ក្រសួងអប់រំ យុវជន និងកីឡា បានប្រកាសជ្រើសរើស បុគ្គលិកអប់រំ និងគ្រូបង្រៀនភាសាអង់គ្លេស ចំនួន១៤នាក់ ទៅសិក្សាអាហារូបករណ៍ វគ្គបណ្ដុះបណ្ដាលភាសាអង់គ្លេស នៅ មជ្ឈមណ្ឌលស៊ីមេអូ RELC សម្រាប់ឆ្នាំ២០២៦។ វគ្គបណ្ដុះបណ្ដាលនឹងសិក្សាដោយផ្ទាល់នៅប្រទេសសិង្ហបុរី និងសិក្សាតាមបែបចម្រុះ។

លក្ខខណ្ឌនៃការដាក់ពាក្យ ៖ បេក្ខជនជាបុគ្គលិកអប់រំ និងជាគ្រូបង្រៀនឯកទេសភាសាអង់គ្លេស កំពុងបម្រើការងារនៅតាមគ្រឹះស្ថានឧត្ដមសិក្សា និងមធ្យមសិក្សាចំណេះទូទៅរដ្ឋ និងមានបទពិសោធន៍ការងារយ៉ាងតិច២ឆ្នាំ នៅក្នុងជំនាញរបស់ខ្លួន។ បេក្ខជនត្រូវមានលិខិតបញ្ជាក់ឯកភាពពីប្រធានអង្គភាព ដែលអនុញ្ញាតឱ្យបេក្ខជនចូលរួមវគ្គបណ្ដុះបណ្ដាល។

វគ្គសិក្សាមានចំនួន៨ដូចជា៖ 

១. C111: Advanced Specialist Certificate in Teaching Listening and Speaking ពីថ្ងៃទី ០៦ មករា ២០២៦ – ២៣ មករា ២០២៦។ 

២. វគ្គ C112: Advanced Specialist Certificate in Teaching Reading and Writing ពីថ្ងៃទី ២០ មករា ២០២៦ – ០៦ កុម្ភៈ ២០២៦។

៣. វគ្គ MTESOL: Master of Teaching English to Speakers of Other Languages ពីថ្ងៃទី២៣ កុម្ភៈ ២០២៦ – ០៥ កុម្ភៈ ២០២៧។

៤. វគ្គ C113: Advanced Specialist Certificate in Language Assessment ពីថ្ងៃទី០៧ មេសា ២០២៦ – ២៤ មេសា ២០២៦។

៥. វគ្គ C419: Specialist Certificate in the Professional Development of Teacher Leaders/Supervisors ពីថ្ងៃទី១២ ឧសភា ២០២៦ – ២៩ ឧសភា ២០២៦។

៦. វគ្គ C103 : Postgraduate Diploma in Applied Linguistics ពីថ្ងៃទី០៧ កក្កដា ២០២៦ – ១៨ ធ្នូ ២០២៦។

៧. វគ្គ C423: Specialist Certificate in Technology-Enabled Language Teaching ពីថ្ងៃទី ០១ កញ្ញា ២០២៦ – ១៨ ធ្នូ ២០២៦។

៨. វគ្គ C325: Specialist Certificate in TESOL with cambridge Teaching Knowledge (Foundation) for Secondary/High School Teachers ពីថ្ងៃទី២២ កញ្ញា ២០២៦ – ១៩ តុលា ២០២៦ (In-person) និង ពីខែមករា – កុម្ភៈ ២០២៧ (In-Country Lesson Observation and Summative Assessment)។

សម្រាប់ព័ត៌មានបន្ថែម អាចទំនាក់ទំនងមន្ត្រីជំនាញការិយាល័យកិច្ចការស៊ីមេអូ នៃនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន តាមរយៈអ៉ីម៉ែល seameo@moeys.gov.kh ឬតាមរយៈលេខទូរស័ព្ទ ០៨៧ ៦៧ ៧៨ ៨៧ ឬចូលទៅកាន់ក្រុមតេលេក្រាម https://t.me/SEAMEORELCScholarshipInfo ។

កាលបរិច្ឆេទផុតកំណត់នៃវគ្គបណ្ដុះបណ្ដាល C111, C112, MTESOL, C113 និង C419 ត្រឹមថ្ងៃទី០១ ខែតុលា ឆ្នាំ២០២៥។ សម្រាប់វគ្គបណ្ដុះបណ្ដាល C103, C423 និង C325 ត្រឹមថ្ងៃទី១១ ខែកុម្ភៈ ឆ្នាំ២០២៦៕