ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍អាស៊ានសម្រាប់សិស្សវិទ្យាល័យ សិក្សានៅប្រទេសសឹង្ហបុរីឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្សកម្ពុជាដែលកំពុងសិក្សាថ្នាក់ទី១០។
លក្ខខណ្ឌសម្រាប់បេក្ខជនស្នើពាក្យអាហារូបករណ៍ ជាបេក្ខជនដែលកើតនៅថ្ងៃទី០២ ខែមករា ឆ្នាំ២០០៨ ដល់ថ្ងៃទី០១ ខែមករា ឆ្នាំ២០១១ មានជំនាញភាសាអង់គ្លេស មានប្រវត្តិការសិក្សាល្អនៅក្នុងសាលា បានបញ្ចប់ថ្នាក់ទី១០ នៃវិទ្យាល័យ ឬមធ្យមសិក្សាទុតិយភូមិ និងមានបទពិសោធន៍ក្នុងសកម្មភាពចូលរួមកម្មវិធីផ្សេងៗរបស់សាលា។
សិស្សនឹងមានឱកាសពង្រីកការយល់ដឹងរបស់ពួកគេ និងអភិវឌ្ឍជំនាញសំខាន់ៗដូចជា ភាពជាអ្នកដឹកនាំ ការទំនាក់ទំនង និងជំនាញជីវិតផ្សេងទៀត។ លើសពីនេះក៏អាចជួយលើកកម្ពស់សុច្ឆន្ទៈ និងការយល់ដឹងក្នុងចំណោមយុវជនមកពីប្រទេសផ្សេងៗ និងសិង្ហបុរីផងដែរ។
អត្ថប្រយោជន៍ដែលបេក្ខជនជ័យលាភីអាហារូបករណ៍ទទួលបានរួមមាន ប្រាក់ឧបត្ថម្ភប្រចាំឆ្នាំសម្រាប់កន្លែងស្នាក់នៅ ប្រាក់ចំណាយប្រចាំខែ សំបុត្រយន្តហោះ ថ្លៃសិក្សា ថ្លៃប្រឡងសម្រាប់ GCE O-Level (ប្រសិនអាចអនុវត្តបាន) ថ្លៃធានារ៉ាប់រងផ្នែកវេជ្ជសាស្ត្រ និងធានារ៉ាប់រងសម្រាប់គ្រោះថ្នាក់។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមត្រៀម ដោយអាហារូបករណ៍នឹងបើកទទួលពាក្យពីថ្ងៃច័ន្ទ ទី០១ មេសា ដល់ថ្ងៃទី៣០ ខែឧសភា ឆ្ន២០២៤។ នៅខែ កក្កដា ឆ្នាំ២០២៤ បេក្ខជនដែលត្រូវបានជ្រើសរើសប្រឡងប្រជែងនឹងត្រូវបានប្រាប់ដំណឹងមុនមួយសប្ដាហ៍ដើម្បីត្រៀមប្រឡងនៅរាជធានីភ្នំពេញ ។ នៅខែកញ្ញា ឆ្នាំ២០២៤ បេក្ខជនដែលត្រូវបានជ្រើសរើសសម្រាប់សម្ភាសន៍នឹងទទួលបានការផ្ដល់ដំណឹងមុនមួយសប្ដាហ៍ និងប្រកាសលទ្ធផលនៅខែកញ្ញា២០២៤៕
