ប្រព័ន្ធសន្សំពិន្ទុក្នុងសហគមន៍ គំនិតបង្កើតដោយ​ក្រុមយុវជន Wastelock បង្ហាញដំណោះស្រាយលើកកម្ពស់ការគ្រប់គ្រងសំណល់រឹង កាត់បន្ថយបញ្ហាទឹកជំនន់ក្នុងទីក្រុង


សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

គំនិតនៃការ​បង្កើត​ប្រព័ន្ធសន្សំពិន្ទុ​ក្នុងសហគមន៍ របស់យុវជន​មួយ​ក្រុម​ដែលមានឈ្មោះថា Wastelock បានបង្ហាញ​ពីដំណោះស្រាយ​កាត់បន្ថយ​គ្រោះមហន្តរាយ តាមរយៈ​ការ​គ្រប់គ្រង​សំណល់រឹង (ប្លាស្ទិក) ដែលអាច​កាត់បន្ថយ​បញ្ហា​ទឹកជំនន់ក្នុងទីក្រុង។ គំនិតដែលនាំ​មក​នូវ​ការ​ដោះស្រាយ​បញ្ហាប្រឈម​មួយនេះ បានជាប់ជ័យលាភីលេខ១ ក្នុង​កម្មវិធីប្រកួតគំនិត Youth Ideathon ក្រោម​ប្រធានបទ “ភាពធន់នឹងគ្រោះមហន្តរាយ​ក្នុងសហគមន៍” ដែលរៀបចំដោយ Mekong Resilience កាលពីពេលថ្មីៗនេះ។

លោក វុឌ្ឍ សុវណ្ណ និស្សិតឆ្នាំទី៣ ជំនាញពាណិជ្ជកម្មអន្តរជាតិ នៃសាកលវិទ្យាល័យជាតិគ្រប់គ្រង និងជាតំណាងក្រុម Wastelock បានលើកឡើងថា នៅពេលមានភ្លៀងធ្លាក់ខ្លាំងម្តងៗ តាមដងវិថីមួយ​ចំនួន​នៅ​ក្នុងទីក្រុង​ត្រូវ​បានទឹកជន់លិច ដែលវា​ប៉ះពាល់​ដល់បរិស្ថាន ក៏​ដូចជា​ប៉ះពាល់​ដល់សេដ្ឋកិច្ចជាតិ និង​សុខមាលភាពប្រជាជន​នៅក្នុងតំបន់ ខណៈ​កាកសំណល់ប្លាស្ទិក​ដែល​គ្រប់គ្រ​ងមិនបានល្អ ក៏​ធ្វើ​ឱ្យ​ប៉ះពាល់​ដល់សុខភាព​ប្រជាពលរដ្ឋដោយ​ប្រយោលផងដែរ។ ដោយ​មើលឃើញពីបញ្ហានេះ ក្រុមរបស់លោក​ដែលមានសមាជិក៥នាក់ បានគិតគ្នា ហើយទទួលបាន​នូវ​គំនិតក្នុងការ​ដោះស្រាយ​បញ្ហា​ទឹកជំនន់​ក្នុងទីក្រុង​នៅពេល​មានភ្លៀងធ្លាក់ខ្លាំង ដោយ​សារ​កាកសំណល់ប្លាស្ទិក ធ្វើ​ឱ្យ​កកស្ទះ​បំពង់បង្ហូរទឹក។

ក្រុម Wastelock ជ័យលាភីលេខ១ ក្នុងកម្មវិធី Youth Ideathon

លោក វុឌ្ឍ សុវណ្ណ បានបង្ហាញពីគម្រោងលើការដោះស្រាយបញ្ហាទឹកជំនន់ ដោយសារការកកស្ទះកាកសំណល់រឹងតាមបំពង់បង្ហូរទឹកនៅតាមដងផ្លូវសាធារណៈ ដោយ​មាន ៣ផ្នែកធំៗ រួមមាន ទី១. សិក្សាពីតំបន់មួយនៅក្នុងសហគមន៍ដែលមានកាកសំណល់ប្លាស្ទិក និងដាក់ឱ្យមានធុងសំរាមសន្សំពិន្ទុ, ទី២. កាកសំណល់ដែលប្រមូលបាន នឹងដឹកជញ្ជូនទៅកន្លែងកែច្នៃបា្លស្ទិកដើម្បីប្រើប្រាស់ឡើងវិញ និង ទី៣. បង្កើតឱ្យមានប្រព័ន្ធសន្សំពិន្ទុបែបឌីជីថល (App) ក្នុងករណីដែលប្រជាជនយកកាកសំណល់ប្លាស្ទិកមកដាក់ក្នុងធុងសំរាមសន្សំពិន្ទុ ក្នុងបរិមាណគីឡូណាមួយត្រឹមត្រូវដែលបានកំណត់នៅក្នុងប្រព័ន្ធ នោះពួកគាត់នឹងទទួលបានពិន្ទុ ដើម្បីសន្សំយកជារង្វាន់ ការបញ្ចុះតម្លៃផ្សេងៗ ពីដៃគូសហការ។

តំណាងក្រុម Wastelock យល់ថា កត្តាដែលជំរុញឱ្យក្រុមរបស់ខ្លួនជាប់ជ័យលាភីលេខ១ គឺដោយសារ ដំណោះស្រាយដែលក្រុមរបស់ខ្លួនបានលើកមកបង្ហាញពិតជាអាចដោះស្រាយបញ្ហាដែលកើតក្នុងសង្គម។ ទន្ទឹមគ្នា គំនិតមួយនេះ ក៏ជួយកាត់បន្ថយគ្រោះមហន្តរាយក្នុងសហគមន៍ ក៏ដូចជាបង្កើតទម្លាប់ឱ្យប្រជាជនក្នុងតំបន់រស់នៅដោយកាត់បន្ថយប្លាស្ទិក និងមានភាពធន់ចំពោះគ្រោះមហន្តរាយ។ លើសពីនេះ ប្រព័ន្ធសន្សំពិន្ទុ នឹងផ្ដល់រង្វាន់ដល់អ្នកដែលមានឆន្ទៈកាត់បន្ថយសំណល់ប្លាស្ទិក និងជួយដល់បរិស្ថាន។ ជាពិសេស ក្រុមមានភាពចម្រុះក្នុងជំនាញនីមួយៗ ផ្នែកស្រាវជ្រាវ ប្រមូលផ្ដុំគំនិត ឌីសាញ សហការជាក្រុមល្អ និងយល់ស្របគំនិតគ្នាទៅវិញទៅមក។

លោក វុឌ្ឍ សុវណ្ណ រំពឹងថា គំនិតនេះ អាចក្លាយជារូបរាងពិតប្រាកដនៅពេលអនាគត ក្នុងការកាត់បន្ថយសំណល់ប្លាស្ទិក និងកាត់បន្ថយគ្រោះទឹកជំនន់បានមួយភាគធំ។ តែយ៉ាងណាគម្រោង អាចលេចចេញជារូបរាងបាន លុះត្រាតែមានការចូលរួមគាំទ្រពីដៃគូអភិវឌ្ឍ ដូចជារាជរដ្ឋាភិបាល ស្ថាប័នឯកជន ជាពិសេសការចូលរួមពីប្រជាជនក្នុងសហគមន៍ផងដែរ។

តាមរយៈកម្មវិធីប្រកួតប្រជែងគំនិត Youth Ideathon លោក វុឌ្ឍ សុវណ្ណ និងក្រុម ទទួលបាន​នូវ​បទពិសោធន៍ និង​ចំណេះដឹងជាច្រើន ពិសេសបានរៀនពីគោលការណ៍មួយចំនួនដែលរាជរដ្ឋាភិបាលកម្ពុជាបានដាក់ចេញ ក្រោមការអនុវត្តដោយគណៈកម្មការគ្រប់គ្រងគ្រោះមហន្តរាយដែលទាក់ទងការកាត់បន្ថយគ្រោះមហន្តរាយ, ការរៀបចំទីក្រុង ក៏ដូចជាតួនាទីសំខាន់នៃកិច្ចសហការជាមួយរាជរដ្ឋាភិបាល និងស្ថាប័នឯកជន ក៏ដូចជាប្រជាជននៅក្នុងសហគមន៍ផងដែរ។ ជាពិសេស រៀនបានច្រើនពីគំនិតថ្មីៗរបស់ក្រុមបេក្ខជនផ្សេងទៀតក្នុងការដោះស្រាយបញ្ហាសង្គម ដែលសុទ្ធតែជាបំណិនល្អៗអាចយកមកសិក្សា បានជាគំនិតថ្មី ដើម្បីអនុវត្តគំនិតរបស់ខ្លួនផងដែរ។

លោក វុឌ្ឍ សុវណ្ណ ក៏បានលើកទឹកចិត្តឱ្យសិស្ស និស្សិតទាំងអស់ ចាប់ផ្ដើមសង្កេតអំពីបរិស្ថាន ឬព្រឹត្តិការណ៍សំខាន់ៗដែលកើតមានឡើងនៅក្នុងសង្គម អាចជាបញ្ហាសង្គម បញ្ហាបរិស្ថាន បញ្ហាសុខភាពសាធារណៈ ឬបញ្ហាក្នុងវិស័យកសិកម្មផ្សេងៗ ហើយចាប់ផ្ដើមគិតរិះរកដំណោះស្រាយមួយចំនួនដែលអាចជួយដល់សហគមន៍បាន។ ហើយក៏សូមឱ្យសិស្សនិស្សិត សិក្សាស្វែងយល់ដឹងពីភាពធន់ គ្រោះមហន្តរាយឱ្យបានប្រសើរ សម្រាប់គាំពារខ្លួនឯង និងសង្គមជាតិនៅពេលជួបគ្រោះមហន្តរាយ ដូចជាគ្រោះទឹកជំនន់ ឬគ្រោះរាំងស្ងួតជាដើម៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ជំនាញវិជ្ជាជីវៈ ៥០០កន្លែង ពី​វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនសៀមរាប

ព័ត៌មានអាហារូបករណ៍, ព្រឹត្តិការណ៍

• 02/01/2023

សម្រាប់​សិស្សានុសិស្ស ឬយុវជន ដែល​មាន​បំណង​ចង់​សិក្សា​ជំនាញ​វិជ្ជាជីវៈ (TVET) ពេលនេះ វិទ្យាស្ថាន​បច្ចេកទេស​ភូមិ​ភាគ​តេជោសែនសៀមរាប...

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង

ព័ត៌មានអាហារូបករណ៍, ព្រឹត្តិការណ៍

• 14/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 30/05/2025

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ប្រទេសកាណាដា សម្រាប់ឆ្នាំសិក្សា២០២៥។ អាហារូបករណ៍ផ្ដល់ដោយ កម្មវិធី University of Calgary Bachlor’s Scholarship 2025 in Canada។

កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/05/2023

កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី ...

ឱកាសសិក្សាអាហារូបករណ៍ ១០០% ពីមូលនិធី ស.អ នៃក្រសួងប្រៃសណីយ និងទូរគមនាគមន៍

ព័ត៌មានអាហារូបករណ៍, ព្រឹត្តិការណ៍

• 23/07/2025

ឱកាសសិក្សាអាហារូបករណ៍ ១០០% ចំនួន៧៥កន្លែង ជំនាន់ទី២ ពីមូលនិធី ស.អ នៃក្រសួងប្រៃសណីយ៍ និងទូរគមនាគមន៍ លើមុនជំនាញសន្តិសុខសាយប័រ (CyberSecurity)

អាហារូបករណ៍រៀនជំនាញបច្ចេកទេស និងវិជ្ជាជីវៈ ៧៤០កន្លែង នៅវិទ្យាស្ថានពហុបច្ចេកទេសខេត្តព្រៃវែង

ព័ត៌មានអាហារូបករណ៍, ព្រឹត្តិការណ៍

• 24/11/2023

វិទ្យាស្ថានពហុបច្ចេកទេស​ខេត្តព្រៃវែង ប្រកាសផ្តល់អាហារូបករណ៍​១០០ភាគរយ ដល់​សិស្ស និស្សិត​រៀនជំនាញបច្ចេកទេស និង​វិជ្ជាជីវៈ ​សម្រាប់ឆ្នាំសិក្សា​២០២៣-២០២៤ ចំនួន ៧៤០នាក់។

បណ្ឌិត្យសភានគរបាល​កម្ពុជា ផ្តល់អាហារូបករណ៍សម្រាប់ការសិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត​វិទ្យាសាស្រ្តនគរបាល ចំនួន៤០កន្លែង

ព័ត៌មានអាហារូបករណ៍, ព្រឹត្តិការណ៍

• 06/01/2026

សម្រាប់មន្រ្តីនគរបាល​ ឬមន្រ្តីពន្ធនាគារ ដែលចង់បន្តការសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិត ពេលនេះ បណ្ឌិត្យសភានគរបាលកម្ពុជា បានប្រកាសជ្រើសរើស​និស្សិត​អាហារូបករណ៍សរុបចំនួន៤០កន្លែង...

កម្មវិធីអាហារូបករណ៍ចេនហ្ស៊ី ផ្តល់អាហារូបករណ៍១០០% ដល់និស្សិតកំពុងសិក្សា​នៅ​សាកលវិទ្យាល័យធំៗ​ចំនួន៣

ព័ត៌មានអាហារូបករណ៍, ព្រឹត្តិការណ៍

• 21/01/2025

និស្សិត​ដែល​កំពុងសិក្សា​នៅសាកលវិទ្យាល័យភូមិន្ទភ្នំពេញ, សាកលវិទ្យាល័យ​ជាតិគ្រប់គ្រង និង​វិទ្យាស្ថាន​បច្ចេកវិទ្យាកម្ពុជា នឹងមានឱកាស​ទទួលបានអាហារូបករណ៍​១០០%រយៈពេល៤ឆ្នាំ..