ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ឆ្នាំ២០២៤នេះ កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍ជាច្រើនកន្លែងសម្រាប់ថ្នាក់បរិញ្ញាបត្រជាន់ខ្ពស់ សិក្សារយៈពេល១-២ឆ្នាំ និងថ្នាក់បណ្ឌិត សិក្សារយៈពេល៣ឆ្នាំ ដល់មន្រ្តីរាជការកម្ពុជាដែលកំពុងបម្រើការងារតាមក្រសួងស្ថាប័ននានា ទៅសិក្សានៅគ្រឹះស្ថានសិក្សាក្នុងប្រទេសចិន។
កម្មវិធីអាហារូបករណ៍នេះ ផ្តល់ជូនការរ៉ាប់រងថ្លៃសិក្សា កន្លែងស្នាក់នៅ ការធ្វើដំណើរកម្ពុជា សាធារណរដ្ឋប្រជាមានិតចិន និងអត្ថប្រយោជន៍ផ្សេងៗទៀត។
សម្រាប់មន្រ្តីរាជការ និងបុគ្គលិកអប់រំ ដែលមានបំណងចូលរួមក្នុងកកម្មវិធីអាហារូបករណ៍ខាងលើ សូមបំពេញពាក្យសុំតាមអនឡាញ តាមរយៈគេហទំព័រ https://www.china-aibo.cn/en/info/1005/1422.htm ។
បន្ទាប់ពីបានបំពេញពាក្យសុំតាមអនឡាញរួចហើយ សូមបោះពុម្ព ពាក្យសុំនោះ ដោយភ្ជាប់ឯកសារពាក់ព័ន្ធផ្សេងៗ រួចបញ្ជូនមកការិយាល័យអាហារូបករណ៍ និងកម្មវិធីសិក្សា នៃក្រសួងអប់រំ យុវជន និងកីឡា ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ឱ្យបានមុនថ្ងៃទី១៥ ខែឧសភា ឆ្នាំ២០២៤ វេលាម៉ោង៤រសៀល ដើម្បីក្រសួងរៀបចំបញ្ជីឈ្មោះ និងបញ្ជូនឯកសារទៅស្ថានទូតសាធារណរដ្ឋប្រជាមានិតចិន ចាត់ចែងបន្ត។
សម្រាប់ព័ត៌មានបន្ថែម សូមទាក់ទងទៅកាន់លេខទូរស័ព្ទ 012 328 806 ឬ 095 624 895 រៀងរាល់ម៉ោងធ្វើការ៕
