ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន សម្រាប់ឆ្នាំសិក្សា ២០២៦-២០២៧។
ការសិក្សាមានរយៈពេល ១ ឆ្នាំ ចាប់ពីថ្ងៃទី១ ខែកញ្ញា ឆ្នាំ២០២៦ ដល់ ១៥ ខែមិថុនា ឆ្នាំ២០២៧។
សម្រាប់អត្ថប្រយោជន៍ដែលនិស្សិតទទួលបាន គឺទទួលបានថ្លៃសិក្សា ១០០% តែប៉ុណ្ណោះ ដោយឡែកការស្នាក់នៅ អាហារ និងចំណាយផ្សេងៗជាបន្ទុករបស់សាម៉ីខ្លួន។
លក្ខខណ្ឌនៃការជ្រើសរើស ៖ មានអាយុ ចាប់ពី១៨ឆ្នាំ ដល់២២ឆ្នាំ, មានសញ្ញាបត្រមធ្យមសិក្សាទុតិយភូមិឡើងទៅ, ហើយអាហារូបករណ៍នេះមានលក្ខណៈពិសេស ដោយបេក្ខជនមិនតម្រូវឱ្យមានលទ្ធផលប្រឡងកម្រិតសមត្ថភាពភាសាចិន (CSCA/HSK)ទេ។
និស្សិត នឹងអាចទទួលបានឱកាសអាហារូបករណ៍ពីសាកលវិទ្យាល័យផ្ទាល់ អាហារូបករណ៍ថ្នាក់ខេត្ត ឬអាហារូបករណ៍ CSC អាស្រ័យទៅលើសមត្ថភាពរបស់និស្សិតផ្ទាល់។
នីតិវិធី នៃការដាក់ពាក្យ ៖ រាល់ការដាក់ពាក្យស្នើសុំអាហារូបករណ៍នេះ ត្រូវធ្វើឡើងតាមរយៈ សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន។ ហើយសម្រាប់សិស្ស និស្សិតដែលមានចំណាប់អារម្មណ៍ សូមទំនាក់ទំនងសាកសួរព័ត៌មាន តាមរយៈ Telegram 031 328 6362 ឬ 088 994 2297៕
