ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សម្ពន្ធយុវជនអាហារូបករណ៍ (ស២) បានប្រកាសផ្តល់អាហារូបករណ៍ ១០០% ទៅសិក្សានៅសាកលវិទ្យាល័យរាជផាត់ឧបុនរាជធានី នៃព្រះរាជាណាចក្រថៃ សម្រាប់ឆ្នាំសិក្សា២០២៣។
ជំនាញដែលត្រូវសិក្សាសម្រាប់ថ្នាក់បរិញ្ញាបត្រ រួមមាន ៖ អាជីវកម្មសណ្ឋាគារ, បណ្ណាល័យ និងវិទ្យាសាស្រ្តព័ត៌មាន, គោលនយោបាយតំបន់, រដ្ឋបាលសាធារណៈ, ទេសចរណ៍ និងបដិសណ្ឋារកិច្ច, ការគ្រប់គ្រងភស្តុភារ, សំណង់ស៊ីវិល, បច្ចេកវិទ្យាអេឡិចត្រូនិច, ការរចនាប្លង់, ទូរគមនាគមន៍ និងការទំនាក់ទំនងព័ត៌មាន, បច្ចេកវិទ្យាអគ្គិសនី, ការគ្រប់គ្រងឧស្សាហកម្មបច្ចេកវិទ្យា, វិស្វកម្មបណ្តាញកុំព្យូទ័រ, ស្ថិតិ, វិទ្យាសាស្រ្តបរិស្ថាន, កសិកម្ម, វិទ្យាសាស្រ្តសត្វ និងជំនាញជលផល ជាដើម។
សម្រាប់បេក្ខជនដែលមានបំណងស្នើសុំអាហារូបករណ៍ សូមភ្ជាប់ជាមួយឯកសារ ពាក្យស្នើសុំអាហារូបករណ៍, ជីវប្រវត្តិសង្ខេប, កិច្ចសន្យាអាហារូបករណ៍, សញ្ញាបត្រមធ្យមសិក្សាទុតិយភូមិ, លិខិតបញ្ជាក់កិរិយាមាយាទ, លិខិតថ្កោលទោស, សៀវភៅគ្រួសារ ឬសៀវភៅស្នាក់នៅ, សំបុត្រកំណើត និងអត្តសញ្ញាណប័ណ្ណសញ្ជាតិខ្មែរ។
កាលបរិច្ឆេទទទួលពាក្យ និងដាក់ពាក្យស្នើសុំអាហារូបករណ៍ ចាប់ពីថ្ងៃទី២ ខែមករា ឆ្នាំ២០២៣ រហូតដល់ថ្ងៃទី១០ ខែកុម្ភៈ ឆ្នាំ២០២៣។ ទីកន្លែងទទួលពាក្យនៅអាគារលេខ៦២ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ៕
