ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសរុស្សីក្រោមកម្មវិធី Open Doors Russian Government Scholarship 2025 សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាបរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់និស្សិតអន្តរជាតិជាច្រើនកន្លែង និងជាអាហារូបករណ៍ពេញលេញ។
ជំនាញដែលអាហារូបករណ៍ផ្ដល់ជូនរួមមាន ៖ ផ្នែកអាជីវកម្ម និងការគ្រប់គ្រង, សេដ្ឋកិច្ច, នយោបាយ និងការសិក្សាអន្តរជាតិ, ការអប់រំ និងចិត្តវិទ្យា, វេជ្ជសាស្ត្រ និងសុខភាពសាធារណៈ, វិទ្យាសាស្ត្រកុំព្យូទ័រ និងទិន្នន័យ, វិស្វកម្ម និងបច្ចេកវិទ្យា, ផែនដី និងវិទ្យាសាស្ត្របរិស្ថានសម្រាប់និរន្តរភាព, វិទ្យាសាស្ត្ររូបវិទ្យា និងបច្ចេកវិទ្យា, គីមីវិទ្យា និងវិទ្យាសាស្ត្រសម្ភារៈ, ជីវវិទ្យា និងបច្ចេកវិទ្យាជីវសាស្រ្ត, គណិតវិទ្យាអនុវត្ត និងបញ្ញាសិប្បនិម្មិត, ភាសាវិទ្យា និងភាសាទំនើប និង នគរូបនីយកម្ម និងវិស្វកម្មសំណង់ស៊ីវិល។
លក្ខខណ្ឌវិនិច្ឆ័យ នៃបេក្ខជន ជានិស្សិតអន្តរជាតិដែលមានបំណងបន្តការសិក្សាថ្នាក់បរិញ្ញបត្រជាន់ខ្ពស់ និងថ្នាក់បណ្ឌិតនៅប្រទេសរុស្សី ជាបេក្ខជនដែលមានជំនាញភាសាអង់គ្លេស ឬភាសារុស្សីត្រូវបានលើកទឹកចិត្ត។ ជាមួយគ្នានេះ បេក្ខជនស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ ឬសញ្ញាបត្រជាន់ខ្ពស់នៃផ្នែកឯកទេសណាមួយ ដោយបេក្ខជនស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់។ លើសពីនេះបេក្ខជនទាំងអស់ត្រូវភ្ជាប់ឯកសារចាំបាច់មួយចំនួនដូចជា លិខិតលើកទឹកចិត្ត ច្បាប់ចម្លងនៃវិញ្ញាបនបត្រឬសញ្ញាបត្របញ្ជាក់ការសិក្សា ប្រតិចារិក លិខិតបញ្ជាក់ភាសាអង់គ្លេស ឬរុស្សី។
បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ជាច្រើនដូចជា ការសិក្សាឥតគិតថ្លៃពេញលេញ ប្រាក់ឧបត្ថម្ភកំឡុងពេលសិក្សា មានកន្លែងស្នាក់នៅសម្រាប់និស្សិតដែលមានតម្លៃសមរម្យ និងទទួលបានលើការចំណាយក្នុងការសិក្សាកម្មវិធីផ្សេងៗ។
សម្រាប់ព័ត៌មានបន្ថែម និងការចុះឈ្មោះអាចចូលទៅកាន់ https://od.globaluni.ru/ ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែវិច្ឆិកា ឆ្នាំ២០២៤៕
