ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការផ្តល់ប្រឹក្សាកម្រិតមូលដ្ឋាន គឺជាជំនួយដំបូងដ៏សំខាន់សម្រាប់សម្រាលអាការតានតឹង លើកកម្ពស់សុខភាពផ្លូវចិត្ត និងពង្រឹងទំនាក់ទំនងល្អរវាងសមាជិកគ្រួសារ ឬមនុស្សស្និទ្ធស្នាល។ ការប្រឹក្សានេះមិនទាមទារជំនាញខ្ពស់ដូចអ្នកជំនាញទេ ប៉ុន្តែត្រូវការយកចិត្តទុកដាក់ ការយល់ដឹង និងវិធីអនុវត្តដ៏ប្រសើរ។ តាមរយៈគេហទំព័រ Positivepsychology បានបង្ហាញវិធីសាស្រ្តក្នុងការជួយប្រឹក្សាដល់មនុស្សក្បែរខ្លួនក្នុងកម្រិតមូលដ្ឋាន នៅពេលមានភាពចាំបាច់ណាមួយ។
ប្រឹក្សាដំបូងៗ ៖ បើតាមអ្នកជំនាញការប្រឹក្សា និងការព្យាបាលប្រកបដោយប្រសិទ្ធភាព ទាមទារនូវជំនាញជាច្រើន និងបត់បែនទៅតាមស្ថានភាពមនុស្ស រួមទាំងមានភាពច្នៃប្រតិដ្ឋ តែអ្វីដែលកម្រិតមូលដ្ឋានគ្រឹះគួរចាប់អារម្មណ៍ កាលដែលជួយឱ្យអ្នកមានភាពតានតឹងអាចនិយាយចេញមកក្រៅ ដោយការបង្ហាញជាគំរូភាព តាមរយៈវីឌេអូ ឬរូបភាព ហើយព្យាយាមកត់សម្គាល់អំពីការនិយាយអវិជ្ជមានទៅកាន់ខ្លួនឯង ហើយជួយពួកគាត់ក្នុងការកាត់បន្ថយ ឬក៏ប្រាប់អំពីភាពអវិជ្ជមានជាដើម។
ការស្តាប់និងការឆ្លើយតប ៖ ស្តាប់ដោយយកចិត្តទុកដាក់នូវអ្វីដែលអ្នកមានអាការតានតឹងនិយាយប្រាប់ រួមទាំងជួយសរុបខ្លឹមសារឱ្យនៅខ្លី សួរបន្ថែម ហើយស្វែងរកបរិយាកាសដែលមានផាសុកភាពនៅពេលមានការជជែក ឬមានកិច្ចសន្ទនាណាមួយកើតមាន។
ចូលរួមក្នុងការឆ្លុះបញ្ចាំង ៖ ការឆ្លុះបញ្ចាំងហាក់មានភាពស្មុគ្រស្មាញបន្តិច ព្រោះត្រូវប្រាកដថា ស្តាប់សាច់រឿងយល់ ហើយត្រូវជួយក្នុងការថ្លឹងថ្លែងដែលមិនមែនជាសាច់រឿងខ្លួនឯង តែយ៉ាងណា នៅក្នុងសិល្បៈនៃការឆ្លុះបញ្ចាំងអាចអនុវត្តន៍តាមរូបភាពដូចជា សួរអំពីអ្វីដែលជាគោលគំនិត អ្វីដែលជាជំនឿ រួមទាំងលើកទឹកចិត្តឱ្យបន្តនិយាយរឿងក្នុងចិត្ត រួមទាំងផ្តល់ការណែនាំក្នុងករណីចាំបាច់៕
