ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សិស្សានុសិស្សដែលមានបំណងចង់បន្តការសិក្សាថ្នាក់បរិញ្ញាបត្រ ពេលនេះ សាកលវិទ្យាល័យក្រចេះ បានប្រកាសផ្តល់អាហារូបករណ៍ចំនួន២០កន្លែង សម្រាប់ឆ្នាំសិក្សា២០២៥-២០២៦ តាមរយៈអាហារូបករណ៍អភិសន្តិបណ្ឌិត ស សុខា ថ្នាក់ជាតិ។
ជំនាញដែលអាហារូបករណ៍ផ្តល់ជូនរួមមាន ៖ វិទ្យាសាស្រ្តដី និងដំណាំ, ការពារដំណាំ និងបច្ចេកវិទ្យាប្រមូលផល, វិទ្យាសាស្រ្តសត្វ និងបសុពេទ្យ, វារីវប្បកម្ម, ចំណី, សេនាទិច និងបង្កាត់ពូជ, វិស្វកម្មសំណង់ស៊ីវិល, វិស្វកម្មមេកានិច និងឧស្សាហកម្ម, វិស្វកម្មអេឡិចត្រូនិច, វិស្វកម្មចំណីអាហារ, គ្រប់គ្រងអាជីវកម្ម (គ្រប់គ្រង គណនេយ្យ ហិរញ្ញវត្ថុ និងធនាគារ), វិទ្យាសាស្រ្តចំណីអាហារ និងអាហារូបត្ថម្ភ, រដ្ឋបាលសាធារណៈ, ភាសាអង់គ្លេស, ព័ត៌មានវិទ្យា, ទេសចរណ៍ កីឡា និងគ្រប់គ្រងសណ្ឋាគារ។
លក្ខខណ្ឌសម្រាប់សិស្ស និស្សិតដាក់ពាក្យស្នើសុំ ៖ ផ្តល់ជូនសិស្សនិស្សិតទូទាំងប្រទេស, សិស្សនិស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត (ទទួលបានអាទិភាព), សិស្សនិស្សិតត្រូវបំពេញបែបបទនានាសម្រាប់ការដាក់ពាក្យស្នើសុំអាហារូបករណ៍តាមជំហាននីមួយៗក្នុង APP អាហារូបករណ៍អភិសន្តិបណ្ឌិត ស សុខា, សិស្សនិស្សិតត្រូវគោរពតាមខ្លឹមសារ នៃកិច្ចសន្យាខិតខំរៀនសូត្រ ដែលបានបញ្ជាក់ជូនក្នុង APP ដាក់ពាក្យស្នើសុំអាហារូបករណ៍។
លក្ខខណ្ឌជ្រើសរើសកម្រិតសិក្សា ៖ ថ្នាក់បរិញ្ញាបត្រ ត្រូមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល។
សិស្សនិស្សិតដែលមានចំណាប់អារម្មណ៍ អាចដាក់ពាក្យស្នើសុំអាហារូបករណ៍តាមរយៈ APP Sar Sokha Scholarship ។ កាលបរិច្ឆេទចូលរៀននៅខែធ្នូ ឆ្នាំ២០២៥។
សម្រាប់ព័ត៌មានបន្ថែម អាចទំនាក់ទំនងទៅកាន់សាកលវិទ្យាល័យក្រចេះ ដែលមានទីតាំងស្ថិតនៅផ្លូវជាតិលេខ៧ ភូមិស្រែស្តៅ សង្កាត់អូឬស្សី ក្រុងក្រចេះ ខេត្តក្រចេះ ឬទំនាក់ទំនងតាមទូរស័ព្ទលេខ ០៧១ ៧០៨ ៨៧៧៨៕
