ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជិះកង់ ត្រូវចាត់ទុកថា គឺជាសកម្មភាពលំហាត់ប្រាណមួយ ដែលផ្តល់នូវភាពរីករាយ ហើយក៏រក្សាបាននូវសុខភាពល្អ រួមទាំងអាចជួយដល់ការបញ្ចុះទម្ងន់ ដុតកម្តៅជាតិខ្លាញ់ក្នុងឈាម រក្សាភាពសកម្ម នៃរាងកាយ ធ្វើឱ្យជើងមានភាពរឹងមាំជាដើម។ តាមរយៈគេហទំព័រ Healthline បានបង្ហាញអត្ថប្រយោជន៍ចំនួន៥ ពីការជិះកង់។
១. បញ្ចុះទម្ងន់ ៖ ការប្រើប្រាស់ជើងធាក់ឈ្នាន់កង់បន្តិចម្តងៗ បានរួមចំណែកឱ្យរាងកាយមានចលនា ហើយជួយសម្រួលដល់អ្នកដែលមានតម្រូវការបញ្ចុះទម្ងន់ក្នុងគោលដៅទទួលបានរាងកាយស្វាហាប់ និងសុខភាពល្អ ជារួមគឺការជិះកង់ជាសកម្មភាពមួយជួយរក្សាទម្ងន់រាងកាយឱ្យមានតុល្យភាព ក៏ដូចជាការគ្រប់គ្រងទម្ងន់របស់រាងកាយទាំងមូល។
២. ជើងមានភាពធន់ ៖ សកម្មភាពជិះកង់បានជួយអភិវឌ្ឍន៍សុខភាពទូទៅនៃរាងកាយ និងសាច់ដុំជើងដោយឥតមានរបួសស្នាម ជាពិសេសនៅត្រង់កំភួនជើង។ ដើម្បីជំរុញឱ្យជើងកាន់តែមានសុខភាពរឹងមាំ ការបង្កើនសកម្មភាពជិះកង់ គឺជាការរួមចំណែកក្នុងការអភិវឌ្ឍត្រង់ផ្នែកនេះ ដោយធ្វើយ៉ាងណាជិះកង់ឱ្យបានពីរ ទៅបីដង ក្នុងមួយសប្តាហ៍។
៣. កាត់បន្ថយកូឡេស្តេរ៉ុល ៖ ខ្លាញ់នៅក្នុងឈាមជាផ្នែក នៃកូឡេស្តេរ៉ុល ហើយសកម្មភាពជិះកង់អាចជួយបន្ថយកម្រិតកូឡេស្តេរ៉ុលបាន ដោយជំរុញឱ្យសុខភាពបេះដូងមានដំណើរការល្អ រួមទាំងកាត់បន្ថយជំងឺដាច់សរសៃឈាមក្នុងខួរក្បាល និងអាការៈគាំងបេះដូង។
៤. សុខភាពផ្លូវចិត្ត និងសុខភាពផ្លូវកាយ ៖ ជិះកង់ជាសកម្មភាពជួយឱ្យអារម្មណ៍ធូរស្រាយ បន្ថយស្ថានភាពបាក់ទឹកចិត្ត ឬក៏ភាពតានតឹង ព្រោះការផ្តោតទៅលើដងផ្លូវ ឬក៏ទីតាំងដែលជិះ អាចជួយពង្រឹងសមត្ថភាពផ្តោត និងការរស់នៅជាមួយបច្ចុប្បន្នភាព។ ប្រសិនបើលោកអ្នករកឃើញថា ខ្លួនឯងស្ថិតនៅក្នុងស្ថានភាពដែលស្ពឹកៗ ងងុយគេង ឬក៏បាត់បង់ភាពសកម្ម គួរសាកល្បងជិះកង់ឱ្យបានយ៉ាងហោចណាស់៣០នាទី ដោយហេតុថា ការធ្វើលំហាត់ប្រាណ ជួយឱ្យរាងកាយបានបញ្ចេញអ័រម៉ូនសុភមង្គល ដែលធ្វើឱ្យអារម្មណ៍ល្អ កាត់បន្ថយកម្រិតស្រ្តេស៕
