ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
ជំនាញដែលនឹងផ្តល់ជូននោះរួមមាន ៖ ការផលិតនំ (ខ្មែរ), ការងារកំបោរ (ជាងសំណង់), ការដំឡើងបណ្ដាញបំពង់ទឹក, ការដំឡើងបណ្ដាញអគ្គិសនីក្នុងអគារ, ការដំឡើងប្រព័ន្ធបញ្ជាម៉ូទ័រអគ្គិសនី, ការផ្សាហោហៈដោយធ្នូអគ្គិសនី, ការថែទាំ និងជួសជុលទោចក្រយានយន្ត (ម៉ូតូ), សេវាកម្មកាត់សក់បុរស, សេវាកម្មសម្អាងកាយ, ការដំ ថែទាំ និងប្រមូលផលដំណាំស្វាយកែវមៀត និង ការដាំ ថែទាំ និងប្រមូលផលដំណាំមៀនប៉ៃលិន។
អត្ថប្រយោជន៍ដែលទទួលបាន ៖ សិក្សាដោយមិនបង់ថ្លៃ, ប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយដោយសិក្សាពេញម៉ោង, ផ្តល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ, កន្លែងចុះកម្មសិក្សានៅតាមសហគ្រាស គ្រឹះស្ថានឧស្សាហកម្ម និងក្រុមហ៊ុនឯកជន, សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដដែលទីផ្សារការងារកំពុងត្រូវការ, ឱកាសទទួលបានការងារសមរម្យ និងចំណូលទៀងទាត់។
ទំនាក់ទំនងចុះឈ្មោះចូលរៀន សូមទាក់ទងទៅកាន់ទូរស័ព្ទលេខ ០៩៧ ៤៧០ ៦១៨៤ ឬទៅកាន់មជ្ឈមណ្ឌលផ្ទាល់ដែលមានអាសយដ្ឋានភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី៕
