លុបបំបាត់អំពើហិង្សាលើកុមារ ចាំបាច់ត្រូវមានកិច្ច​សហការពីយើងទាំងអស់គ្នា ដើម្បីបង្កើតបរិយាកាសសិក្សា​ប្រកប​ដោយសុវត្ថិភាព និង​បរិយាប័ន្ន

ដើម្បីកាត់បន្ថយ​អត្រានៃអំពើហិង្សាលើកុមារ គឺទាមទារឱ្យមានការយកចិត្តទុកដាក់ខ្ពស់ពីសំណាក់សាលារៀន និងសហគមន៍ ដើម្បីធានាបាននូវសុវត្ថិភាព និងលទ្ធផលសិក្សាល្អប្រសើររបស់ពួកគេ។ ការបញ្ឈប់អំពើហិង្សាទាំងក្នុងសាលា និងសហគមន៍ តម្រូវឱ្យមានកិច្ច​សហការគ្នាយ៉ាងសកម្មពីតួអង្គពាក់ព័ន្ធទាំងអស់ ដើម្បីបង្កើតបរិយាកាសសិក្សាប្រកបដោយសុវត្ថិភាព និងបរិយាប័ន្ន។

ក្នុងវេទិការសាធារណៈស្តីពី “ការលុបបំបាត់អំពើហិង្សាលើកុមារទាំងក្នុងសាលា និងសហគមន៍“ ដែលគាំទ្រដោយអង្គការ Save the Children និងគម្រោង Peace For All នៅខេត្តកំពង់ចាម កាលពីសប្តាហ៍កន្លងទៅនេះ, លោក សេក ជឿន នាយកសាលាបឋមសិក្សាអង្គរបាន បានគូសបញ្ជាក់ថា កត្តាប្រឈមចម្បងក្នុងការលុបបំបាត់អំពើហិង្សាលើកុមារ គឺបណ្តាលមកពីសមត្ថភាពអ្នកបណ្តុះបណ្តាលនៅមានកម្រិត ខណៈលោកគ្រូអ្នកគ្រូមួយចំនួនយល់ថា កិច្ចការនេះជាការងារបន្ថែម ដែលធ្វើ​ឱ្យ​ពួកគាត់មិនយកចិត្តទុកដាក់។ លើសពីនេះ អាណាព្យាបាលមួយចំនួនបានរងឥទ្ធិពលពីអំពើហិង្សាតជំនាន់ ដែលធ្វើឱ្យពួកគាត់យល់ថា អំពើហិង្សាជារឿងធម្មតា ហើយថែមទាំងផ្ដាំផ្ញើឱ្យគ្រូបង្រៀនអាចប្រើប្រាស់ការវាយ ឬគំរាមកំហែងលើកូនៗរបស់ពួកគេបាន ប្រសិនបើកូនៗមិនស្តាប់ ឬមិនខំរៀន។

យ៉ាងណាដើម្បីដោះស្រាយបញ្ហាទាំងនេះ លោក សេក ជឿន បានបង្ហាញពីវិធានការសំខាន់ៗមួយ​ចំនួនដែល​លោកបានអនុវត្ត ដូចជា ការរៀបចំបណ្តាញភូមិ ដើម្បីគ្រប់គ្រងស្ថិតិកុមារតាមភូមិ, តាមដានស្ថានភាពកុមារ និងកំណត់អត្តសញ្ញាណកុមារងាយរងគ្រោះនៅក្នុងមូលដ្ឋានជាដើម។ នៅសាលារៀនវិញ គ្រូបង្រៀននឹងជួយគ្រួសារ និងកុមារតាមស្ថានភាពជាក់ស្តែង ដូចជាបញ្ហាជីវភាពក្រីក្រ ឬខ្វះខាតសម្ភារៈសិក្សា ដោយផ្តល់ដំណឹងទៅអ្នកពាក់ព័ន្ធដែលមានលទ្ធភាពជួយ ដូចជាលោកមេឃុំ ព្រះសង្ឃ និងសប្បុរសជន ដើម្បីកៀងគររកថវិកា ឬសម្ភារៈជួយ​ដល់គ្រួសារនោះ​ដើម្បី​ជំរុញឱ្យកុមារបានបន្តការសិក្សា។ ដោយឡែក​ប្រសិនបើ​ជួបទម្រង់អំពើហិង្សាធ្ងន់ធ្ងរ ដូចជាការរំលោភបំពាន ឬបង្ករបួសស្នាម សាលានឹងផ្តល់ព័ត៌មានជាបន្ទាន់ទៅសមត្ថកិច្ចជំនាញដែលពាក់ព័ន្ធ។

ជាមួយគ្នានេះ លោកនាយកក៏បានសង្កត់ធ្ងន់ពីសារៈសំខាន់នៃការអប់រំប្រកបដោយក្តីស្រឡាញ់ដោយថា “កុមារជាក្រដាសស បើយើងអប់រំថ្ងៃនេះប្រើអំពើហិង្សា ពេលដែលគាត់ចេញមកធ្វើការវិញ គាត់នឹងដិតដាម ហើយគាត់នឹងបន្តប្រើទៀតហើយ! អំពើហិង្សាវាមិនងាយរលុបទេ កាលណាកើតហើយវាដិតជាប់នៅក្នុងអារម្មណ៍“។ ដូច្នេះ វិធីសាស្រ្តបង្រៀនរបស់លោកគ្រូ អ្នកគ្រូ ក៏ជាការងារសំខាន់សម្រាប់ការអប់រំកុមារដែរ ដោយបើប្រើវិធីសាស្រ្តមិនល្អ អាចនាំឱ្យកុមារមានហិង្សា ហើយបើយើងប្រើវិធីសាស្រ្តល្អក្នុងការបង្រៀន ជំរុញឱ្យកុមារមានការចូលរួម ធ្វើឱ្យកុមារមានភាពក្លាហាន ហ៊ានបញ្ចេញមតិយោបល់របស់ខ្លួន ហ៊ានការពារមតិរបស់ខ្លួន និងហ៊ានតស៊ូមតិ។

លោក សេង ឃុយ មេឃុំអង្គរបាន មានប្រសាសន៍ដែរថា ក្នុងនាមជាអាជ្ញាធរ ដើម្បីចូលរួមលុបបំបាត់អំពើហិង្សា​លើកុមារ រដ្ឋបាលឃុំបានរៀបចំគណៈកម្មការទប់ស្កាត់អំពើហិង្សាក្នុងសាលារៀន ដោយ​ផ្តល់ជំនួយការពារសន្តិសុខនៅពេលមានជនឆ្លៀតឱកាស ឬក្មេងទំនើងពីក្រៅសាលា ឬបាតុភាពផ្សេងៗដែលបង្កភាពអសណ្តាប់ធ្នាប់។ មួយវិញទៀត បើមានសិស្សបោះបង់ការសិក្សាដោយបញ្ហាជីវភាពគ្រួសារ ឬបញ្ហាអំពើហិង្សាពីឪពុកម្តាយ រដ្ឋបាលឃុំមានវិធានការចុះទៅសម្របសម្រួលដើម្បីឱ្យកុមារនោះបានចូលរៀនវិញ ព្រមទាំងជួយជាសម្ភារៈសិក្សាមួយចំនួនផងដែរ។

លោកស្រី Diane Foo តំណាងមកពីគម្រោង PEACE FOR ALL របស់ UNIQLO ដែលជាម្ចាស់ជំនួយ គម្រោង “ការលុបបំបាត់អំពើហិង្សា តាមរយៈការពង្រឹងអំណាចរបស់កុមារនៅកម្ពុជា” បានលើកឡើងថា គម្រោងដែលកំពុង​សហការជាមួយអង្គការ Save the Children នេះ មានគោលបំណងបង្កើតវប្បធម៌ និងបរិយាកាសដែលសម្លេងកុមារត្រូវបានស្តាប់លឺ ធ្វើឱ្យកុមារមានអារម្មណ៍សុវត្ថិភាព និងមានទំនុកចិត្តក្នុងការស្រមៃឱ្យបានធំ។ គម្រោងនេះជួយទប់ស្កាត់អំពើហិង្សា បង្កើតប្រព័ន្ធការពារកុមារ ពង្រឹងភាពអង់អាចដល់អ្នកតស៊ូមតិវ័យក្មេង និងលើកកម្ពស់ការយល់ដឹងក្នុងចំណោមមនុស្សពេញវ័យ អំពីសារៈសំខាន់នៃការចិញ្ចឹមបីបាច់ប្រកបដោយសុវត្ថិភាព។ គម្រោងក៏សង្ឃឹមថា កិច្ចការនេះនឹងបន្តជួយគាំទ្រសិស្សឱ្យអាចផ្តោតអារម្មណ៍ទៅលើការសិក្សារបស់ពួកគេ ដើម្បីសម្រេចបាននូវមហិច្ឆតា និងផ្តល់ផលវិជ្ជមានទៅកាន់សង្គមជាតិវិញ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សម្រាប់សិស្សកម្ពុជា សិក្សាកម្រិតមធ្យមសិក្សា​ទុតិយភូមិ នៅប្រទេស​អាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 18/11/2026

កម្មវិធី United World Colleges (UWC) Cambodia បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៧–២០២៨

វិទ្យាស្ថានពហុបច្ចេកទេសខេត្តកំពង់ធំ ផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈ ចំនួន ៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 21/11/2023

ឱកាសសិក្សាជំនាញបច្ចេកទេស និងវិជ្ជាជីវៈដោយឥតគិតថ្លៃនៅវិទ្យាស្ថានពហុបច្ចេកទេសកំពង់ធំ ចំនួន៥១០នាក់ ដល់យុវជន យុវតី សិស្ស និស្សិត និងសាធារណជនដែលមកពី...

សាកលវិទ្យាល័យអន្តរជាតិ ផារ៉ាហ្គនបន្តផ្តល់អាហារូបករណ៍ដល់សិស្សនិទ្ទេស A និង B ជាង២០០កន្លែង

ព័ត៌មានអាហារូបករណ៍, ព្រឹត្តិការណ៍

• 06/12/2024

សាកលវិទ្យាល័យអន្តរជាតិផារ៉ាហ្គន បានប្រកាស​ពី​ការ​បន្តផ្តល់អាហារូបករណ៍ជាច្រើនកន្លែងដល់សិស្សានុសិស្សនិទ្ទេស A និង B ជាង២០០កន្លែង គ្រប់មុខជំនាញ សម្រាប់ឆ្នាំសិក្សាថ្មី២០២៤-២០២៥។

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

ឱ​កាស​សម្រាប់​សិស្ស​វិទ្យាល័យ​! ​កម្មវិធី​ ​«​ក្លឹប​សហគ្រិន​វិទ្យាល័យ​» ​បើក​ទទួល​ពាក្យ​ ​ដើម្បី​បណ្តុះ​ជំនាញ​អាជីវកម្ម​ ​និង​ភាព​ជា​អ្នកដឹកនាំ​តាម​អនឡាញ​

ព័ត៌មានអាហារូបករណ៍, ព្រឹត្តិការណ៍

• 26/06/2026

ដើម្បីចូលរួមចំណែកក្នុងការជំរុញ និងអភិវឌ្ឍសមត្ថភាពយុវជនកម្ពុជាឱ្យកាន់តែមានភាពច្នៃប្រឌិត និងទាន់សម័យកាល ពេលនេះកម្មវិធី «ក្លឹបសហគ្រិនវិទ្យាល័យ» បានប្រកាសបើកទទួលពាក្យចូលរួមពីសិស្សានុសិស្សទូទាំងប្រទេស...

សម្តេចតេជោផ្តល់អាហារូបករណ៍សម្រាប់និស្សិត​កម្ពុជាទៅ​សិក្សា​នៅ​ប្រទេស​ចិនចំនួន ៨០កន្លែង

ព័ត៌មានអាហារូបករណ៍, ព្រឹត្តិការណ៍

• 15/03/2024

អាហារូបករណ៍​សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត តាមរយៈ​សម្តេច​មហាបវរធិបតី ហ៊ុន ម៉ាណែត និង​លោកជំទាវបណ្ឌិត ពេជ ចន្ទមុន្នី បានប្រកាស​ផ្តល់​អាហារូបករណ៍​ចំនួន ៨០កន្លែង...

អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/04/2024

ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...

អាហារូបករណ៍សាច់ប្រាក់ ពីកម្មវិធីអាហារូបករណ៍សិល្បៈអមតៈ​អាន ចនផន ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 29/03/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍...

ឱកាសចូលរួម​កម្មវិធី​ទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុងតូក្យូ ប្រទេស​ជប៉ុន

ព័ត៌មានអាហារូបករណ៍, ព្រឹត្តិការណ៍

• 21/07/2025

សាកលវិទ្យាល័យ​ភូមិន្ទ​នីតិសាស្រ្ត និង​វិទ្យាសាស្រ្ត​សេដ្ឋកិច្ច បានប្រកាស​ជ្រើសរើស​និស្សិត​ចំនួន១០រូប ដើម្បី​ទៅចូល​រួមទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុង​តូក្យូ ប្រទេស​ជប៉ុន ដែល​នឹង​ប្រព្រឹត្ត​ទៅ​ពី​ថ្ងៃទី១៧-២៣ ខែវិច្ឆិកា ឆ្នាំ២០២៥។