វិទ្យាស្ថានពហុបច្ចេកទេស​ខេត្ត​បន្ទាយមានជ័យ បានប្រកាសផ្តល់អាហារូបករណ៍​ចំនួន ៩៩០កន្លែង សម្រាប់ការ​សិក្សាជំនាញបច្ចេកទេស និងវិជ្ជាជីវៈ ដោយ​ឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និង​ជនចំណាកស្រុក​ដែល​មក​ពី​គ្រួសារក្រីក្រ និងគ្រួសារងាយរងហានិភ័យ។

ជំនាញដែលត្រូវផ្តល់ជូន​រួមមាន ៖ ការតម្លើង​បណ្តាញ​អគ្គិសនី​ក្នុងអគារ ចំនួន៩០នាក់, ការថែទាំ និង​ជួសជុលរថយន្ត ចំនួន ៩០នាក់, សេវាកម្មកុំព្យូទ័រ ចំនួន៩០នាក់, ការងារការ៉ូ ចំនួន ៩០នាក់, ការតម្លើងបណ្តាញ​បំពង់ទឹក ចំនួន៩០នាក់, ការថែទាំ និង​ជួសជុលម៉ាស៊ីន​ត្រជាក់រថយន្ត ចំនួន៩០នាក់, ការរចនាក្រាហ្វិក​ដោយកុំព្យូទ័រ ចំនួន ៩០នាក់, សេវាកម្មរដ្ឋបាល ចំនួន៩០នាក់, សេវាកម្ម​បរិក្ខារត្រជាក់ក្នុងគេហដ្ឋាន ចំនួន៩០នាក់, ធុរកិច្ចភេសជ្ជៈ ចំនួន៩០នាក់ និង​ជំនាញជួសជុលទោចក្រយានយន្តចំនួន៩០នាក់។

លក្ខខណ្ឌ នៃការជ្រើសរើស ៖ យុវជន​មានអាយុចាប់ពី១៥ឆ្នាំឡើង, យុវជនមានបណ្ណសមមធ៌ (កម្រិតភាពក្រីក្រ១ ឬ២) ឬបណ្ណគ្រួសារងាយរងហានិភ័យ, យុវជន​មក​ពី​គ្រួសារដែលសមាជិក​មាន​បណ្ណ​សម្គាល់ជនមានពិការភាព, យុវជន​មក​ពី​គ្រួសារដែលសមាជិក​មានបណ្ណ​មូលនិធិសមធម៌​សុខាភិបាល, យុវជន​ដែល​ឧទ្ទេសនាម​ដោយ​រដ្ឋបាល​ខេត្ត ស្រុក ក្រុង ឃុំសង្កាត់។

អត្ថប្រយោជន៍ ៖ ការសិក្សា​ដោយឥតបង់ថ្លៃ, ទទួល​បាន​ប្រាក់​ឧបត្ថម្ភ​ប្រចាំខែ​ចំនួន ២៨ម៉ឺនរៀល​ក្នុង១ខែ ដោយ​សិក្សា​ពេញម៉ោង សម្រាប់​យុវជន​មាន​បណ្ណ​សមធម៌ (កម្រិតភាពក្រីក្រ១ ឬ២) ឬបណ្ណគ្រួសារងាររងហានិភ័យ, មានផ្តល់ការ​ប្រឹក្សា​យោបល់​ពីការជ្រើសរើស​ជំនាញ និងព័ត៌មានទីផ្សារ​ការងារ, ផ្តល់​កន្លែង​ចុះ​កម្មសិក្សា​នៅ​តាម​សហគ្រាស គ្រឹះស្ថាន ឧស្សាហកម្ម និង​ក្រុមហ៊ុនឯកជន, ទទួល​បានសញ្ញាបត្របច្ចេកទេស និង​វិជ្ជាជីវៈ១ និងឱកាស​បន្តការសិក្សា, ទទួលបានជំនាញ​មួយ​ពិតប្រាកដ​ដែល​ទីផ្សារ​ការងារ​កំពុងត្រូវការ, ទទួល​បាន​ឱកាស​ការងារ​ធ្វើសមរម្យ និង​ចំណូលទៀងទាត់។

ឯកសារក្នុងការដាក់ពាក្យ​ចូលរៀន ៖ សៀវភៅគ្រួសារ (កូពី), សំបុត្រ​កំណើត (កូពី), អត្តសញ្ញាណបណ្ណសញ្ជាតិខ្មែរ (កូពី), រូបថតថ្មីផ្ទៃពណ៌ខៀវ (ទំហំ៤x៦) ៤សន្លឹក, រូបថតថ្មីផ្ទៃពណ៌ខៀវ (ទំហំ៣x៤) ចំនួន២សន្លឹក, បណ្ណសមធម៌ ឬបណ្ណ​សម្គាល់គ្រួសារងាយរងហានិភ័យ ឬបណ្ណសម្គាល់ជនមានពិការភាព ឬបណ្ណមូលនិធិ​សមធម៌សុខាភិបាល ឬលិខិតឧទ្ទេសនាមដោយរដ្ឋបាលខេត្ត ស្រុក ក្រុង ឃុំសង្កាត់។

កាលបរិច្ឆេទ​ចុះឈ្មោះចូលរៀន ៖ ចាប់ពីថ្ងៃជូនដំណឹងនេះ រហូត​ដល់ថ្ងៃទី២៧ ខែកុម្ភៈ ឆ្នាំ២០២៥។

សម្រាប់ព័ត៌មានបន្ថែម សូមទាក់ទងទៅកាន់វិទ្យាស្ថាន ដែលមានទីតាំងស្ថិតនៅ​ភូមិគាប​ សង្កាត់ទឹកថ្លា ក្រុង​សិរីសោភ័ណ ខេត្ត​បន្ទាយមានជ័យ (ផ្លូវចូលវត្តភ្នំជញ្ជាំង) ឬទំនាក់ទំនងទៅកាន់ទូរស័ព្ទលេខ 095 934 447៕