរបស់ពួកគេផងដែរ ។
៤. ឧស្សាហកម្មអ៊ីនធឺណិត ៖ អាចជួយធ្វើឱ្យអ៊ីនធឺណិតបានកាន់តែល្អប្រសើរជាងមុន ដោយបង្កើតនិងផ្សព្វផ្សាយមាតិកាបែបវិជ្ជមាន និងសេវាកម្មតាមអ៊ីនធឺណិតបានប្រកបដោយសុវត្ថិភាពតាមរយៈការផ្តល់សិទ្ធិអំណាចដល់អ្នកប្រើប្រាស់ក្នុងការឆ្លើយតបទៅនឹងបញ្ហាណាមួយដោយការផ្តល់ដំបូន្មានច្បាស់លាស់ពីឧបករណ៍ ឬមធ្យោបាយតាមអ៊ីនធឺណិតដែលមានសុវត្ថិភាព និងងាយស្រួលប្រើ ។ ពិសេសផ្តល់ការគាំទ្រភ្លាមៗ ប្រសិនបើមានបញ្ហាកើតឡើង ។
៥. អ្នកធ្វើសេចក្តីសម្រេចចិត្ត និងអ្នកនយោបាយ ៖ អាចជួយធ្វើឱ្យអ៊ីនធឺណិតកាន់តែល្អប្រសើរជាងមុន តាមរយៈការធានាឱ្យមានការបង្រៀនអំពីសុវត្ថិភាពតាមអ៊ីនធឺណិតក្នុងកម្មវិធីសិក្សាសម្រាប់កុមារនិងយុវជន និងតាមរយៈការគ្រប់គ្រង និងអភិបាលកិច្ចលើឧស្សាហកម្មអ៊ីនធើណិត ព្រមទាំងការបង្កើតឱ្យមានច្បាប់គ្រប់គ្រាន់ដើម្បីរក្សាសុវត្ថិភាព និងសន្តិសុខរបស់អ្នកប្រើប្រាស់សេវាអ៊ីនធឺណិត ។
៦. មនុស្សគ្រប់រូប ៖ មានទំនួលខុសត្រូវផ្សេងៗគ្នាដើម្បីធ្វើឱ្យអ៊ីនធឺណិតកាន់តែមានសុវត្ថិភាព ។ បុគ្គលគ្រប់រូបអាចលើកកម្ពស់ភាពវិជ្ជមាននៃការប្រើប្រាស់បច្ចេកវិទ្យាអ៊ីនធឺណិតដោយការគោរពគ្នាទៅវិញទៅមក ។ បុគ្គលគ្រប់រូបក៏អាចឆ្លើយតបទៅនឹងភាពអវិជ្ជមានតាមប្រព័ន្ធអនឡាញ ដោយការចូលរួមរាយការណ៍អំពីខ្លឹមសារ ឬមាតិកា និងអាកប្បកិរិយាមិនសមរម្យ ឬខុសច្បាប់ទាំងនោះផងដែរ ។
សូមជម្រាបថា នៅក្នុងគោលដៅបង្ការ ទប់ស្កាត់ និងឆ្លើយតបអំពើកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ រាជរដ្ឋាភិបាលកម្ពុជាតាមរយៈក្រសួង-ស្ថាប័នពាក់ព័ន្ធ បានផ្តួចផ្តើមអភិវឌ្ឍន៍គោលនយោបាយ ក្របខណ្ឌច្បាប់ យុទ្ធសាស្រ្ត និងផែនការសកម្មភាពសំខាន់ៗជាបន្តបន្ទាប់ ។ ការសិក្សាស្រាវជ្រាវ ការអប់រំផ្សព្វផ្សាយ ការលើកកម្ពស់ការយល់ដឹង និងការបណ្តុះបណ្តាលលើប្រធានបទពាក់ព័ន្ធបានរៀបចំឡើង និងកំពុងបន្តដំណើរការយ៉ាងសកម្មក្នុងន័យបង្ហាញពីការយកចិត្តទុកដាក់ និងទប់ស្កាត់កេងប្រវ័ញ្ចផ្លូវភេទលើកុមារតាមប្រព័ន្ធអនឡាញ ។
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សម្រាប់សិស្សនារី ដែលមានបំណងបន្តការសិក្សាថ្នាក់ឧត្តមសិក្សានៅរាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 30/05/2024
មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្សនារីដែលរស់នៅតាមបណ្តាខេត្តដែលកំពុងសិក្សា...
អាហារូបករណ៍ថ្នាក់វេជ្ជបណ្ឌិតវេជ្ជសាស្ត្រសិក្សានៅសាធារណរដ្ឋគូបាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 29/06/2023
ក្រសួងអប់រំ យុវជន និងកីឡាប្រកាសដំណឹងជ្រើសរើសនិស្សិតសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគូបាចំនួន០១កន្លែងសម្រាប់ឆ្នាំសិក្សា២០២៣-២០២៤ ។...
អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 22/07/2025
សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។
អាហារូបករណ៍ជំនាញព័ត៌មានវិទ្យា ៥០កន្លែងនៅវិទ្យាស្ថាន NTTI
ព័ត៌មានអាហារូបករណ៍, ព្រឹត្តិការណ៍
• 14/10/2025
វិទ្យាស្ថានជាតិបណ្តុះបណ្តាលបច្ចេកទេស ហៅកាត់ថា NTTI បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ក្នុងឆ្នាំសិក្សា២០២៥-២០២៦
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាធារណរដ្ឋសង្គមនិយមវៀតណាម ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 15/05/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាធារណរដ្ឋ...
CGTI កម្ពុជាផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែងសម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 13/01/2023
វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ហៅកាត់ថា CGTI បានប្រកាសផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែង...
ឱកាសសិក្សាអាហារូបករណ៍ថ្នាក់ឧត្ដមសិក្សាពីអាហារូបករណ៍ Lindenwood University Scholarship 2026
ព័ត៌មានអាហារូបករណ៍, ព្រឹត្តិការណ៍
• 29/07/2025
កម្មវិធីអាហារូបករណ៍ Lindenwood University 2026 កំពុងបើកទទួលពាក្យអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Lindenwood សម្រាប់និស្សិតអន្តរជាតិ ក្នុងឆ្នាំសិក្សា២០២៦ នៅសហរដ្ឋអាមេរិក។
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋប្រជាមានិតចិន ក្រោមកម្មវិធី MOFCOM
ព័ត៌មានអាហារូបករណ៍, ព្រឹត្តិការណ៍
• 06/05/2024
សម្រាប់ឆ្នាំ២០២៤នេះ កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍ជាច្រើនកន្លែងសម្រាប់ថ្នាក់បរិញ្ញាបត្រជាន់ខ្ពស់ សិក្សារយៈពេល១-២ឆ្នាំ និងថ្នាក់បណ្ឌិត សិក្សារយៈពេល៣ឆ្នាំ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Muhammadiyah Surakarta ប្រទេសឥណ្ឌូនេស៊ីឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 09/06/2023
កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
អ្នកនាំពាក្យ ៖ និស្សិតកម្ពុជាជាង២០០នាក់ កំពុងចុះកម្មសិក្សានៅអ៊ីស្រាអ៊ែល មានសុវត្ថិភាព ខណៈនិស្សិត ៤នាក់ជាប់គាំងនៅឌូបៃ
ក្រសួងអប់រំ បន្តយកចិត្តទុកដាក់គាំទ្របេក្ខជនបាក់ឌុបនៅខេត្តជាប់ព្រំដែន ដើម្បីធានាការប្រឡងប្រព្រឹត្តទៅដោយរលូន សុវត្ថិភាព និងយុត្តិធម៌
