ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។ អាហារូបករណ៍ផ្ដល់ជូន និងជ្រើសរើសនិស្សិតចំនួន១០កន្លែងដែលរៀនជាភាសាអង់គ្លេស និងភាសាខ្មែរ (ថ្នាក់ពេញម៉ោង) ។
លក្ខខណ្ឌក្នុងការជ្រើសរើស បេក្ខជន-បេក្ខនារី ត្រូវមានសញ្ញាបត្របរិញ្ញាបត្រផ្នែកគីមី អាចប្រើប្រាស់ភាសាអង់គ្លេសសម្រាប់ការសិក្សា និងស្រាវជ្រាវថ្នាក់បរិញ្ញាបត្រជាន់ខ្ពស់ ។ ជាមួយគ្នានេះតម្រូវភ្ជាប់ជាមួយឯកសារចាំបាច់ដូចជា ពាក្យសុំចុះឈ្មោះប្រឡង១ច្បាប់ សញ្ញាបត្របរិញ្ញាបត្រផ្នែកគីមីមានបញ្ជាក់ពីរាជធានី ខណ្ឌ ស្រុក ឬគ្រឹះស្ថាន១ច្បាប់ ព្រឹត្តិបត្រពិន្ទុថ្នាក់បរិញ្ញាបត្រផ្នែកគីមី១ច្បាប់ ប្រវត្តិរូបសង្ខេបមានបិទរូបថតថ្មី៤x៦ ១ច្បាប់ រូបថតថ្មី(ផ្ទៃពណ៌ខៀវ)ថតចំពីមុខឥតពាក់វ៉ែនតាទំហំ៤x៦ (០៣សន្លឹក) និងទំហំ៣x៤(០២សន្លឹក) ។
ការប្រឡងមាន៣មុខវិជ្ជាប្រឡងរួមមាន គីមីរូប គីមីវិភាគ និងភាសាអង់គ្លេស និងតម្រូវឱ្យបេក្ខជនប្រឡងបង់ប្រាក់សុំសិទ្ធប្រឡងចំនួន២០ដុល្លារជាមុន ។ បេក្ខជនទាំងអស់ដែលប្រឡងជាប់វិញ្ញាសារសរសេរ នឹងត្រូវឆ្លងកាត់ការសម្ភាសន៍ជាភាសាអង់គ្លេសពីកម្មវិធីថ្នាក់បរិញ្ញាបត្រជាន់ខ្ពស់គីមី នៃសាលាក្រោយបរិញ្ញាបត្រផ្នែកវិទ្យាសាស្ត្រ ដើម្បីធ្វើការវាយតម្លៃបន្ថែមលើកម្រិតភាសាអង់គ្លេស ជំនាញ និងបុគ្គលិកលក្ខណៈ ។ បេក្ខជននឹងទទួលបានអាហារូបករណ៍១០០%ក្រោយជាប់វគ្គសម្ភាសន៍ និងវិញ្ញាសារសរសេរដៃ ។
សម្រាប់ព័ត៌មានបន្ថែមអាចធ្វើការទំនាក់ទំនងទៅកាន់ ០៧០ ៣៤៧ ២៤៨ / ០៩៦ ៨៦៥ ៧៩៨ ៨ / ០៩៦ ៦៦២ ២០៩ ៤ / ០៩២ ៨៤៥ ៦២១ / ០៩៩ ២៩៧ ៨៧៨ ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី១៤ ខែកុម្ភៈ ឆ្នាំ២០២៣ ម៉ោង១៦០០នាទី នៅបន្ទប់៥០១ ជាន់ទី៥ អគារស្ទែម នៃសាកលវិទ្យាល័យភូមិន្ទភ្នំពេញ ៕
