ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវជន ក៏ដូចជាបងប្អូនប្រជាពលរដ្ឋដែលរស់នៅខេត្តកំពង់ឆ្នាំង មានបំណងចង់សិក្សាជំនាញវិជ្ជាជីវៈ និងបច្ចេកទេស, វិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសយុវជនឱ្យចូលសិក្សាដោយឥតគិតថ្លៃលើជំនាញជាច្រើនសរុបចំនួន ៦៦០កន្លែង។
ជំនាញសិក្សាសម្រាប់វគ្គ ៤ខែ និង ៦ខែ រួមមាន ៖ ការដំឡើងបណ្តាញអគ្គិសនីក្នុងអគារ, ការរចនាក្រាហ្វិកដោយកុំព្យូទ័រ, សេវាកម្មបរិក្ខាត្រជាក់ក្នុងគេហដ្ឋាន និងការថែទាំ និងជួសជុលរថយន្ត ។ វគ្គសិក្សានេះ មានវេន ចន្ទ-សុក្រ (ព្រឹកដល់រសៀល) ចន្ទ-សុក្រ (ព្រឹក) ចន្ទ-សុក្រ (រសៀល)។
ជំនាញសិក្សាសម្រាប់ វគ្គ៨ខែ ចន្ទ-សុក្រ ពេលយប់ រួមមាន ៖ ការរចនាក្រាហ្វិកដោយកុំព្យូទ័រ, ការដំឡើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ), សេវាកម្មបរិក្ខាត្រជាក់ក្នុងគេហដ្ឋាន, ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត។
ជំនាញសិក្សាសម្រាប់ វគ្គ ៨ខែ សៅរ៍-អាទិត្យ រួមមាន ៖ ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត, សេវាកម្មសម្អាងកាយ, សេវាកម្មបរិក្ខារត្រជាក់ក្នុងគេហដ្ឋាន និងការដំឡើង និងអនុវត្តបច្ចេកវិទ្យាឌីជីថល។
លក្ខខណ្ឌនៃការចុះឈ្មោះ ៖ មានអាយុចាប់ពី១៥ឆ្នាំឡើង, សម្រាប់យុវជនដែលមកពីគ្រួសារមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយមិនបង់ថ្លៃ និងបានប្រាក់ឧបត្ថម្ភ ២៨ម៉ឺនរៀលក្នុង១ខែ, សម្រាប់យុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សា ទទួលបានការសិក្សាដោយឥតគិតថ្លៃ។
ចាប់ផ្តើមទទួលពាក្យពីថ្ងៃផ្សាយដំណឹងនេះតទៅ ចូលរៀននៅថ្ងៃទី៤ ខែតុលា ឆ្នាំ២០២៤។
សម្រាប់ព័ត៌មានលម្អិត សូមទំនាក់ទំនងទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំង ដែលមានទីតាំងស្ថិតនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ជាប់មន្ទីរអប់រំ យុវជន និងកីឡាខេត្ត ឬទំនាក់ទំនងតាមទូរស័ព្ទលេខ ០១២ ៤៧៤ ៣៤១ / ០១៦ ៨៩១ ៩៨៤៕
