ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងកាលៈទេសៈមួយដែលទាញអារម្មណ៍ឱ្យធា្លក់ចុះ ឬក៏គ្មានអារម្មណ៍បញ្ចប់កិច្ចការអ្វីសោះ បានកើតមានចំពោះមនុស្សស្ទើរតែគ្រប់គ្នា គ្រាន់តែស្ថានការណ៍ខុសប្លែកគ្នាប៉ុណ្ណោះ។ តាមរយៈគេហទំព័រ verywellmind បានបង្ហាញគន្លឹះមួយចំនួនដើម្បីទាញស្មារតីក្នុងការបង្ហើយកិច្ចការណាមួយ ឬការបណ្តុះអារម្មណ៍ល្អៗ។
១. ផ្ញើសារ ៖ ក្នុងស្ថានភាពដែលគិតអ្វីមិនចេញ ហើយការនៅស្ងៀមទ្រឹងក៏មិនអាចជួយអ្វីបានទៀតនោះ ដូច្នេះការទាញទូរស័ព្ទ ឬគ្រឿងអេឡិចត្រូនិចណាមួយដែលអាចសរសេរសារឆ្លើយឆ្លងគ្នាបាន រួចសរសេរសារនឹករឭកទៅកាន់មិត្តស្និទ្ធស្នាលណាម្នាក់ ដើម្បីចែករំលែកបទពិសោធន៍ និងការចងចាំល្អៗ។
២. ញញឹម ៖ ទោះបីជាមើលទៅហាក់រាងបង្ខំចិត្ត ឬក៏ដូចជាសម្តែងក៏ដោយ ប៉ុន្តែញញឹមឱ្យបានច្រើនតាមដែលអាចធ្វើបាន គឺជាសកម្មភាពបញ្ឆេះចិត្តឱ្យមានភាពរីករាយនាពេលបន្ទាប់។
៣. សរសើរមនុស្សជុំវិញខ្លួន ៖ ការបង្ហើបវាចា សរសើរទៅកាន់បុគ្គលដទៃ ជារឿយៗ អ្នកអាចនឹងទទួលបាននូវពាក្យអរគុណត្រឡប់មកវិញ។ ត្បិតការដឹងគុណជាពាក្យពេចន៍សាមញ្ញ ប៉ុន្តែបានជះឥទ្ធិពលវិជ្ជមាន ហើយទាញបាននូវអារម្មណ៍ល្អៗ។
៤. មើលរូបថតចាស់ៗ ៖ ដកឃ្លាបន្តិច ទៅមើលរូបថតអនុស្សាវរីយ៍ចាស់ៗ ដើម្បីបង្កើនអារម្មណ៍ល្អៗ និងកាត់បន្ថយការគិតដែលមិនចាំបាច់មួយចំនួន រួមទាំងជាឱកាសឆ្លុះបញ្ចាំងផងដែរ។
៥. រក្សាទង្វើសប្បុរស ៖ ការផ្តល់អ្វីមួយទៅកាន់អ្នកដទៃ មិនចាំបាច់ទាល់តែរបស់ធំៗនោះទេ ត្រឹមតែជារបស់តិចតួចដូចជា របស់ញ៉ាំ និងសម្ភារៈអនុវស្សាវរីយ៍តូចៗ ដែលអាចធ្វើឱ្យខ្លួនឯងមានអារម្មណ៍រីករាយក៏គ្រប់គ្រាន់។
សូមបញ្ជាក់ជូនដែរថា គន្លឹះទាំងនេះមិនអាចឆ្លើយតបទៅកាន់មនុស្សគ្រប់គ្នាបាននោះទេ គឺអាស្រ័យលើបរិយាកាស និងស្ថានភាពជាក់ស្ដែងប៉ុណ្ណោះ មួយវិញទៀតគឺនៅមានវិធីបន្ថែមជាច្រើនទៀតក្នុងការសាកល្បងអនុវត្ត៕
